1 SAMUELA 8:1-22 TON1884 - Bible AI

¹1 Koe mea i he bule kovi ae gaahi foha o Samuela, oku kole ha tu‘i e he kakai Isileli. 6 Oku lotu loto mamahi a Samuela, bea fakafiemalie‘i ia e Jihova: 10 Oku ne fakaha hono aga oe tu‘i. 17 Koe finagalo oe Otua ke tui a Samuela ki he faa kole ae kakai. BEA nae behe, i he ene hoko o motua a Samuela naa ne fakanofo hono ogo foha ke fakamāu ki Isileli.

²Bea ko hono higoa oe uluaki foha ko Joeli; bea koe higoa o hono tokoua, ko Abia: bea koe ogo fakamāu akinaua i Beasiba.

³Bea nae ikai alu a hono ogo foha i hono gaahi hala oona, ka naa na tafoki o kumi koloa, o na ma‘u koloa totogi, bea fakahala‘i ae fakamāu.

⁴Bea nae toki fakakatoa fakataha akinautolu e he kau mātua kotoabe o Isileli, o ha‘u kia Samuela ki Lama,

⁵O nau behe kiate ia, Vakai kuo ke motua, bea oku ikai alu a ho ogo foha i ho gaahi hala: bea koeni fakanofo ha tu‘i moo mautolu ke ne fakamāu‘i akimautolu o hage koe gaahi buleaga kotoabe.

⁶Ka nae kovi lahi kia Samuela ae nau behe, Tuku kiate kimautolu ha tu‘i ke ne fakamāu‘i akimautolu. Bea nae lotu e Samuela kia Jihova.

⁷Bea nae behe e Jihova kia Samuela, Tokaga ki he le‘o oe kakai i he mea kotoabe oku nau tala kiate koe: he oku teeki ai te nau jiaki koe, ka kuo nau jiaki au, ke oua naaku bule kiate kinautolu.

⁸Hage koe gaahi gaue aia kuo nau fai talu ae aho aia neu omi ai akinautolu mei Ijibite, io o a‘u ki he aho ni, aia kuo nau liaki au, bea tauhi ae gaahi otua kehe; oku behe e nau fai kiate koe.

⁹Bea koeni, tokaga ki ho nau le‘o; ka ke valoki mamafa kiate kinautolu, bea fakaha kiate kinautolu hono aga oe tu‘i, aia e bule kiate kinautolu.

¹⁰Bea nae fakaha e Samuela ae gaahi folofola kotoabe a Jihova ki he kakai nae tala tu‘i kiate ia.

¹¹Bea behe eia, Ko hono aga eni oe tu‘i, aia e bule kiate kimoutolu: Te ne too ho mou gaahi foha bea vahe‘i akinautolu moona, ki he ene gaahi jaliote, bea ke hoko ko ene kau heka hose; bea ke lele muomua i hono gaahi jaliote.

¹²Bea e fakanofo eia moona ae gaahi eiki bule ki he gaahi toko afe, moe eiki bule ki he gaahi toko nimagofulu; bea te ne fakafatogia akinautolu ke keli ene goue, bea ke tuuji ene ta‘u, bea ke nau gaohi ene mahafu tau, moe gaahi mea ki hono gaahi jaliote.

¹³Bea te ne bule ke hoko a ho mou gaahi ofefine, koe kau gaohi ma melie, koe kau teu kai, moe kau ta‘o ma.

¹⁴Bea e ma‘u eia hoo mou gaahi goue, mo hoo mou goue vaine, moe goue olive, io aia oku lelei lahi, bea e foaki ia ki he ene kau tamaioeiki.

¹⁵Bea te ne too hono hogofulu o hono vahe i hoo mou tega‘i akau, bea mo hoo mou goue vaine, bea foaki ki he ene kau matābule mo ene kau tamaioeiki.

¹⁶Bea te ne too hoo mou kau tamaioeiki, mo hoo mou kau kaunaga, mo hoo mou kau tagata toulekeleka, mo hoo mou faga asi, o tuku akinautolu ki he ene gaue.

¹⁷E too eia o ave hono hogofulu oe vahe o hoo mou faga sibi: bea te mou hoko ko ene kau tamaioeiki.

¹⁸Bea te mou tagi kalaga i he aho koia, koe mea i he tu‘i aia kuo mou fili moo moutolu; bea e ikai ogo‘i akimoutolu e Jihova i he aho koia.

¹⁹Ka nae ikai tui ae kakai ki he le‘o o Samuela, bea naa nau behe, Ikai, ka te mau ma‘u ha tu‘i, ke bule kiate kimautolu;

²⁰Koeuhi ke mau tatau foki moe gaahi buleaga; bea ke fakamāu‘a akimautolu e ho mau tu‘i, bea ke alu muomua ia iate kimautolu, ke fai e mau gaahi tau.

²¹Bea nae fanogo e Samuela ki he gaahi lea kotoabe ae kakai, bea ne leaaki ia i he ao o Jihova.

²²Bea nae behe e Jihova kia Samuela, Tokaga ki ho nau le‘o, bea fakanofo ha tu‘i moo nautolu. Bea nae behe e Samuela ki he kau tagata o Isileli, Mou alu, koe tagata taki taha ki he ene kolo.