1 TESALONIKA 1:1-10 TON1884 - Bible AI

¹1 Oku tala e Baula ki he kaiga i Tesalonika a ene manau mau kiate kinautolu i he ene gaahi fakafetai moe lotu: 5 mo ene ilo bau foki ae mooni moe lelei oe nau tui, moe nau liliu hi he Otua. KO BAULA, mo Silivenusi, mo Timote, ki he jiaji oe kakai Tesalonika oku i he Otua koe Tamai moe Eiki ko Jisu Kalaisi: Ke iate kimoutolu, ae aloofa, moe melino mei he Otua koe tau Tamai, moe Eiki ko Jisu Kalaisi.

²Oku mau fakafetai mau ai be ki he Otua koeuhi ko kimoutolu kotoabe, o takua akimoutolu i he e mau gaahi lotu;

³O manatu mau ai be ki hoo mou gaue i he tui, moe faa fai i he ofa, moe faa kataki i he amanaki lelei, i ho tau Eiki ko Jisu Kalaisi, i he ao oe Otua koe tau Tamai;

⁴I he e mau ilo, e kaiga ofeina, ho mou fili e he Otua.

⁵He nae ikai hoko e mau ogoogolelei kiate kimoutolu i he lea be, ka i he malohi foki, bea i he Laumalie Maonioni, bea moe fakamooni lahi; o hage oku mou ilo ae aga naa mau fai iate kimoutolu koeuhi ko kimoutolu.

⁶Bea naa mou faifaitaki kiate kimautolu, bea moe Eiki, he ne mou ma‘u ae folofola i he mamahi lahi, moe fiefia i he Laumalie Maonioni:

⁷Bea ne mou hoko ai koe kau fakai-loga ki he kakai tui kotoabe i Masitonia mo Akeia.

⁸He nae ogoogo atu meiate kimoutolu ae folofola ae Eiki, o ikai ki Masitonia be mo Akeia, ka ko hoo mou tui ki he Otua kuo mafola atu ki he botu kotoabe foki; koia oku ikai jii aoga ke mau lea ki ai.

⁹He oku fakaha ekinautolu be hono aga oe mau hoko atu kiate kimoutolu, bea mo hoo mou tafoki ki he Otua mei he gaahi tamabua, ke tauhi ae Otua moui mo mooni;

¹⁰Bea ke tatali ki hono Alo mei he lagi, aia naa ne fokotuu hake mei he mate, ko Jisu aia oku ne fakamoui akitautolu mei he houhau e ha‘u.