1 TIMOTE 1:1-20 TON1884 - Bible AI

¹1 Oku fakamanatu‘i a Timote i ke gaue nae tuku kiate ia e Baula i he ene alu ki Masitonia. 5 Hono uhiga totonu oe fono. 11 Koe ui a Baula koe abosetolo, 20 koe lea kia Aiminia mo Alekisanita. KO AU BAULA, koe abosetolo a Jisu Kalaisi, i he fekau ae Otua ko ho tau Fakamoui, moe Eiki ko Jisu Kalaisi, ko ho tau amanaki leleiaga;

²Koe aloofa, moe ofa mataataatā be, moe melino, mei he Otua koe tau Tamai, mo Jisu Kalaisi ko ho tau Eiki; kia Timote, ko hoku foha mooni i he tui.

³O hage ko eku kole kiate koe ke ke nofo be i Efeso, i he eku alu ki Masitonia, koeuhi ke ke fekaua ae niihi ke oua te nau ako aki ha akonaki kehe,

⁴Ke oua foki e tokaga ki he gaahi talatubua moe hohoko taetuku, aia oku laga ai ae fakakikihi, kae ikai koe fela-gaaki hake faka‐Otua aia oku i he tui.

⁵Bea koeni, ko hono uhiga oe fekau, koe ofa mei he loto maa, moe atamai lelei, moe tui taemalualoi:

⁶Aia kuo afe mei ai ae niihi, bea kuo nau he ki he gaahi launoa;

⁷O holi ke hoko koe kau akonaki i he fono; ka oku ikai te nau ilo aia oku nau lau, be koia oku nau lea fakaba-bau ki ai.

⁸Ka oku tau ilo oku lelei ae fono, o kabau oku gaue aoga aki ia e he tagata;

⁹O ilo eni, nae ikai gaohi ae fono ki he tagata maonioni, ka ki he kau liaki fono, moe talagataa, moe taelotu, moe kau agahala, ki he taemaa, moe manuki, ki he kau tamate‘i oe tamai moe tamate‘i oe fa‘e, moe kau tamate‘i oe tagata,

¹⁰Ki he kau feauaki, kiate kinautolu oku fefakauliaki akinautolu moe kakai, ki he kau kaihaa tagata, ki he kau loi, ki he kau fuakava loi, bea moia kotoabe oku tuu kehe moe akonaki totonu;

¹¹O fakatatau moe ogoogolelei nāu-nāuia oe Otua monuia, aia nae tuku mai keu tauhi ia.

¹²Bea oku ou fakafetai kia Kalaisi Jisu ko ho tau Eiki, aia kuo ne faka-malohi‘i au, i he ene lau au koe agatonu, o ne fakahoko au ki he gaue;

¹³A au naaku lauikovi‘i ia i mu‘a, mo fakataga‘i, mo fai kovi: ka naaku ma‘u ae aloofa, he naaku taetui koe fai i he taeilo.

¹⁴Bea nae lahi hake aubito aubito ae ofa a ho tau Eiki, i he tui moe ofa aia oku ia Kalaisi Jisu.

¹⁵Koe tala mooni eni, bea oku tāu moe kakai kotoabe ke ma‘u ia, nae haele a Kalaisi Jisu ki mamani ke fakamoui ae kakai agahala; bea ko hono fugani au.

¹⁶Ka koe mea ni naaku ma‘u ai ae aloofa, koeuhi ke fakaha atu e Jisu Kalaisi iate au, koe fugani, ae kataki ofa kotoabe, bea keu hoko koe fakai-loga kiate kinautolu e tui kiate ia amui ki he moui taegata.

¹⁷Bea koeni, ke i he Tu‘i i mu‘a i mu‘a, mo taemate, mo tae ha mai, ki he Otua boto taha be, ae fakaabaaba moe ogoogo lelei o taegata bea taegata. Emeni.

¹⁸E foha ko Timote, oku ou tuku atu ae fekau ni kiate koe, o fakatatau moe gaahi kikite i mu‘a nae kau kiate koe, koeuhi ke ke faa fai mei ai ae tau lelei:

¹⁹O buke mau ae tui, moe atamai lelei; aia kuo jiaki e he niihi, bea koe nau tui kuo tūkia o mate:

²⁰Aia oku i ai a Aiminia mo Alekisanita; kuou tukuage akinaua kia Setani, ke na ilo ke oua te na lauikovi.