1 TIMOTE 2:1-15 TON1884 - Bible AI

¹1 Ko hono totonu oe hufia moe fakafetai koeuhi koe kakai fulibe. 9 Ae aga ke teuteu ai ae kau fefine. 12 Ke oua naa tuku ke nau ako. 15 Bea ne ogo ae fakamooni oe houhau oe Otua kiate kinautolu i he fanau, ka e fakamoui akinautolu oka nau ka tuu mau i he tui. KOIA oku ou eginaki, ke fuofua fai ae kole, moe gaahi lotu, moe hufe-kina mau, moe fakafetai, koeuhi koe kakai kotoabe;

²Koeuhi koe gaahi tu‘i, bea mo kinautolu kotoabe oku bule: koeuhi ke tau moui i he moui fiemalie moe melino, i he aga faka‐Otua moe aga totonu kotoabe.

³He koe mea lelei eni, bea aoga i he ao oe Otua ko ho tau Fakamoui;

⁴Aia oku finagalo ke fakamoui ae kakai kotoabe, bea ke lava‘i ae ilo‘i oe mooni.

⁵He oku taha be ae Otua moe faka-laloa be taha i he vahaa oe Otua moe kakai, koe tagata ko Kalaisi Jisu;

⁶Aia naa ne foaki eia ia koe totogi huhui ma ae kakai kotoabe, aia e fakamooni i hono kuoga totonu.

⁷Aia kuo fakanofo au ki ai koe malaga, moe abosetolo, (oku ou lea aki ae mooni ia Kalaisi, oku ikai teu loi;) koe akonaki ki he gaahi Jenitaile i he tui moe mooni.

⁸Koia ko hoku loto ke lotu ae kakai i he botu kotoabe, o mafao atu ae nima maonioni, o taeita mo taefakatae-taetui.

⁹Bea ke behe ae kau fefine foki, ke nau teu‘i aki akinautolu ae kofu oku gali ke ai, moe mata agavaivai moe aga fakabotoboto; kae ikai i he fafatu oe louulu, be i he ai ae koula, be koe mataitofe, be i he teuga aki ae koloa lahi;

¹⁰Ka i he gaahi gaue lelei aia oku tāu moe kau fefine oku nau fakaha koe kau lotu akinautolu ki he Otua.

¹¹Ke tali e he kau fefine ae akonaki i he fakalogobe moe agavaivai kotoabe.

¹²He oku ikai teu tuku ae fefine ke akonaki, be ke faao ae bule ae tagata, ka ke fakalogobe.

¹³He nae fuofua gaohi a Atama, kae i mui a Ivi.

¹⁴Bea nae ikai kākāia a Atama, ka koe fefine nae kākāia bea to ia ki he talagataa.

¹⁵Ka ne ogo ia e fakamoui ia i he fanau, o kabau e tuu mau akinautolu i he tui moe ofa moe maonioni moe aga fakabotoboto.