1 TIMOTE 5:1-25 TON1884 - Bible AI

¹1 Koe aga ke fai ai ae valoki. 3 Ki he kau fefine kuo mate ho nau unoho. 17 Ki he kau mātua. 23 Koe fekau ki he moui ae jino o Timote. 24 Oku muomua ae gaahi agahala ae kakai, niihi ki he fakamāu, bea muimui ae agahala ae kakai niihi. OUA naa ke valoki kakaha ki ha motua, kae fakakolekolea o hage ki ha tamai; bea ki he kau talavou o tāu moe gaahi kaiga;

²Lea ki he kau fine mātua o tāu moe fa‘e; moe kau fine mui o tāu moe gaahi tuofefine, i he agamaa kotoabe.

³Tauhi ki he kau fefine kuo mate ho nau unoho, akinautolu oku majiva mooni.

⁴Bea kabau oku ai ha fefine kuo mate hono unoho oku ai ene fānau be mokobuna, tuku ke nau fuofua fakaha e nau aga fakalotu i abi, bea totogi lelei ki he e nau mātua: he oku lelei bea malie ia i he ao oe Otua.

⁵Bea koeni, koe fefine kuo mate hono unoho, bea baea mooni, oku falala ia ki he Otua, bea fai mau be ene kole tāumau moe lotu i he bo moe aho.

⁶Ka ko ia oku moui ki he fiemalie fakakakano, oku mate ia i he lolotoga ene moui.

⁷Bea koe gaahi mea ni ke ke fekau aki koeuhi ke nau taehalaia.

⁸He kabau oku ikai ke tokonaki e ha toko taha ki hono kaiga, bea kiate kinautolu tonu i hono fale, kuo jiaki eia ae lotu, bea lahi hake ene kovi aana iate ia oku taelotu.

⁹Ke oua naa fili ki he fakataha ha fefine kuo mate hono unoho oku teeki ai onogofulu ta‘u ene motua, nae unoho ia ki he tagata be taha,

¹⁰Kuo fakaogolelei ia i he gaahi gaue lelei; o kabau naa ne tauhi fānau, o kabau naa ne fakaafe ae kakai fono-ga, kabau naa ne fufulu ae va‘e oe kaiga maonioni, kabau naa ne tokoni ki he kakai mahaki, kabau naa ne faa fai ae gaahi gaue lelei kotoabe.

¹¹Kae tuku be ae kau fine mui kuo mate ho nau unoho; he oka nau ka taeaganofo kia Kalaisi, bea te nau fie mali;

¹²O nau halaia ai, koe mea i he e nau liaki e nau fuofua tui.

¹³Kae umaa oku nau fai fakabikobiko, o fealuaki fano be i he fale ki he fale; bea ikai gata i he fakabikobiko, ka koe kau fakalaga lau foki o kaunoa, o nau lea ki he gaahi mea oku ikai totonu.

¹⁴Koia ko hoku loto ke mali ae kau fine mui, bea fanau, mo tauhi ae fale, bea oua naa ai ha tuuga ki he lea manuki oe fili.

¹⁵He kuo afe eni ae niihi o muimui ia Setani.

¹⁶Kabau oku kaiga ha tagata be ha fefine oku tui ki ha kau fefine kuo mate ho nau unoho, tuku ke nau tauhi akinautolu, kae oua naa fakamāfajia ae jiaji; ka koeuhi ke tauhi e he jiaji akinautolu oku majiva mooni.

¹⁷Iloga ae kau mātua oku bule lelei, ke atu kiate kinautolu ae fakaabaaba lahi, kae lahi hake kiate kinautolu oku gaue i he folofola moe akonaki.

¹⁸He oku behe ae tohi, Oua naa ke nonoo ae gutu oe bulu oku ne molo-moloki ae uite. Bea, Oku tāu moe tagata gaue hano tauhi.

¹⁹Oua naa ke tali ha fakailo kovi ki ha motua, ka i he ao oe fakamooni e toko ua, be toko tolu.

²⁰Ko kinautolu oku fai agahala, valoki fakaha be, ke manavahe ai ae niihi.

²¹Oku ou fekau i he ao oe Otua, moe Eiki ko Jisu Kalaisi, moe kau agelo kuo fili, ke ke tokaga ki he gaahi mea ni, o taefilifilimanako ki ha taha i ha taha: oua naa fai ha mea e taha i he filifilimanako.

²²Oua naa ke hilifaki nima fakavave ki ha tagata e toko taha, bea oua naa ke kau ki he agahala oe kakai: ke ke tauhi koe ke ke maa.

²³Oua naa ke kei inu vai be, ka ke ai ae uaine jii, telia ho fatu mo hoo faa mahamahaki.

²⁴Oku tomua ha ae agahala ae kakai niihi, o muomua ki he fakamāu; ka oku muimui be i he niihi.

²⁵Bea oku behe foki oku tomua ha mai ae gaahi gaue lelei ae niihi; bea koia oku ikai behe, e ikai faa fufu ia.