2 KOLINITO 11:1-33 TON1884 - Bible AI

¹1 Oku bule‘i a Baula e he jiaji i Kolinito ke ne fakaogolelei ia eia, oku fuaa ia i he e nau tokaga lahi ki he kau abosetolo loi i he e nau tokaga kiate ia, 5 oku ikai tomui ia i he faka abosetolo, 7 naa ne malaga aki ae ogoogolelei kiate kinautolu, tae ha totogi meiate kinautolu, 13 bea ne fakaha oku ikai ke tomui ia i he kau gaue kākā i he mea oku totonu ke ne ma‘u, 23 kae lahi hake aubito ia iate kinautolu i he gaue kia Kalaisi moe gaahi mamahi kehekehe kotoabe i he ene gaue fakafaifekau. TAUMAIA oku mou faa kataki jii au i he eku vale: io, mou katakii au.

²He oku ou fuaa kiate kimoutolu i he fuaa faka‐Otua: he kuou fakanofo akimoutolu ki he unoho be taha, koeuhi keu atu ai akimoutolu koe tāuboou maonioni kia Kalaisi.

³Ka oku ou manavahe telia naa hage ko hono oloa e he gata i he ene kākā‘i a Ivi, e behe ae fakahala ho mou loto mei he agatotonu aia oku ia Kalaisi.

⁴Bea kabau mooni oku malaga aki eia kuo a‘u atu, ae Jisu e taha nae ikai te mau malaga aki, bea kabau oku mou ma‘u ha Laumalie e taha, aia nae ikai te mou ma‘u, be ha ogoogolelei e taha, nae ikai te mou ma‘u, bea neinei te mou faa kataki ia.

⁵Ka oku ou lau eau oku ikai jii teu tomui au i he fugani abosetolo lahi.

⁶He ne ogo eku taeboto i he lea, ka oku ikai teu behe i he ilo; ka kuo oji hono fakaha lahi atu akimautolu kiate kimoutolu i he gaahi mea kotoabe.

⁷He ko eku fai hala a eku fakavaivai au kae fakahikihiki ai akimoutolu, koeuhi i he eku malaga aki kiate kimoutolu ae ogoogolelei oe Otua tae ha totogi?

⁸Naaku fakamajiva‘i ae jiaji niihi, o ma‘u mei ai ae totogi, keu aoga ai kiate kimoutolu.

⁹Bea i he eku i ai mo kimoutolu, beau majiva, nae ikai teu fakamāfajia ha tagata e toko taha: he koia naaku majiva ai, nae omi ia e he kaiga nae ha‘u mei Masitonia: bea kuou fai i he mea kotoabe ke oua naaku fakamāfajia akimoutolu, bea ko hoku loto teu behe be.

¹⁰O hage oku iate au ae mooni a Kalaisi, e ikai taofi au i he bolebole ni, he gaahi botu o Akeia.

¹¹Koe mea i he ha? koeuhi oku ikai teu ofa kiate kimoutolu? oku ilo‘i e he Otua.

¹²Ka koia oku ou fai, teu fai be ia, koeuhi ke tuuji ae tubugalau meiate kinautolu oku kumi ki ai; koeuhi koe mea oku nau viki ai, ke ilo akinautolu oku nau hage ko kimautolu.

¹³Ka koe kau abosetolo loi akinautolu, koe kau gaue fakakākā, oku nau fakakehe akinautolu ke hage koe kau abosetolo a Kalaisi.

¹⁴Bea oku ikai koe mea fakaofo ia; he naa mo Setani oku fakakehe foki ia koe agelo oe māma.

¹⁵Koia oku ikai ko ha mea lahi, o kabau e fakakehe ene kau faifekau foki ke hage koe kau faifekau oe maonioni; koe gataaga okinautolu e fakatatau ki he e nau gaahi gaue.

¹⁶Oku ou toe behe, Oua naa mahalo e ha taha koe vale au; bea kabau e behe, bea kataki mu‘a au o tāu moe vale, koeuhi keu bolebole jii iate au.

¹⁷Koia oku ou lea aki, oku ikai teu lea aki mei he Eiki, kae hage koe vale, i he bolebole lahi ni.

¹⁸Koe mea i he bolebole ae toko lahi ki he kakano, teu bolebole foki au.

¹⁹He oku mou kataki fiemalie be ae kau vale, he koeuhi oku mou boto.

²⁰He kabau oku fakabobula‘i akimoutolu e ha taha, kabau te ne folo hifo, kabau te ne fakamalohi‘i akimoutolu, kabau e fakahikihiki ia, kabau te ne tuki‘i ho mou mata, oku mou kataki be ia.

²¹Oku kau eku lea ki he manuki‘i, o hage kuo mooni e mau vaivai. Ka koeni, iloga ha mea oku bole ai ha toko taha, (oku ou lea o hage ha vale,) oku ou bole ai foki.

²²Koe Hebelu akinautolu? oku behe mo au. Koe Isileli akinautolu? oku behe mo au. Koe hako o Ebalahame akinautolu? oku behe mo au.

²³Koe kau faifekau a Kalaisi akinautolu? (oku ou lea o hage ha vale) oku ou lahi hake; i he gaahi gaue lahi aubito, i he gaahi kauimaea o lahi aubito, i he nofo fale fakabobula o liuga lahi hake, bea liuga lahi i he mate.

²⁴Nae liuga nima a hoku haha e he kakai Jiu, bea taki tolugofulu ma hiva ae ta.

²⁵Nae tuo tolu hoku teia aki ae gaahi vaa akau, bea tuo taha hoku tologaki aki ae maka, kuo tuo tolu eku mate i he vaka, koe bo moe aho naaku i he moana;

²⁶I he faa fai ae gaahi fonoga, i he tuutamaki i he gaahi vai, i he tuutamaki i he kaihaa kau, i he tuutamaki i he kakai o hoku fonua, i he tuutamaki i he hiteni, i he tuutamaki i he kolo, i he tuutamaki i he toafa, i he tuutamaki i he tahi, i he tuutamaki i he kaiga loi;

²⁷I he ogojia moe gaue mamahi, i he faa leo, i he fiekaia moe fieinu, i he faa aukai, i he momoko moe telefua.

²⁸Bea ikai be koe gaahi mea ni mei tua, ka koia foki oku fetaomi kiate au i he aho kotoabe, koe tokaga ki he gaahi jiaji kotoabe.

²⁹Kohai oku vaivai, bea oku ikai teu vaivai ai? kohai oku tūkia, bea oku ikai teu vela ai?

³⁰Kabau kuo bau be keu bolebole, teu bolebole ki he gaahi mea oku kau ki he eku vaivai.

³¹Koe Otua moe Tamai a ho tau Eiki ko Jisu Kalaisi, aia oku monuia o taegata, oku ne ilo‘i oku ikai teu loi.

³²Koe bule i Tamasikusi i he tu‘i ai a Alitasi, naa ne leohi ae kolo oe kakai Tamasikusi aki ae kau tau, o holi ke ne moua au:

³³Bea nae tukutuku hifo au i ha kato mei he katuba i he a, beau hao mei hono nima.