2 KOLINITO 3:1-18 TON1884 - Bible AI

¹1 Telia naa behe e he kau akonaki loi oku bolebole launoa a Baula, koia oku ne fakaha ae tui moe gaahi gaue lelei oe kau Kolinito koe fakaogolelei lahi ia o ene gaue fakafaifekau. 6 Bea ne fai ai ae lea fakatātā ki he kau faifekau oe fono moe kau faifekau oe ogoogolelei, 12 bea ne fakamooni ko ene gaue aana oku fugani lelei lahi, o hage oku fugani lelei lahi ae ogoogolelei oe moui moe tauataina i he fono oe fakamalaia. HE oku mau toe kamata fakaogolelei atu akimautolu? be oku aoga kiate kimautolu, o hage koe niihi, ha tohi fakaogolelei atu kiate kimoutolu, be koe fakaogolelei mai meiate kimoutolu?

²Koe mau tohi akimoutolu, kuo tohi ki ho mau loto, kuo ilo bea lau e he kakai kotoabe:

³Kuo fakaha fakababau atu koe tohi a Kalaisi akimoutolu kuo mea gaue aki ai akimoutolu, kuo tohi kae ikai aki ae vaitohi, ka koe Laumalie oe Otua moui; ikai i he gaahi maka lafalafa, ka i he kakano oe loto.

⁴Bea koe mea ia Kalaisi oku ai haa mau tui behe ki he Otua:

⁵Kae ikai hage oku mau mafai iate kimautolu ke mahalo ki ha mea meiate kimautolu; ka koe mau mafai oku mei he Otua;

⁶Aia foki kuo ne teu‘i akimautolu koe kau faifekau faa fai oe fuakava foou; ikai oe matai tohi, ka oe laumalie: he oku tamate‘i e he matai tohi, ka oku foaki moui e he laumalie.

⁷Bea kabau nae nāunāuia ae gaue oe mate nae tohitogi ki he gaahi maka, aia nae ikai faa jio fakahagatonu ai ae fānau a Isileli ki he mata o Mosese, koe mea i he malama o hono mata; aia nae bau ke gata:

⁸Bea e ikai lahi hake aubito hono nāunāu oe gaue oe Laumalie?

⁹He kabau oku nāunāuia ae gaue oe fakamalaia, bea oku lahi hake aubito hono nāunāuia oe gaue oe fakatonuhia.

¹⁰He koia nae gaohi ke nāunāuia, nae ikai hano nāunāu i he mea ni, koe mea i he nāunāu oku lahi hake.

¹¹He kabau nae nāunāuia aia ku fakaoji, ta oku lahi aubito hono nāunāu o ia oku tuu mau.

¹²Bea koia i he e mau ma‘u ae amanaki lelei behe, oku mau lea ilogofua lahi ai.

¹³Bea ikai hage ko Mosese, naa ne ai ae bulou ki hono mata, bea nae ikai faa jio fakamama‘u atu e he fānau a Isileli ki he gataaga o ia kuo fakaoji:

¹⁴Ka nae fakakui ho nau loto: he oku a‘u ki he aho ni, oku kei tuu mau o taeue‘i ae bulou koia i he lau oe fuakava motua: ae bulou koia kuo mole ia Kalaisi.

¹⁵Ka oku a‘u ki he aho ni, oku kei i ho nau loto ae bulou i he lau o Mosese.

¹⁶Ka koeni, oka tafoki ia ki he Eiki, e too atu ae bulou.

¹⁷Bea koe Eiki ae laumalie koia: bea koia oku i ai ae Laumalie oe Eiki, oku i ai ae tauataina.

¹⁸Ka oku tau vakai kotoabe, o mata taebulou i he jioata, ki he nāunāu oe Eiki, bea oku tau liliu ki hono tatau mei he nāunāu ki he nāunāu, i he Laumalie oe Eiki.