2 KOLINITO 4:1-18 TON1884 - Bible AI

¹1 Oku fakaha e Baula a ene malaga aki ae ogoogolelei i he agatotonu moe faa fai lahi, 7 bea moe fakaogolelei ae mafimafi oe Otua e he gaahi mamahi moe gaahi fakataga naa ne kataki i he aho kotoabe, 12 bea aoga foki ki he jaiji, 16 bea aoga ke tubulaki ai ae monuia taegata ki he abesetolo. KOIA i he e tau ma‘u ae gaue ni, bea i he e tau ma‘u ae ofa, oku ikai ai te mau vaivai;

²Ka kuo mau liaki ae gaahi mea fufu oe fakama, o ikai aeva i he fiemua, be fai fakakākā aki ae folofola ae Otua; ka i he fakaha atu ae mooni, oku mau fakaogolelei atu akimautolu ki he loto oe tagata taki taha kotoabe, i he ao oe Otua.

³Bea kabau kuo fakabulou e mau ogoogolelei, kuo fakabulou ia kiate kinautolu oku malaia:

⁴Akinautolu kuo fakakui ho nau loto taetui e he otua o mamani, telia naa ulo mai kiate kinautolu ae māma oe ogoogolelei fakamonuia o Kalaisi, aia ko hono tatau oe Otua.

⁵He oku ikai te mau malaga aki akimautolu, ka ko Kalaisi Jisu koe Eiki; mo kimautolu ko hoo mou kau tamaioeiki koeuhi ko Jisu.

⁶He koe Otua, aia nae fekau ke ulo mai ae māma mei he bouli, ko ia kuo ne fakaulo mai ki ho mau loto, ke fakamāmagia akimautolu i he ilo oe nāunāu oe Otua, i he fofoga o Jisu Kalaisi.

⁷Ka oku mau ma‘u ae koloa ni i he gaahi ibu umea, koeuhi ke i he Otua hono lelei oe malohi, kae ikai iate kimautolu.

⁸He kuo fakaabiabi akimautolu mei he botu kotoabe, ka oku ikai efituu; moua be, kae ikai tae ha tokoni;

⁹Oku fakataga‘i, ka oku ikai liaki; kuo li ki lalo, kae ikai tamate‘i;

¹⁰O fafa fano mau ai be i ho mau jino ae mate a ho tau Eiki ko Jisu, koeuhi ke fakaha ai foki ae moui a Jisu i ho mau jino.

¹¹He ko kimautolu oku moui, oku tukuage mau ai be ki he mate koeuhi ko Jisu, koeuhi ke fakaha ai foki ae moui a Jisu i ho mau kakano mategofua.

¹²Koia oku gaue ae mate iate kimautolu, ka koe moui iate kimoutolu.

¹³Oku mau ma‘u ae laumalie koia oe tui, o hage koia kuo tohi, Naaku tui, bea koia kuou lea ai; oku mau tui foki, bea koia oku mau lea ai;

¹⁴O ilo ko ia naa ne fokotuu hake ae Eiki ko Jisu, te ne fokotuu hake akimautolu foki ia Jisu, o atu ki hono ao fakataha mo kimoutolu.

¹⁵He oku ai ae gaahi mea kotoabe koeuhi ko kimoutolu, bea ke ogoogo lelei ae Otua i hono lahi oe aloofa, koe mea i he fakafetai lahi ai ae toko lahi.

¹⁶Koia oku ikai ai te mau vaivai: ka i he fakaaau o mole ho mau tagata i tua, oku fakafoou ae loto i he aho kotoabe.

¹⁷He ko ho mau mamahi maamaa ni, aia oku ojigofua, oku fakatubu maa mautolu ae lelei oku lahi hake faka-manavahe aubito aubito bea mamafa mo taegata;

¹⁸Kae ikai i he e mau jiofia ae gaahi mea oku ha mai, ka koe gaahi mea oku ikai ha mai: he koe gaahi mea oku ha mai, oku ojigofua; ka koe gaahi mea oku ikai ha mai, oku taegata ia.