2 KOLINITO 5:1-21 TON1884 - Bible AI

¹1 Oku fai e Baula ke ne loto lelei mau ai be i he ene amanaki ki he moui taegata, moe fakamāu lahi, 12 nae ikai fai behe ke ne bolebole ai, 14 ka koeuhi ke moui foou be, bea moui kia Kalaisi, o tāu mo ha taha kuo ne ma‘u ae moui mei a Kalaisi, 18 bea ne fai i he ene kau i he gaue fakalelei ke fakalelei ha niihi ki he Otua ia Kalaisi. HE oku mau ilo oka veteki ho mau fale kelekele, koe fale fehikitaki ni, oku ai ho mau fale mei he Otua, koe fale nae ikai gaohi e he nima, oku taegata, i he lagi.

²He oku mau oi i heni, o holi lahi ke mau kofu aki ho mau fale aia oku mei he lagi:

³He koeuhi i he e mau kofuia, ke oua naa iloa oku mau telefua.

⁴He ko kimautolu oku i he fale fehikitaki ni, oku mau oi, kuo māfajia: kae ikai koeuhi ke mau taekofuia, kae kofu aki, koeuhi ke folo hifo ae mategofua i he moui.

⁵Bea ko ia kuo ne gaohi akimautolu ki he mea ko eni, koe Otua ia, aia kuo ne foaki foki kiate kimautolu hono fakamooni oe Laumalie.

⁶Koia oku mau loto toa mau ai be, o ilo, lolotoga e mau i heni i he jino, oku mau nofo kehekehe moe Eiki:

⁷(He oku mau aeva i he tui, kae ikai i he mamata:)

⁸Oku mau loto toa, bea holi ke hiki mu‘a mei he jino, ka mau nonofo moe Eiki:

⁹Koia oku mau holi ai, koeuhi, ka mau ka i heni be mamao atu, ke lelei akimautolu kiate ia.

¹⁰He kuo bau e fakaha akitautolu kotoabe i he ao oe nofoaga fakamāu o Kalaisi; koeuhi ke ma‘u taki taha kotoabe ae gaahi mea o fakatatau ki he mea naa ne fai i he jino, be ko ha lelei ia be ko ha kovi.

¹¹Koia i he e mau ilo ae houhau oe Eiki, oku mau fakaloto‘i ae kakai; ka kuo fakaha atu akimautolu ki he Otua; bea oku ou behe, kuo fakaha atu ki ho mou loto foki.

¹²He oku ikai te mau toe fakaogolelei atu akimautolu kiate kimoutolu, kae tuku ke mou vikiviki koeuhi ko kimautolu, bea ke mou ma‘u ha tali kiate kinautolu oku vikiviki fakama-mata, kae ikai i he loto.

¹³He kabau kuo mau vale, oku i he Otua be: bea kabau oku mau boto, koe mea ia kiate kimoutolu.

¹⁴He oku fakafeiga‘i akimautolu e he ofa a Kalaisi; he oku behe ho mau loto, kabau nae bekia ae toko taha koeuhi koe kakai kotoabe, bea ta nae mate kotoabe:

¹⁵Bea nae bekia ia ma ae kakai kotoabe, koeuhi ko kinautolu oku moui, ke oua naa nau toe moui kiate kinautolu, ka kiate ia nae bekia maa nautolu, bea toe tuu hake.

¹⁶Koia oku gata heni, oku ikai te mau ilo fakakakano be ha toko taha: io, naa mo Kalaisi, kabau naa mau ilo fakakakano ia, kuo gata, oku ikai te mau kei ilo behe ia.

¹⁷Koia kabau oku ia Kalaisi ha taha, koe takatubu foou ia: kuo mole atu ae gaahi mea motua; vakai, kuo hoko o foou ae gaahi mea kotoabe.

¹⁸Bea oku mei he Otua ae gaahi mea kotoabe, aia naa ne fakalelei akimautolu kiate ia ia Jisu Kalaisi, bea kuo ne tuku kiate kimautolu ae fakamatala oe fakalelei;

¹⁹Koeuhi nae ia Kalaisi ae Otua, o ne fakalelei a mamani kiate ia, o ikai lau kiate kinautolu e nau gaahi fai hala; bea kuo ne tuku kiate kimautolu ae fakaogoogo oe fakalelei.

²⁰Bea koeni, koe kau faifekau akimautolu koeuhi ko Kalaisi, o hage oku fakakolekole ae Otua iate kimautolu: oku mau kole koe fetogi o Kalaisi, mou fakalelei moe Otua.

²¹He naa ne gaohi ia, aia nae ikai haane agahala, koe feilaulau i he agahala koeuhi ko kitautolu; kae hoko ai akitautolu koe maonioni ae Otua iate ia.