2 KOLINITO 6:1-18 TON1884 - Bible AI

¹1 Kuo ne fakamooni eia koe faifekau mooni a Kalaisi, i he ene gaahi akonaki, 3 moe moui agatonu, 4 moe faa kataki ae gaahi mea fakamamahi moe gaahi mea fakama kehekehe kotoabe koeuhi koe ogoogolelei. 10 Aia oku ne faa lea ai kiate kinautolu koeuhi kuo matoo hono loto kiate kinautolu, 13 bea ne amanaki ke behe foki e nau ofa kiate ia, 14 koe eginaki ke mavahe mei he nofo fakataha moe uli‘i oe kau tauhi tamabua, he koe gaahi fale tabu akinautolu oe Otua moui. KOIA ko kimautolu, koe kauga gaue fakataha, oku mau fakakolekole foki ke oua naa mou ma‘u tonoa ae ofa ae Otua.

²(He oku behe eia, Kuou ogo‘i koe i he kuoga tuutuumalie, bea i he aho fakamoui kuou tokoni‘i koe: vakai, ko eni ae kuoga tuutuumalie; vakai, ko eni ae aho oe fakamoui.)

³Ke oua naa ai ha tūkiaaga i ha mea e taha, koeuhi ke oua naa faka-ogokovi ae gaue:

⁴Ka mau fakaogolelei atu akimautolu i he gaahi mea kotoabe, o tāu moe kau faifekau ae Otua, i he faa kataki, i he gaahi mamahi, i he gaahi majiva, i he gaahi fakamamahi lahi,

⁵I he haha, i he nofo fale fakabobula, i he maveuveu, i he gaahi gaue mamafa, i he faa leo, i he faa aukai;

⁶I he maonioni, i he ilo, i he kataki fuoloa, i he agaofa, i he Laumalie Maonioni, i he ofa taeloi,

⁷I he lea oe mooni, i he malohi ae Otua, i he mahafu tau oe maonioni i he nima toomatau bea i he toohema,

⁸I he fakaabaaba moe taefaka-abaaba, i he ogokovi moe ogolelei: o hage koe kau kākā, ka oku mooni;

⁹Hage koe taeiloa, ka oku ilo lahi; hage koe mate, bea iloage, oku tau moui; hage koe tautea, ka oku ikai tamate‘i;

¹⁰Hage koe loto mamahi, ka mau fiefia mau ai be; hage koe majiva, ka oku mau fakakoloaia ae toko lahi; hage koe tae ma‘u ha mea, ka oku ma‘u ae mea kotoabe.

¹¹Ae kakai Kolinito, oku matoo ho mau gutu kiate kimoutolu, oku tubu o lahi ho mau loto.

¹²Oku ikai te mou efihia iate kimautolu, ka oku mou efihia i he ofa a moutolu be.

¹³Bea koeni, ko hono totogi i he mea ni, (oku ou lea o hage ki he eku fānau) ke fakaataatā akimoutolu foki.

¹⁴Oua naa mou kau fakataha moe kakai taetui: he oku feohi fefe ae maonioni moe taemaonioni? bea oku feohi fefe ae māma moe bouli?

¹⁵Bea oku kau taha fefe a Kalaisi mo Bileali? bea oku inaji taha i he ha aia oku tui moe taetui?

¹⁶Bea oku fai tatau i he ha ae fale tabu oe Otua moe gaahi tamabua? he koe fale tabu akimoutolu oe Otua moui; o hage koe folofola ae Otua, Teu nofoia akinautolu, o eveeva iate kinautolu; bea ko ho nau Otua au, bea ko hoku kakai akinautolu.

¹⁷Oku behe e he Eiki, Koia mou ha‘u meiate kinautolu, bea ke ataatā akimoutolu, bea oua naa ala ki he taemaa; bea teu ma‘u akimoutolu:

¹⁸Oku behe e he Eiki Mafimafi, Teu iate kimoutolu koe Tamai, bea ko hoku gaahi foha moe gaahi ofefine akimoutolu.