2 KOLINITO 8:1-24 TON1884 - Bible AI

¹1 Oku ne ue‘i akinautolu ke nau tanaki ae koloa lahi ma ae kaiga maonioni kae majiva i Jelusalema, o hage koe fai e he kaiga i Masitonia. 7 oku ne ue‘i akinautolu aki e nau tomua fie fai, 9 moe gaue ofa a Kalaisi, 14 bea moe aoga fakalaumalie e hoko ai kiate kinautolu: 16 oku ne fakaogolelei ae agatonu moe loto faa fai o Taitusi, bea moe kaiga kehe, akinautolu nae akonaki mo fakaogolelei e Baula ke nau fai ae gaue koia. BEA koeni, e kaiga, oku mau fakailo atu kiate kimoutolu ae ofa ae Otua kuo foaki ki he gaahi jiaji o Masitonia;

²Koeuhi nae tubulekina e nau fiefia i he ahiahi lahi i he mea mamahi, bea tubulekina o lahi e nau foaki kae lolotoga e nau majiva lahi.

³He oku ou fakamooni ki he e nau mafai mei ho nau loto, io, o lahi hake i he e nau faa fai;

⁴Mo nau kole fakamatoato kiate kimautolu ke mau ma‘u ae foaki, bea mau kau ki hono tauhi ma ae kakai maonioni.

⁵Bea ikai ke hage koe mau amanaki, ka naa nau fuofua foaki akinautolu ki he Eiki, bea kiate kimautolu foki i he finagalo oe Otua.

⁶Koia naa mau behe ai kia Taitusi, koe mea i he ene kamata fai, ke ne fakaoji ae gaue koia iate kimoutolu foki.

⁷Koia, bea i hoo mou tubulekina i he mea kotoabe, i he tui, moe lea, moe ilo, moe faa fai kotoabe, bea mo hoo mou ofa kiate kimautolu, ke mou tubulekina i he lelei ni foki.

⁸Oku ikai teu tala eni koe fekau, ka koe mea i he fiefie fai oe niihi, bea ke fakamooni aki ae mooni o hoo mou ofa.

⁹He oku mou ilo ae ulugaaga lelei a ho tau Eiki ko Jisu Kalaisi, a ene mohu koloaia, ka nae hoko o majiva koeuhi ko kimoutolu, koeuhi i he ene majiva ke mou koloaia ai.

¹⁰Bea i he mea ni oku ou eginaki‘i he oku aoga ia kiate kimoutolu, he kuo mou tomua kamata fai, bea oku ikai koia be, ka naa mou fie fai talu ae ta‘u kuo hili.

¹¹Bea koeni, fakatootoo a hono fai; ke hage koe fie loto ki ai, bea ke behe foki ae fie fai mei he mea oku mou ma‘u.

¹²He kabau oku ai ae loto lelei ki ai, e lau ia, o fakatatau ki he mea oku ma‘u e he tagata, ka e ikai fakatatau mo ia oku ikai te ne ma‘u.

¹³Oku ikai fai eni koeuhi ke fiemalie ae niihi, kae māfajia akimoutolu:

¹⁴Ka i he fakatatau i he kuoga ni hoo mou ma‘umea lahi ki he e nau majiva, ke hoko ai e nau ma‘umea lahi koe tokoni ki hoo mou majiva foki: koeuhi ke fakatatau be:

¹⁵O hage koia kuo tohi, Ko ia naa ne tanaki o lahi, nae ikai hano toe; bea ko ia nae tanaki o jii, nae ikai haane majiva.

¹⁶Kae fakafetai ki he Otua, aia nae ai ki he loto o Taitusi ae tokaga lahi koia kiate kimoutolu.

¹⁷He koe mooni naa ne tali ae eginaki; ka nae muomua hono loto ki ai, nae alu atu ia kiate kimoutolu ko hono loto be.

¹⁸Bea kuo mau fekau mo ia ae kaiga oku ofeina e he gaahi jiaji kotoabe, koeuhi koe ogoogolelei;

¹⁹Bea oku ikai koia be, ka nae fili ia foki e he gaahi jiaji ke fonoga mo kimautolu i he tokoni ni, aia oku mau tauhi ke ogoogo lelei ai ae Eiki be koia, bea mo ho mou loto fie fai:

²⁰O vakai eni, ke oua naa lauikovi akimautolu e ha toko ‘aha i he mea lahi ni oku mau tauhi:

²¹He oku mau tokonaki ae gaahi mea matamata lelei, ikai i he ao oe Eiki be, kae i he ao oe kakai foki.

²²Bea kuo mau fekau mo kinaua ho tau kaiga, aia kuo liuga lahi e mau ilo ene faa fai i he gaahi mea lahi, ka koeni, oku ajili ene faa fai, i he ene faaki malohi atu kiate kimoutolu.

²³Bea ko Taitusi, ko hoku tokoua ia moe kauga gaue kiate kimoutolu: bea ko ho mau kaiga, koe kau faifekau ae gaahi jiaji moe nāunāu a Kalaisi akinautolu.

²⁴Koia mou fakaha kiate kinautolu, i he ao oe gaahi jiaji, ha fakamooni o hoo mou ofa, bea moe mau vikiviki koeuhi ko kimoutolu.