2 SAMUELA 15:1-37 TON1884 - Bible AI

¹1 Oku moua ae loto o Isileli kia Abisalomi koe mea i he ene gaahi lea fakaoloola mo malie. 7 Oku ne alu kākā ki Hebeloni, o ne fakatubu i ai ae fakaaoao. 13 Oku hola ai a Tevita mei Jelusalema. 19 Oku ikai liaki ia e Itei. 24 Oku fekau ke ave ae buha oe fuakava e Satoki mo Abiata. 39 Oku alu hake tagi be a Tevita mo kinautolu nae kau moia, i he mouga ko Olive. 41 Kuo ne fakamalaia‘i ae eginaki a Ahitofeli, bea oku alu a Husai moe gaahi lea nae tuku kiate ia e Tevita ke fai kia Abisalomi. BEA hili eni nae hoko o behe, nae teuteu e Abisalomi ae gaahi jaliote maana moe faga hose, bea moe kau tagata e toko nimagofulu ke lele muomua iate ia.

²Bea nae faa tuu hake hegihegi a Abisalomi, o ne tuu i he huaga oe mataba oe kolo: bea ka ai ha toko taha kuo ai haa ne mea ke fakamāu‘i, bea ha‘u ia ki he tu‘i ke fai hono fakamāu‘i, behe, ne ui mai ia e Abisalomi kiate ia, mo ne behe, Koe kolo fe ia oku ke ha‘u mei ai? Bea naa ne behe, Ko hoo tamaioeiki koe toko taha mei he gaahi faahiga o Isileli.

³Bea nae behe e Abisalomi kiate ia, Vakai, kuo lelei mo totonu a hoo gaahi mea; ka oku ikai ha taha mei he tu‘i ke fanogo kiate koe.

⁴Nae behe foki e Abisalomi, Taumaiā kuo fakanofo au ke fakamāu i he fonua, koeuhi ke ha‘u kiate au ae tagata kotoabe oku ai haane mea ke eke‘i be fakamāu‘i, bea teu fai agatonu eau kiate ia!

⁵Bea nae behe, i he ene ha‘u o ofi ha toko taha kiate ia ke fai ene fakaabaaba kiate ia, naa ne faa mafao atu hono nima, ke faofua ki ai mo uma kiate ia.

⁶Bea nae fai behe e Abisalomi ki he kakai Isileli kotoabe aia nae ha‘u ki he tu‘i ke fakamāu‘i: bea nae behe be ae kaihaaji e Abisalomi ae loto oe kau tagata o Isileli.

⁷Bea nae hoko o behe i he ene hili mai ae ta‘u e fagofulu, nae lea a Abisalomi ki he tu‘i, o behe, Oku ou kole ke ke tuku au keu alu o fai a eku fuakava, aia kuou fuakava kia Jihova, i Hebeloni.

⁸He nae fai e hoo tamaioeiki ha fuakava lolotoga a eku nofo i Kesuli i Silia, o behe, Kabau e toe omi mooni au ki Jelusalema, teu toki tauhi ai kia Jihova.

⁹Bea nae behe e he tu‘i kiate ia, Ke ke alu i he fiemalie. Bea naa ne tuu hake ai, mo ne alu ki Hebeloni.

¹⁰Ka nae fekau atu e Abisalomi ae kau mataki ki he faahiga kotoabe o Isileli, o ne behe, Ka mou ka fanogo leva ki he le‘o oe mealea, te mou toki behe, Kuo bule a Abisalomi i Hebeloni.

¹¹Bea nae alu fakataha mo Abisalomi mei Jelusalema ae kau tagata e toko uageau nae fili; bea naa nau alu fakafai noa akinautolu, bea nae ikai te nau ilo ha mea.

¹²Bea nae fekau e Abisalomi kia Ahitofeli koe tagata Kilo, koe taha i he kau mātua o Tevita, ke ha‘u mei hono kolo ko Kilo, lolotoga a ene fai ae gaahi feilaulau. Bea nae tuu kaukaua ae fakaaoao; he nae tubu ke toko lahi mau ai be ae kakai nae kau mo Abisalomi.

¹³Bea nae ha‘u ae talafekau kia Tevita, o ne behe, Kuo muimui ae loto oe kau tagata o Isileli kia Abisalomi.

¹⁴Bea nae behe e Tevita ki he ene kau tamaioeiki kotoabe nae iate ia i Jelusalema, Tuu hake, bea ke tau hola; he ka ikai bea e ikai te tau hao mei a Abisalomi: fakatootoo ke tau alu, telia naa ne hoko fakafokifa mai, bea ne omi ae kovi kiate kitautolu, bea ne teia ae kolo aki ae mata oe heleta.

¹⁵Bea nae behe ki he tu‘i e he kau tamaioeiki oe tu‘i, Vakai, ko hoo tamaioeiki akimautolu i he mea kotoabe aia te ke fekau mai.

¹⁶Bea nae alu atu ae tu‘i, bea nae muimui kiate ia a ene kauga nofoaga kotoabe. Bea nae tuku e he tu‘i ae kau fefine e toko hogofulu, koe jinifu, ke nau tauhi ae fale.

¹⁷Bea nae alu atu ae tu‘i, bea muimui iate ia ae kakai kotoabe, ki ha botu aia nae mamao atu, o nofo i ai.

¹⁸Bea nae alu atu moia a ene kau tamaioeiki; bea nae alu o muomua i he tu‘i ae kakai Keliti, moe kakai Beleti, bea moe kakai Kati, koe kau tagata e toko onogeau aia nae muimui kiate ia mei Kati.

¹⁹Bea nae behe ai e he tu‘i kia Itei koe tagata Kati, Koeha oku ke ha‘u ai koe mo kimautolu? Toe foki ki hoo botu, bea nofo moe tu‘i: he koe muli koe, bea koe aunofo be foki.

²⁰Hage be naa ke ha‘u aneafi, bea e lelei koa a eku ave koe he aho ni ke he fano be mo kimautolu? Koeuhi teu alu au ko eku fai faiteliha be, ka ke tafoki koe, bea toe ave ho kaiga, bea ke iate koe ae aloofa moe mooni.

²¹Bea nae beheage e Itei ki he tu‘i, Oku moui a Jihova, bea hage oku moui a hoku eiki koe tu‘i, i he botu mooni koia e i ai a hoku eiki koe tu‘i, i he mate be i he moui, i he botu be koia e i ai a hoo tamaioeiki.

²²Bea nae behe e Tevita kia Itei, Alu bea ke mole atu. Bea nae aa atu a Itei koe tagata Kati, bea mo ene kakai kotoabe, bea mo ene fānau iki kotoabe nae alu moia.

²³Bea nae tagi ae fonua kotoabe aki ae le‘o lahi, bea nae aa atu ae kakai kotoabe: nae aa atu foki ae tu‘i i he vaitafe ko Kitiloni, bea nae alu atu ae kakai kotoabe, o haga ki he hala ki he toafa.

²⁴Bea vakai, ko Satoki foki, bea moe kau Livai kotoabe nae iate ia, naa nau fua ae buha oe fuakava ae Otua: bea naa nau tuku hifo ae buha tabu ae Otua; bea nae alu hake a Abiata kae oua ke oji ae alu atu ae kakai kotoabe mei he kolo.

²⁵Bea nae behe e he tu‘i kia Satoki, Toe ave ae buha tabu ae Otua ki he kolo: kabau e ofeina au i he ao o Jihova, te ne toe omi au, o ne fakaha ia kiate au bea mo hono fale nofoaga:

²⁶Bea kabau te ne behe mai, Oku ikai teu ilo ha fiemalie iate koe; vakai, ko au eni, tuku ke ne fai kiate au o hage koia oku lelei kiate ia.

²⁷Nae behe foki e he tu‘i kia Satoki koe taulaeiki, Ikai koe tagata kikite koe? Foki atu ki he kolo i he fiemalie, akoe mo ho ogo foha e toko ua, a Ahimasi ko ho foha oou, bea mo Jonatane koe foha o Abiata.

²⁸Vakai, teu nofo tatali be au i he botu tafagafaga oe toafa, kae oua ke omi ha lea meiate kimoutolu ke fakamatala kiate au.

²⁹Koia nae toe ave ai ae buha tabu ae Otua ki Jelusalema e Satoki bea mo Abiata, bea naa na tatali o nofo i ai.

³⁰Bea nae fofoga hake e Tavita i he hakeaga o Olive, bea naa ne tagi be mo alu hake, bea nae bulou a hono ulu bea naa ne alu kuo telefua be a hono va‘e: bea koe kakai fulibe nae iate ia, nae bulou taki taha e he tagata a hono ulu, bea naa nau alu hake, bea naa nau alu hake be moe fai ae tagi.

³¹Bea nae tala e he toko taha kia Tevita, o behe, Kuo kau a Ahitofeli ki he kau fakaaoao oku ia Abisalomi. Bea nae behe e Tevita, E Jihova, oku ou kole kiate koe, ke ke liliu ke vale ae fakakaukau a Ahitofeli.

³²Bea nae hoko o behe, i he ene hoko hake a Tevita ki he tumutumu oe mouga, aia naa ne lotu ai ki he Otua, vakai, nae fakafetaulaki mai kiate ia a Husai koe tagata Aliki, kuo mahaehae hono kofu tua, bea bani aki ae kelekele a hono ulu:

³³Aia nae behe ki ai e Tevita, Kabau te ta o mo au, te ke hoko koe fakamafajia kiate au:

³⁴Ka ka ke ka toe alu ki he kolo, bea ke behe kia Abisalomi, E Tu‘i, teu hoko au ko hoo tamaioeiki; naaku tauhi ki hoo tamai o a‘u mai ki he kuoga ni, bea koeni teu tauhi kiate koe: bea koe mea ia te ke faa veuveuki ai ae fakakaukau a Ahitofeli.

³⁵Bea ikai e i ai mo koe a Satoki bea mo Abiata koe ogo taulaeiki? bea koia e behe be, koia kotoabe te ke fanogo ki ai mei he fale oe tu‘i, te ke fakaha ia kia Satoki bea mo Abiata koe ogo taulaeiki.

³⁶Bea vakai, oku iate kinaua ho na ogo foha e toko ua, a Ahimasi koe foha o Satoki, bea mo Jonatane koe foha o Abiata; bea te ke omi iate kinaua ae tala oe mea kotoabe aia te ke faa fanogo ki ai.

³⁷Koia nae alu ai ki he kolo a Husai koe kaiga o Tevita, bea nae hoko mai a Abisalomi ki Jelusalema.