2 SAMUELA 20:1-26 TON1884 - Bible AI

¹1 Koe mea i he fekeikei oku fakatubu e Seba ae kovi i Isileli. 3 Oku ave ae kau jinifu e toko hogofulu o Tevita ke nofo ai be i ha fale bobula. 4 Oku fakanofo a Amasa koe eiki bule ki he kau tau o Juta, ka oku tamate‘i ai ia e Joabe. 14 Oku tuli a Seba e Joabe o a‘u ki Ebeli. 16 Oku fakamoui ae kolo e he fefine nae fai fakabotoboto. 23 Koe houeiki nae ia Tevita. BEA iloage nae nofo i ai ae tagata agakovi aia nae higoa ko Seba, koe foha o Bikili, koe tagata Benijimani: bea naa ne ifi eia ae mealea, o ne behe, Oku ikai te mau kau mo Tevita, bea oku ikai te mau tofia fakataha moe foha o Jese: E Isileli ke taki taha alu ae tagata ki hono fale.

²Koia nae hiki ai ae kau tagata kotoabe o Isileli mei he e nau muimui kia Tevita, ka nau muimui kia Seba koe foha o Bikili: ka nae bikitai ae kau tagata o Juta ki ho nau tu‘i mei Joatani o a‘u ki Jelusalema.

³Bea nae hoko mai a Tevita ki hono fale i Jelusalema; bea nae ave e he tu‘i ae kau fefine jinifu e toko hogofulu, aia naa ne tuku ke tauhi hono fale, o ne ai akinautolu ki he fale nae leohi, bea nae fafaga i ai akinautolu, ka nae ikai ke ne hu atu ia kiate kinautolu. Bea koia naa nau bobula ai o a‘u ki he aho oe nau mate, o nau moui tae unoho.

⁴Bea nae toki behe e he tu‘i kia Amasa, I he heeki ke oji ae aho e tolu ke ke tanaki mai kiate au ae kau tagata o Juta, bea ke i heni koe.

⁵Koia nae alu a Amasa ke tanaki a Juta: ka naa ne tatali fuoloaage i he gaahi aho nae tuku bau eia kiate ia.

⁶Bea nae behe e Tevita kia Abisai, Koeni e lahi hake i he kovi nae fai e Abisalomi ae kovi e fai kiate kitautolu e Seba koe foha o Bikili: ave ekoe ae kau tamaioeiki a hoo eiki, bea tuli kiate ia, telia naa ne ma‘u ha gaahi kolo kuo a‘i, bea ne hao meiate kitautolu.

⁷Bea nae tuli kiate ia ae kau tagata a Joabe, moe kau Keliti, moe kau Beleti, bea moe kau tagata to‘a kotoabe: bea naa nau alu mei Jelusalema ke tuli kia Seba koe foha o Bikili.

⁸Bea i he e nau hoko atu ki he fuu maka aia oku i Kibione, nae muomua atu a Amasa. Bea nae nootaki kiate ia e Joabe a hono kofu naa ne ai, bea nae ai ki ai ae nonoo moe heleta nae fakamau ki ai mo hono aiaga, ki hono tega; bea i he ene alu atu nae to hifo ia ki lalo.

⁹Bea nae behe e Joabe kia Amasa, Hoku kaiga oku ke moui lelei? Bea nae buke e Joabe ki he kava o Amasa aki a hono nima toomatau ke uma kiate ia.

¹⁰Ka nae ikai tokaga e Amasa ki he heleta nae i he nima o Joabe: bea behe naa ne hoka‘i ia i hono lalo hui fatafata, bea nae to hifo hono tootooga ki he kelekele, bea nae ikai ke ne ta‘i ia ke liuga ua; bea naa ne mate ai. Koia nae tuli atu e Joabe mo Abisai ko hono tokoua kia Seba koe foha o Bikili.

¹¹Bea nae tuu ofi kiate ia ae toko taha i he kau tagata o Joabe, o ne behe, Koia oku kau mo Joabe, bea moia oku kau kia Tevita, ke ne muimui ia Joabe.

¹²Bea nae tokoto a Amasa i he toto i he loto hala. Bea i he ene mamata e he tagata oku tuu mau ae kakai kotoabe, naa ne hiki atu a Amasa mei he loto hala ki he vao, mo ne ufiufi ia aki ha kofu, koe mea i he ene mamata nae tuu mau ai akinautolu kotoabe nae ha‘u ofi ki ai.

¹³Bea hili ae hiki atu ia mei he loto hala, nae muimui atu kia Joabe ae kakai kotoabe, ke tuli kia Seba koe foha o Bikili.

¹⁴Bea naa ne alu atu i he gaahi faahiga kotoabe o Isileli o a‘u ki Ebeli, bea ki Bete‐Meaka, bea moe kakai o Beli katoa: bea nae fakataha akinautolu, o nau muimui foki kiate ia.

¹⁵Bea naa nau ha‘u o kabui ia i Ebeli i Bete‐Meaka, bea naa nau tanu buke ki he kolo bea nae haga atu ia ki he a kitua: bea nae haha ae a e Joabe bea moe kakai kotoabe nae iate ia, koeuhi ke fakahiga ia ki lalo.

¹⁶Bea nae toki ui mai e ha fefine fakabotoboto mei he loto kolo, Mou fanogo! mou fanogo! oku ou kole kiate kimoutolu, ke mou tala kia Joabe, Ha‘u ke ofi mai ki heni, koeuhi keu lea kiate koe.

¹⁷Bea i he ene unuunu atu o ofi kiate ia, nae behe e he fefine, Ko Joabe koe i bea nae talaage eia, Ko au. Bea naa ne toki behe kiate ia, Fanogo mai ki he gaahi lea a hoo kaunaga. Bea nae behe eia, Oku ou fanogo be.

¹⁸Bea naa ne toki lea, o behe, Naa nau faa lea i he kuoga i muaage, o behe, Koe mooni te nau fakafehui ki ai i Ebeli: bea e gata ia i ai.

¹⁹Koe fakamelino moe agatonu au i Isileli; ka oku ke kumi ekoe ke fakaaauha ha kolo bea mo ha fa‘e i Isileli: koeha te ke fogia hifo ai ae tofia o Jihova?

²⁰Bea nae talaage e Joabe o behe, Ke mamao ia, ke mamao ia meiate au keu folo hifo be fakaauha.

²¹Oku ikai behe ha mea: ka koe tagata mei he mouga ko Ifalemi, ko Seba ko hono higoa, koe foha o Bikili, kuo hiki agatuu hake eia a hono nima ki he tu‘i, io kia Tevita: ke tuku mai be ia bea teu alu mei he kolo. Bea nae behe e he fefine kia Joabe, Vakai, e li atu a hono ulu i he a kiate koe.

²²Bea nae toki alu ae fefine ki he kakai kotoabe i he ene fai fakabotoboto. Bea naa nau tutuu ae ulu o Seba koe foha o Bikili o nau li atu ia kia Joabe. Bea naa ne ifi eia ha mealea, bea naa nau tutuku atu mei he kolo, koe tagata taki taha ki hono fale. Bea nae foki atu a Joabe ki he tu‘i ki Jelusalema.

²³Ka koeni nae bule a Joabe ki he kau tau kotoabe o Isileli: bea ko Benaia koe foha o Jehoiata nae bule ki he kau Keliti bea moe kau Beleti:

²⁴Bea nae bule a Atolami ki he tukuhau: bea ko Jihosafati koe foha o Ahilute koe tagata tohi mea ia:

²⁵Bea koe tagata tohi a Siva: bea koe ogo taulaeiki a Satoki bea mo Abiata:

²⁶Bea ko Ila koe tagata Jaili koe eiki lahi foki ia nae kau kia Tevita.