2 SAMUELA 21:1-22 TON1884 - Bible AI

¹1 Oku gata ae hoge oe ta‘u e tolu i he tautau ae gaahi foha e toko fitu o Saula. 10 Koe fai ofa a Lisiba ki he bekia. 12 Oku tanu e Tevita ae gaahi hui o Saula mo Jonatane i he fonualoto o ene tamai. 15 Koe fai liuga fa ae tau ki he kau Filisitia aia oku teia ai ae kau tagata jino lalahi e toko fa. HILI ia nae ai ae hoge i he ta‘u e tolu i he gaahi aho o Tevita i he gaahi ta‘u tuku fakaholo; bea nae fakafehui e Tevita kia Jihova. Bea nae behe mai e Jihova, Koe mea eni ia Saula, bea koeuhi ko hono fale kuo bani toto, he naa ne tamate‘i ae kakai Kibione.

²Bea nae ui e he tu‘i ki he kakai Kibione, o ne behe kiate kinautolu: (ka koeni nae ikai oe fānau a Isileli ae kakai Kibione, ka koe toega oe kau Amoli; bea kuo fefuakavaaki mo kinautolu ae fānau a Isileli: bea nae kumi e Saula ke tamate‘i akinautolu koe mea i he ene fai velega ki he fānau a Isileli mo Juta.)

³Koia nae behe ai e Tevita ki he kau Kibione, Koeha teu fai ma amoutolu? bea teu fai aki aeha ae fakalelei, koeuhi ke mou tabuaki‘i ae tofia o Jihova?

⁴Bea nae behe e he kakai Kibione kiate ia, E ikai te mau ma‘u ha siliva be ha koula mei a Saula be mei hono fale; bea e ikai te ke tamate‘i ha tagata i Isileli koeuhi ko kimautolu. Bea nae talaage eia, Koe mea te mou lea ki ai, koia be teu fai ma amoutolu.

⁵Bea naa nau beheage ki he tu‘i, Iloga ae tagata aia nae keina akimautolu, bea naa ne fakakaukau ke tuuji mo fakaauha akimautolu ke oua naa mau kei nofo i ha botu fonua o Isileli,

⁶Tuku ke omi kiate kimautolu ae kau tagata e toko fitu mei hono gaahi foha oona, bea te mau tautau akinautolu kia Jihova i Kibea o Saula, aia nae fili e Jihova. Bea nae behe e he tu‘i, Teu atu akinautolu.

⁷Ka nae fakahaofi e he tu‘i a Mifiboseti, koe foha o Jonatane koe foha o Saula, koeuhi koe fuakava ia Jihova nae iate kinaua aia nae fefaiaki e Tevita mo Jonatane koe foha o Saula.

⁸Ka nae ave e he tu‘i ae ogo tama o Lisiba koe taahine o Aia, aia naa ne fanau kia Saula, ko Alamoni bea mo Mifiboseti; bea moe tama e toko nima o Mikale koe ofefine o Saula, aia naa ne fanau‘i kia Atilili koe foha o Basilai koe tagata Mihola:

⁹Bea naa ne tukuage akinautolu ki he nima oe kakai Kibione, bea naa nau tautau akinautolu i he mouga i he ao o Jihova: bea nae to hifo fakataha akinautolu e toko fitu, bea nae tamate‘a akinautolu i he gaahi aho oe ututa‘u, i he gaahi uluaki aho, i he kamataaga oe utu ae baale.

¹⁰Bea nae too ae tauagaa e Lisiba koe taahine o Aia, mo ne folofolahi ia maana i he fuga maka, talu mei he kamataaga oe ututa‘u o a‘u ki he ene to hifo ae vai ki ai mei he lagi, bea nae ikai te ne tuku ae faga manu buna oe atā ke tuu ki ai i he aho, be koe faga manu oe fonua i he bo.

¹¹Bea nae tala kia Tevita ae mea nae fai e Lisiba koe taahine o Aia, koe jinifu o Saula.

¹²Bea nae alu a Tevita o ne omi ae gaahi hui o Saula, bea moe gaahi hui o Jonatane ko hono foha, mei he kakai o Jebesi‐kiliati, akinautolu nae ave fakafufu ia mei he hala i Bete‐sani, aia nae tautau ia i ai e he kakai Filisitia, hili ae tamate‘i a Saula e he kau Filisitia i Kiliboa:

¹³Bea naa ne omi mei ai ae gaahi hui o Saula, moe gaahi hui o Jonatane ko hono foha; bea naa nau tanaki ae gaahi hui onautolu nae tautau.

¹⁴Bea naa nau tanu ae gaahi hui o Saula mo Jonatane ko hono foha i he fonua o Benijimani i Sela, ki he faitoka o Kisi ko ene tamai: bea naa nau fai ae mea kotoabe aia nae fekau‘i e he tu‘i. Bea hili ia nae ogo gofua ae Otua ki he kole koeuhi koe fonua.

¹⁵Ka koeni foki nae toe fai ae tau ki Isileli e he kakai Filisitia; bea nae alu hifo a Tevita, bea mo ene kau tamaioeiki moia, o nau tau‘i ae kakai Filisitia: bea nae fakaaau ke vaivai a Tevita.

¹⁶Bea ko Isibo‐binobi, koe toko taha i he fānau a Lafa, aia nae tatau ae mamafa o hono mui tao moe sikeli balasa e tolugeau, kuo ai eia ha mahafu foou, bea naa ne amanaki ke tamate‘i a Tevita.

¹⁷Ka nae tokoni kiate ia e Abisai koe tama o Seluia, o ne ta‘i ae tagata Filisitia, o ne tamate‘i, ia. Bea nae toki fuakava ae kau tagata o Tevita kiate ia, o behe, E ikai jii te ke toe alu atu mo kimautolu ki he tau, telia naa ke fuifui ae māma o Isileli.

¹⁸Bea hili foki eni nae hoko o behe, nae toe fai ae tau moe kakai Filisitia i Kobo: bea nae tamate‘i a Safi aia nae oe fānau a Lafa e Sibikei koe tagata Husati.

¹⁹Bea nae toe ai moe tau i Kobo ki he kakai Filisitia, aia nae tamate‘i ai e Elihanani koe foha o Jaele‐olikimi, koe tagata Betelihema, ae tehina o Kolaia koe tagata Kati aia nae tatau ae kau o hono tao moe akau oe tagata lalaga.

²⁰Bea nae toe fai moe tau a taha i Kati, aia nae i ai ha tagata nae jino loloa, aia nae ma‘u ae louhi‘i nima e ono i hono nima fakatouoji, bea i hono va‘e fakatouoji ae louhi‘i va‘e e ono, ko hono lau fakataha koe uofulu ma fa; bea nae fanau‘i foki ia kia Lafa.

²¹Bea i he ene manuki ki Isileli nae tamate‘i ia e Jonatane koe foha o Simia koe tokoua o Tevita.

²²Nae fanau‘i ae toko fa ni ki he fuu tagata lahi i Kati, bea naa nau to ki lalo i he nima o Tevita, bea moe nima o ene kau tamaioeiki.