2 SAMUELA 22:1-51 TON1884 - Bible AI

¹Koe hiva fakafetai a Tevita ki he Otua koeuhi ko ene fakamoui lahi, bea moe gaahi tabuaki kehekehe. BEA nae lae aki e Tevita kia Jihova ae gaahi lea oe hiva ni i he aho nae fakamoui ai ia e Jihova mei he nima o hono fili kotoabe, bea mei he nima o Saula: o ne behe,

²Ko hoku makatuu a Jihova, mo eku kolo, mo hoku fakamoui;

³Koe Otua o hoku malohi; koia teu falala ki ai: ko hoku fakaū, moe malohi o eku moui, ko hoku fale maoluga, mo hoku hufaga, mo hoku fakamoui; oku ke fakahaofi au mei he fakamalohi‘i.

⁴Teu ui kia Jihova aia oku tāu moia ae fakafetai: bea e behe ae fakamoui au mei hoku gaahi fili.

⁵I he ene kabui au e he gaahi mamahi oe mate, nae fakamanavahe‘i au e he lomaki mai ae kau tagata agakovi;

⁶Nae kabui au e he gaahi mamahi oe faitoka; nae talia au e he gaahi tauhele oe mate;

⁷I he eku mamahi naaku ui kia Jihova, mo tagi ki hoku Otua: bea naa ne fanogo ki hoku le‘o mei hono fale tabu, bea nae a‘u atu a eku tagi ki hono fofoga.

⁸Nae toki galulu ai a mamani mo tetetete; nae gau‘e mo lulululu ae tuuga oe lagi, koeuhi ko ene houhau.

⁹Nae alu hake ae kohu mei hono fofoga, bea nae keina e he afi mei hono gutu; nae tutu aki ia ae fefie.

¹⁰Naa ne ofe‘i hifo foki ae gaahi lagi o ne haele hifo: bea nae i hono lalo va‘e ae bouli.

¹¹Bea naa ne heka ki he jelubi, bea buna; bea nae ha mai ia i he kabakau oe matagi.

¹²Bea naa ne gaohi ae fakabouli koe fale ke tuu takatakai iate ia, koe gaahi vai fakabouli, moe gaahi ao matolu oe lagi.

¹³Koe mea i he uloulo i hono ao nae tutu ai ae fefie oe afi.

¹⁴Nae mana a Jihova mei he lagi, bea nae fakaogo atu e he Toko Taha Maoluga a hono le‘o.

¹⁵Bea naa ne fana‘i atu ae gaahi gahau, mo fakamovetevete akinautolu: koe uhila ke veuveuki akinautolu.

¹⁶Bea nae ha hake ae tokaaga oe tahi, nae fakahāhā mai ae gaahi tuuga o mamani, i he valokia mai a Jihova, moe uulu mai ae mānava o hono fofoga.

¹⁷Naa ne fekau mei oluga, o ne buke au; naa ne too atu au mei he gaahi vai lahi;

¹⁸Naa ne fakamoui au mei hoku fili malohi, bea meiate kinautolu nae fehia kiate au: he naa nau malohi fau kiate au.

¹⁹Naa nau talia au i he aho o eku tuutamaki, ka ko Jihova ko hoku falalaaga.

²⁰Naa ne omi foki au ki he botu ataatā: naa ne fakamoui au, koeuhi ko ene fiemalie iate au.

²¹Nae totogi au e Jihova o fakatatau mo eku maonioni: o hage koe maa o hoku nima kuo behe a ene totogi kiate au.

²²He kuou tauhi eau ae gaahi hala o Jihova, bea kuo ikai teu mahui i he agakovi mei hoku Otua.

²³He nae i hoku ao a ene gaahi fono kotoabe: bea ko ene gaahi fekau nae ikai teu alu kehe moia.

²⁴Naaku agatonu foki i hono ao, bea kuou taofi au mei he eku hia aaku.

²⁵Koia kuo totogi au e Jihova o fakatatau mo eku maonioni: o fakatatau mo eku maa i hono ao.

²⁶Kiate ia oku aloofa ogogofua te ke fakaha ekoe ae aloofa, bea ki he tagata agatonu te ke fakaha koe koe agatonu.

²⁷Kiate ia oku agamaa te ke fakaha koe ki ai koe agamaa; bea ko ia oku agamamili, te ke fagatua moia.

²⁸Bea te ke fakamoui ae kakai oku mamahi: ka oku afio e ho fofoga ki he kakai fielahi, koeuhi ke hifo akinautolu ki lalo.

²⁹He ko hoku māma akoe, E Jihova: bea e fakamāma e Jihova a eku fakabouli.

³⁰He koe mea iate koe kuou motuhi ai ha vahega tau: bea koe mea i hoku Otua kuou buna atu ai i ha a.

³¹Koe Otua, oku haohaoa hono hala oona: kuo ahiahi‘i ae folofola a Jihova: koe ugaaga ia kiate kinautolu kotoabe oku falala kiate ia.

³²He kohai oku Otua ka ko Jihova be? bea kohai koe makatuu, ka ko ho tau Otua be?

³³Koe Otua ko hoku malohi fakamoomooni: bea oku ne fakaataatā a hoku aluaga.

³⁴Oku ne fakatatau a hoku va‘e ke hage koe va‘e oe anitelobe; bea oku ne fakaheka au ki hoku gaahi botu maoluga.

³⁵Oku ne ako‘i a hoku nima ki he tau; koia oku faa fajiua ai ha kau fana ukamea i hoku nima.

³⁶Kuo ke foaki foki kiate au ae fekau o hoo fakamoui: bea koe mea i hoo agaofa kuou hoko ai o lahi.

³⁷Kuo ke fakaataatā ae aluaga i lalo iate au; koia nae ikai hekea ai a hoku va‘e.

³⁸Kuou tulia a hoku gaahi fili, mo fakaauha akinautolu; bea nae ikai teu toe tafoki kae oua keu fakaojioji akinautolu.

³⁹Bea kuou fakaojioji akinautolu, mo fakakafo‘i akinautolu, ke oua naa nau faa tuu hake: io kuo nau higa ki hoku lalo va‘e.

⁴⁰He ho koe kuo ke fakakofu aki au ae malohi ki he tau: ko kinautolu nae tutuu hake ke tau‘i au kuo ke fakamabelu hifo akinautolu kiate au.

⁴¹Kuo ke foaki foki kiate au ae kia o hoku gaahi fili, koeuhi keu fakaauha akinautolu oku fehia kiate au.

⁴²Naa nau jio ka nae ikai ha toko taha ke fakamoui; bea kia Jihova, ka nae ikai te ne talia akinautolu.

⁴³Bea naaku toki haha fakaikiiki akinautolu ke tatau moe efu oe kelekele, naaku malakaki akinautolu o hage koe belebela oe hala, beau fakamovetevete atu akinautolu.

⁴⁴Kuo ke fakahaofi foki au mei he fetauaki a hoku kakai, kuo ke malu‘i au ke ulutukua kiate au ae hiteni: e tauhi kiate au ha kakai nae ikai teu ilo‘a.

⁴⁵E fakamoulaloa kiate au ae fānau oe kakai muli, ekinautolu be: oka nau ka fanogo leva, te nau talagofua kiate au.

⁴⁶E fakaaau ke mole atu ae kakai muli, bea te nau manavahe mei ho nau toitoiaga.

⁴⁷Oku moui a Jihova; bea ke monuia a hoku makatuu; bea ke fakamaoluga hake ae Otua oe makatuu o hoku fakamoui.

⁴⁸Koe Otua ia aia oku fai ae totogi maaku, mo ne fakamoulaloa ae kakai kiate au,

⁴⁹Mo ne omi au mei he lotolotoga o hoku gaahi fili: ko koe foki kuo ke hiki hake au keu maoluga hake iate kinautolu nae tutuu hake kiate au: kuo ke fakamoui au mei he tagata oku fai fakamalohi.

⁵⁰Koia teu tuku ai ae fakafetai kiate koe, E Jihova, i he haohaoga oe hiteni, bea teu hiva aki ae fakafetai ki ho huafa.

⁵¹Koe fale maoluga ia oe fakamoui ma a ene tu‘i: bea oku ne fakaha ae aloofa kiate ia kuo ne bani aki ae lolo, kia Tevita, bea ki hono hako, o taegata,