2 SAMUELA 23:1-39 TON1884 - Bible AI

¹1 Koe gaahi talatuku a Tevita oku ne fakaha ai a ene falala ki he gaahi talaofa ae Otua mo ene monuia ai. 6 Koe nofo kehe ae kakai agakovi. 8 Koe fakaha ae higoa oe kau tagata ogoogo aia nae kau mo Tevita. BEA koeni, koe gaahi lea fakamuimui eni a Tevita. Nae behe e Tevita koe foha o Jese, bea nae lea o behe e he tagata nae hiki hake ke maoluga, koia nae bani e he Otua o Jekobe, bea behe eia nae faji malie i Isileli,

²Nae folofola iate au ae Laumalie o Jihova, bea ko ene folofola nae i hoku elelo.

³Nae behe e he Otua o Isileli, nae folofola mai kiate au ae Makatuu a Isileli, Ke ke bule koe ki he kakai i he agatonu, o bule i he manavahe ki he Otua.

⁴Ke tatau ia moe māma oe bogibogi, oka hobo hake ae laa, i he bogibogi oku ikai ai ha gaahi ao; bea hage koe mohuku mauiui oku tubu mei he kelekele aia oku gigila lelei oka oji ae to ae uha.

⁵Ne ogo oku ikai behe a hoku fale ki he Otua, ka kuo ne fai mo au ha fuakava taegata, kuo tuutuuni lelei i he mea kotoabe mo mau: bea koia kotoabe teu moui ai, moia kotoabe oku ou holi ki ai, ikai te ne gaohi ia ke tubu?

⁶Ka e tatau aia kotoabe oku oe agakovi moe talatala‘i akau oku teke‘i atu, koeuhi oku ikai faa buke aki ia ae nima:

⁷He koe tagata e ala ki ai oku lelei ke ne mahafu aki ae ukamea moe kau oe tao; bea e tutu aki ae afi ke auha malie akinautolu i he botu be koia.

⁸Koe higoa eni oe kau tagata malohi aia nae ia Tevita: ko Josebi-bosibati mei Takimoni, koe tuu ki mua i he eiki e toko tolu; koia foki ko Atino koe Hasinate: naa ne tau‘i ae toko valugeau aia naa ne tamate‘i i he kuoga be taha.

⁹Bea nae hoko moia a Eliesa koe foha o Toto koe tagata Ahoi, koe taha i he tuuga tagata e toko tolu nae ia Tevita, i he kuoga naa nau luki ki he kakai Filisitia nae tanaki fakataha ki he tau, ka kuo alu mei ai ae kakai Isileli:

¹⁰Naa ne tuu hake, o ne ta‘i ae kau Filisitia, bea nae fai ai be ke vaivai hono nima, bea nae biki mau hono nima ki he heleta; bea nae fai e Jihova i he aho koia ae ikuna fakamanavahe; bea nae muimui kiate ia ae kakai ke vete be ae koloa.

¹¹Bea nae hoko moia a Sama koe foha o Akii koe tagata Halali. Bea nae tanaki fakataha ae kau Filisitia ke babani, ki he botu goue nae fonu i he bini: bea nae feholaki ae kakai mei he ao oe kau Filisitia.

¹²Ka nae tuu be ia i he loto goue, o ne malu‘i ia, mo ne tamate‘i ae kau Filisitia: bea nae fai e Jihova ae ikuna lahi.

¹³Bea nae alu hifo ae eiki e toko tolu nae bule ki he toko tolugofulu nae tuu ki mu‘a, o nau hoko mai kia Tevita i he lolotoga ae ututa‘u, ki he ana i Atulami: bea nae nofo ae kau tau oe kakai Filisitia i he telea o Lifeimi.

¹⁴Bea nae nofo a Tevita i he gaahi aho koia i ha kolo malohi, bea nae nofo ae tau ae kakai Filisitia i he kuoga koia i Betelihema.

¹⁵Bea nae holi a Tevita, o ne behe, Taumaiā ke omi e ha toko taha haku vai keu inu mei he vaikeli o Betelihema, aia oku i he veemataba!

¹⁶Bea nae oho atu ae kau tagata malohi e toko tolu koia, o aji i he matatau oe kau Filisitia, ke utu hake ae vai mei he vaikeli i Betelihema, aia nae i he vee matani kolo, bea naa nau too ia, o omi kia Tevita: ka ne ogo ia nae ikai te ne inu mei ai, ka naa ne liligi atu ia i he ao o Jihova.

¹⁷Bea naa ne behe, Ke mamao ia iate au, E Jihova, keu fai ae mea ni; ikai koe toto eni oe kau tagata nae alu kae tuutamaki e nau moui? koia nae ikai ai te ne inu mei ai. Koe gaahi mea eni nae fai e he kau tagata malohi e toko tolu koia.

¹⁸Bea ko Abisai, koe tokoua o Joabe, koe tama a Seluia, nae eiki hake ia i he toko tolu. Bea naa ne aboabo a ene tao ke tau‘i ae toko tolugeau, bea naa ne tamate‘i akinautolu, bea nae ogoogo hake a hono higoa i he toko tolu.

¹⁹Ikai nae ogoogoa lahi hake ia i he toko tolu? koia naa ne eiki kiate kinautolu: ka nae ikai tatau ia moe uluaki toko tolu.

²⁰Bea ko Benaia, koe foha o Jehoiata, koe foha oe tagata to‘a mei Kabisili, aia nae fai ae gaahi mea lahi, naa ne tamate‘i eia ae ogo tagata Moabe nae aga fakalaione: naa ne alu hifo foki o ne tamate‘i ha laione i he takele o ha luo lolotoga ae faahita‘u oe uha hinehina:

²¹Bea naa ne tamate‘i ha tagata Ijibite, koe tagata toulekeleka: bea nae too e he tagata Ijibite ha tao i hono nima: ka naa ne alu atu kiate ia moe tokotoko be, bea ne hamuji ae tao mei he nima oe tagata Ijibite, bea ne tamate‘i ia aki a ene tao aana.

²²Koe gaahi mea eni nae fai e Benaia koe foha o Jehoiata, bea nae lau hono higoa ki he toko tolu nae ogoogoa.

²³Nae ogoogo lahi hake ia i he toko tolugofulu, ka nae ikai tatau ia moe uluaki toko tolu. Bea nae fakanofo ia e Tevita ke tuu ki mua i he ene kau mātua alea.

²⁴Bea ko Asaeli koe tehina o Joabe koe toko taha ia i he toko tolugofulu; ko Elihanani koe foha o Toto mei Betelihema,

²⁵Ko Sama koe tagata Heloti, mo Elika koe tagata Heloti,

²⁶Ko Ilesi koe tagata Baleti, mo Ila koe foha o Ikesi koe tagata Tikoa,

²⁷Ko Abiesa koe tagata Anatoti, mo Mibunei koe tagata Husati.

²⁸Ko Salimoni koe tagata Ahoi, mo Mehelei koe tagata Nitofa,

²⁹Ko Helebi koe foha o Beana, koe tagata Nitofa, mo Itei koe foha o Libei mei Kibea oe fānau o Benijimani,

³⁰Ko Benaia koe tagata Bilatoni, mo Itai mei he gaahi telea o Keasi,

³¹Ko Abi‐aliboni koe tagata Aliba, mo Asimaveti koe tagata Bahulimi,

³²Ko Eliaba koe tagata Seeliboni, ae fānau tagata o Jaseni mo Jonatane,

³³Ko Sama, koe tagata Helali, mo Ahiami koe foha o Sala koe tagata Helali,

³⁴Ko Elifeliti koe foha o Ahasibai, koe foha oe tagata Meaka, mo Iliami koe foha o Ahitofeli koe tagata Kilo,

³⁵Ko Hesilei koe tagata Kameli, mo Bealei koe tagata Aliba,

³⁶Ko Ikiali koe foha o Netane mei Soba, mo Bani, koe tagata Kata,

³⁷Ko Seleki koe tagata Amoni, mo Nahela koe tagata Biheloti, aia nae fua ae mahafutau o Joabe koe tama a Seluia,

³⁸Ko Ila koe tagata Itila, mo Kalebi koe tagata Itila,

³⁹Mo Ulia koe tagata Heti: ko ho nau lau fakataha koe toko tolugofulu ma toko fitu.