2 SAMUELA 7:1-29 TON1884 - Bible AI

¹1 Oku tomua loto lelei a Natani i he tokaga a Tevita ke laga ha fale ki he Otua. 4 Ka i he fekau mei he Otua oku ne tala kiate ia ke oua naa ne fai. 12 Oku ne fakaha ae lelei moe monuia a hono hako. 18 Koe lotu a Tevita bea mo ene fakafetai. BEA nae hoko o behe, i he ene nofo ae tu‘i i hono fale, bea kuo tuku kiate ia e Jihova ae mālōlō mei hono gaahi fili kotoabe nae nofo takatakai;

²Nae behe e he tu‘i kia Natani koe balofita, Vakai eni, oku ou nofo au i ha fale sita, ka oku nofo ae buha tabu oe Otua i he loto buibui be.

³Bea nae behe e Natani ki he tu‘i, Alu, o fai aia kotoabe oku i ho loto; he oku iate koe a Jihova.

⁴Bea nae hoko o behe i he bo be koia, nae ogo mai ae folofola a Jihova kia Natani, o behe.

⁵Alu o tala ki he eku tamaioeiki ko Tevita, Oku behe e Jihova, He te ke laga ekoe kiate au ha fale keu nofo ai?

⁶Kae oji kuo ikai teu nofo i ha fale talu mei he kuoga naaku omi ai ae fānau a Isileli mei Ijibite, o a‘u mai ki he aho ni, ka kuou eveeva i ha fale tubenu mo ha fale fehikitaki.

⁷I he botu kotoabe kuou alu ai moe fānau kotoabe a Isileli, kuou lea aki koa ha momoi lea ki ha toko taha oe gaahi faahiga o Isileli, aia naaku fekau ke fafaga‘i a hoku kakai ko Isileli, ke behe, Koeha oku ikai ai te mou laga hoku fale sita?

⁸Bea koia foki te ke behe ai ki he eku tamaioeiki ko Tevita, Oku behe e Jihova oe gaahi toko lahi, Naaku hiki mai koe mei he lotoa sibi, mei hoo muimui i he faga sibi, ke ke bule ki noku kakai ko Isileli;

⁹Bea naaku iate koe i he botu kotoabe naa ke alu ki ai, bea kuou fakaauha atu a ho gaahi fili kotoabe mei ho ao, bea kuou gaohi ke ogoogoa lahi ho higoa, o tatau moe higoa oe kau ogoogoa oku i mamai.

¹⁰Bea teu tuutuuni foki ha botu ma a hoku kakai Isileli, bea teu fokotuu akinautolu, ke nau nofo i ha botu oku onautolu be, bea ikai toe hiki; bea e ikai toe fakamamahi akinautolu e he fānau oe agakovi, o hage koia i mua,

¹¹Bea hage koia kuo fai talu mei he eku fekau ke bule a hoku kakai Isileli e he kau fakamāu; bea kuou tuku kiate koe ae mālōlō mei ho gaahi fili kotoabe. Bea oku fakaha mai foki e Jihova te ne fakatubu ho fale oou.

¹²Bea oka kakato hoo gaahi aho, bea te ke mohe koe fakataha mo hoo gaahi tamai, teu fokotuu hake ho hako ki mui iate koe, akinautolu e ha‘u mei ho fatu oou, bea teu ai ke tuu malohi a hono buleaga.

¹³Te ne laga eia ha fale ma a hoku higoa, bea teu fokotuu ae nofoaga fakatu‘i o hono buleaga ke taegata.

¹⁴Teu iate ia koe tamai, bea ko hoku foha ia. Kabau te ne fai ha kovi, teu tautea aki ia ae mea ta ae tagata, bea moe gaahi ta ae fānau ae tagata:

¹⁵Ka e ikai mahui a eku aloofa meiate ia, o hage ko eku ave ia ia Saula, aia naaku ave e au mei ho ao.

¹⁶Bea ko ho fale, bea mo ho buleaga e fokotuu ia i ho ao o taegata; e ai ke mau o taegata a ho nofoaga fakatu‘i.

¹⁷Nae lea a Natani kia. Tevita o fakatatau moe gaahi lea ni, bea tatau moe mea ha mai ni.

¹⁸Bea nae toki hu atu a Tevita, bea ne nofo i he ao o Jihova, bea naa ne behe, Kohai au, E Jihova koe Otua? Bea koeha a hoku fale, kuo ke omi ai au o a‘u mai ki he kuoga ni?

¹⁹Bea koe mea jii foki ia i ho ao, E Jihova koe Otua; he kuo ke folofola foki ki he fale o hoo tamaioeiki ki he kuoga fuoloa e ha‘u. Bea he koe aga eni oe tagata e Jihova koe Otua?

²⁰Bea koeha ha toe lea e faa fai e Tevita kiate koe? he oku ke ilo ekoe, E Jihova koe Otua, a hoo tamaioeiki.

²¹Kuo ke fai ae gaahi mea lahi ni, koeuhi ko hoo folofola, bea o hage ko ho finagalo oou, koeuhi ke fakailo ia ki hoo tamaioeiki.

²²Koia oku ke lahi koe E Jihova koe Otua: he oku ikai ha toko taha oku hage ko koe, bea oku ikai ha Otua mo koe, o tatau moia kotoabe kuo fanogo ki ai a ho mau teliga.

²³Bea kofeia ha buleaga be taha i mamani kuo tatau mo hoo kakai, ke hage ko Isileli, aia nae alu atu ae Otua ke ne huhui ia koe kakai maana, bea ke fakaogoogolelei foki ia, bea ke fai ma amoutolu ae gaahi mea lahi mo fakamanavahe, koeuhi ko ho fonua, bea i he ao o hoo kakai, aia naa ke huhui kiate koe mei Ijibite, moe gaahi buleaga bea mo ho nau gaahi otua?

²⁴He kuo ke fakababau kiate koe a hoo kakai Isileli, koe kakai kiate koe ke taegata: bea ko koe e Jihova kuo ke hoko ko ho nau Otua.

²⁵Bea koeni, e Jihova koe Otua, koe lea kuo ke folofola aki ki hoo tamaioeiki, bea koeuhi ko hono fale, fokotuu ia ke taegata, bea ke fai o hage koia kuo ke folofola ki ai.

²⁶Bea tuku ke fakahikihiki‘i a ho huafa o taegata, o behe, Ko Jihova oe gaahi toko lahi, koe Otua ia ki Isileli: bea tuku ke fokotuu mau i ho ao ae fale o hoo tamaioeiki ko Tevita.

²⁷He ko koe, E Jihova oe gaahi toko lahi, koe Otua o Isileli, kuo ke fakaha ki hoo tamaioeiki, o behe, Teu laga hake ha fale moou: koia kuo gau‘e ai ae loto o hoo tamaioeiki ke fai ae lotu ni kiate koe.

²⁸Bea koeni, E Jihova koe Otua, ko koe ae Otua koia, bea oku mooni a hoo gaahi folofola, bea kuo ke talaofa aki ae lelei ni ki hoo tamaioeiki:

²⁹Koia tuku ke lelei ia kiate koe ke tabuaki ae fale o hoo tamaioeiki, koeuhi ke tuu mau ia i ho ao o taegata: he ko koe E Jihova koe Otua, kuo ke folofola ki ai: bea i hoo tabuaki tuku ke tabuaki‘i ae fale o hoo tamaioeiki o taegata.