2 TESALONIKA 1:1-12 TON1884 - Bible AI

¹1 Oku tala atu e Baula a ene loto lelei ki he tui, moe ofa, moe faa kataki ae jiaji i Tesalonika: 11 bea ne mea gaue aki ae mea kehekehe ke fakafiemalie aki akinautolu i he fakataga, bea ne fakaha e to ki he kakai fai kovi ae tautea totonu mei he Otua. KO BAULA, mo Silivenusi, mo Timote, ki he jiaji oe kakai Tesalonika oku i he Otua koe tau Tamai moe Eiki ko Jisu Kalaisi:

²Ke iate kimoutolu ae aloofa, moe melino, mei he Otua koe tau Tamai moe Eiki ko Jisu Kalaisi.

³Oku totonu e mau fakafetai mau ai be ki he Otua koeuhi ko kimoutolu, e kaiga, o hage koia oku tāu, koeuhi oku tubu o lahi aubito aubito hoo mou tui, bea oku tubulekina a hoo mou feo faaki kiate kimoutolu kotoabe;

⁴Koia oku mau vikiviki koeuhi ko kimoutolu ki he gaahi jiaji oe Otua, i hoo mou faa kataki moe tui, i ho mou gaahi fakataga kotoabe, moe gaahi mamahi, oku mou faa kataki’i:

⁵Aia koe fakailoga oe fakamāu totonu oe Otua, koeuhi ke lau akimoutolu oku mou tāu moe buleaga oe Otua, aia oku mou mamahi ai foki:

⁶He koe mea totonu i he Otua ke totogi aki ae mamahi kiate kinautolu oku fakamamahi’i akimoutolu;

⁷Ka kiate kimoutolu oku mamahi, koe fiemalie mo kimautolu, oka fakaha mai ae Eiki ko Jisu mei he lagi mo ene kau agelo malohi,

⁸I he afi uloulo moe fai totogi kiate kinautolu oku ikai te nau ilo ae Otua, bea oku ikai talagofua ki he ogoogolelei o ho tau Eiki ko Jisu Kalaisi:

⁹Akinautolu e tautea aki ae fakaauha taegata mei he ao oe Eiki, bea mei he nāunāu o ene mafimafi;

¹⁰Oka ha’u ia ke fakahikihiki’i e he ene kakai maonioni, bea ke fakatumutumu ai, i he aho koia, akinautolu kotoabe oku tui; he naa mou tui ki he e mau fakamooni iate kimoutolu.

¹¹Koia foki oku mau lotua mau ai be akimoutolu, koeuhi ke lau e ho tau Otua oku mou tāu moe ui ni, ke ne fakakakato ae finagalo lelei kotoabe o ene agalelei, moe gaue ae tui, i he malohi:

¹²Koeuhi ke ogoogoleleiia ae huafa o ho tau Eiki ko Jisu Kalaisi iate kimoutolu, mo kimoutolu iate ia, o fakatatau ki he ofa a ho tau Otua moe Eiki ko Jisu Kalaisi.