2 TESALONIKA 3:1-18 TON1884 - Bible AI

¹1 Oku ne kole ke nau hufia ia, 3 bea ne tala ene falala kiate kinautolu, 5 bea lotua akinautolu ki he Otua, 6 bea ne fai ae akonaki kehekehe kiate kinautolu, kae lahi ke oua te nau fakabikobiko, mo fakataha moe kakai agabauu, 16 bea ne fakaoji aki ae hufia moe fetabe. E KAIGA, ko hono fakaoji, mou hufia akimautolu, koeuhi ke lele atu ae folofola ae Eiki, bea ogoogo lelei ia, o hage koia iate kimoutolu:

²Bea koeuhi ke fakahaofi akimautolu mei he kakai taeatamai mo agakovi: ke oku ikai ma’u kotoabe ae tui.

³Ka oku mooni ae Eiki, aia te ne fakatuu mau bea fakamoui akimoutolu mei he kovi.

⁴Bea oku mau falala ki he Eiki koeuhi ko kimoutolu, oku mou fai, bea te mou fai be, ae gaahi mea oku mau fekau kiate kimoutolu.

⁵Bea ke fakahinohino ho mou loto e he Eiki ki he ofa ae Otua, bea moe faa kataki a Kalaisi.

⁶Bea koeni, e kaiga, oku mau fekau kiate kimoutolu, i he huafa o ho tau Eiki ko Jisu Kalaisi, ke mou mavahe akimoutolu mei he kaiga kotoabe oku eveeva, taetotonu bea ikai tatau moe fekau naa ne ma’u meiate kimoutolu.

⁷He oku mou ilo, oku totonu ke mou faifaitaki kiate kimautolu: he nae ikai te mau fai taetotonu iate kimoutolu;

⁸Be te mau kai taetotogi ae ma a ha toko taha; ka naa mau fai ae gaue mo feiga i he bo moe aho, koeuhi ke oua naa mau fakamajiva’i ha taha o kimoutolu:

⁹Ka nae ikai koeuhi oku taetotonu kiate kimautolu, ka ke mau hoko koe fakailoga ke mou faifaitaki kiate kimoutolu:

¹⁰Ka i he e mau iate kimoutolu, naa mau fekau eni kiate kimoutolu, kabau e ikai fie gaue ha naa ne kai.

¹¹He oku mau fanogo ki ha niihi iate kimoutolu oku eveeva taetotonu, o ikai jii gaue, ka koe kau kaunoa.

¹²Bea ko kinautolu oku behe, oku mau fekaua mo eginaki, i ho tau Eiki ko Jisu Kalaisi, ke nau gaue fakalogobe, bea kai ae ma a nautolu be.

¹³Ka ko kimoutolu, e kaiga, oua naa mou fiu i he fai lelei.

¹⁴Bea kabau oku ikai talagofua ha taha ki he e mau fekau i he tohi ni, fakailoga’i ae tagata koia, bea oua naa fakataha mo ia, koeuhi ke ma ai ia.

¹⁵Kae oua naa lau ia koe fili, kae valoki’i o tāu mo ha kaiga.

¹⁶Ko eni, ofa ke foaki e he Eiki oe melino ae melino mau ai be kiate kimoutolu i he mea kotoabe. Ke iate kimoutolu kotoabe ae Eiki.

¹⁷Koe tohi ofa eni a Baula aki hoku nima ooku, aia koe fakailoga i he gaahi tohi kotoabe: oku behe be eku tohi.

¹⁸Koe aloofa a ho tau Eiki ko Jisu Kalaisi ke iate kimoutolu kotoabe. Emeni.