A BITA 2:1-22 TON1884 - Bible AI

¹1 Oku ne tomua tala ae ha‘u ae kau akonaki kākā, o ne fakaha e nau agakovi moe nau tautea, bea mo kinautolu oku muimui ki ai: 7 aia e faka-haofi mei ai ae maonioni, o hage ko Lote mei Sotoma: 10 bea ne fakamatala lahi ae gaahi aga oe kau kāka lea kovi mo lohiaki‘i, koeuhi ke tau fakamamao mei ai. KA nae ai foki ae kau balofita loi i he kakai, o hage e iate kimoutolu ae kau akonaki loi, akinautolu e omi faka-fufu ae gaahi he fakamalaia, o fakafiji‘i ae Eiki naa ne fakatau akinautolu, o omi ai kiate kinautolu ae fakaauha fakatootoo.

²Bea e muimui ae toko lahi ki ho nau hala fakamalaia; bea koe mea iate kinautolu e lauikovi‘i ai ae hala oe mooni.

³Bea koe mea i he manumanu te nau mea fakatau aki akimoutolu i he gaahi lea kākā: ko ho nau tautea kuo tala fuoloa oku ikai fakatuai, bea koe nau malaia oku ikai tulemohe.

⁴He kabau nae ikai mamae ae Otua ki he kau agelo nae agahala, ka nae li hifo akinautolu ki heli, o tuku ki he gaahi ha‘iha‘i oe fakabouli, ke tatali ki he fakamāu;

⁵Bea nae ikai te ne mamae ki he mama motua, ka nae fakamoui a Noa, aia naa ne malaga aki ae maonioni, moe toko fitu, o ne omi ae lomaki ki he mama oe kakai agahala;

⁶O ne tuku ae ogo kolo ko Sotoma mo Komola ki he fakaauha, o ne liliu ia koe efuefu, bea ne gaohi ia koe fakailoga kiate kinautolu e moui fai agahala ki mui;

⁷O ne fakamoui a Lote agatonu, aia nae mamahi i he ulugaaga fakalielia ae kau agahala:

⁸(He nae nofo ae tagata maonioni koia iate kinautolu, bea i he ene mamata mo fanogo, nae fakamamahi a hono laumalie maonioni, i he aho kotoabe, aki e nau gaahi faiaga taetotonu;)

⁹Oku ilo e he Eiki ke fakamoui ae kakai aga faka‐Otua mei he gaahi ahi-ahi, bea ke tuku ae taeagatonu ki he aho oe fakamāu ke tautea:

¹⁰Ka e lahi kiate kinautolu oku aeva o fakatatau ki he kakano i he holi fakalielia, bea nau manuki‘i ae bule. Koe kau aga malohi, moe kau aga fefeka, oku ikai te nau manavahe ke lauikovi ae kau bule.

¹¹Ka koe kau agelo, oku nau lahi hake i he malohi moe mafai, oku ikai te nau lauikovi akinautolu i he ao oe Eiki.

¹²Ka ko kinautolu ni oku fakakakano, o hage koe faga manu taeloto, kuo gaohi ke moua mo fakaauha, oku nau lea kovi ki he gaahi mea oku ikai te nau ilo‘i; bea e auha aubito akinautolu i he e nau kovi a nautolu;

¹³Bea te nau ma‘u ae totogi oe taemaonioni; akinautolu oku behe koe mea malie ke fai kovi oku kei aho. Koe gaahi ila moe gaahi mele akinautolu, oku nau vaiga aki a ho nau kākā‘i, lolotoga e nau katoaga be mo kimoutolu;

¹⁴Ko ho nau mata oku fonu i he tono fefine, bea oku ikai faa tuku ae agahala; oku nau tauhele ae kau laumalie tae-mau: oku iate kinautolu ae loto kuo boto i he gaahi gaue manumanu; koe fānau malaia:

¹⁵Kuo nau jiaki ae hala totonu, bea alu hehe, o muimui i he hala o Belami koe foha o Bosoa, aia naa ne manako ki he totogi oe taemaonioni:

¹⁶Ka nae valoki ia i he ene agahala: i he lea ae asi noa aki ae le‘o oe tagata, o ne taofi ki he vale ae balofita.

¹⁷Koe gaahi luo tae ai ha vai akinautolu ni, koe gaahi ao oku viligia e he afā; akinautolu kuo tuku tologa ki ai ae uliuli oe fakabouli taegata.

¹⁸Koeuhi oka nau ka lea aki ae gaahi lea fakafuofuo lahi oe loi, oku nau tauhele i he gaahi holi fakakakano, moe aga fakalielia, akinautolu nae hao mooni meiate kinautolu oku moui hehe be.

¹⁹Lolotoga e nau fakailo kiate kinautolu ae tauataina, kae ta oku nau bobula akinautolu ki he fakalielia: he koia kuo ikuna ai ae tagata koia ia kuo ne fakabobula ai.

²⁰He kabau ko eni, kuo hili e nau hao mei he gaahi uli o mamani i he ilo‘i ae Eiki moe Fakamoui ko Jisu Kalaisi, e toe fihituu ai, mo ikuna akinautolu, bea e kovi lahi ae gataaga kiate kinautolu i he kamataaga.

²¹He koe mea e lelei lahi kiate kinautolu o ka ne ikai te nau ilo ae hala oe maonioni, ka i he e nau ilo ia, bea toe tafoki mei he fekau maonioni nae tuku kiate kinautolu.

²²Ka kuo hoko kiate kinautolu o hage koe fakatātā mooni, Kuo toe foki ae kuli ki he ene lua aana; moe jinā-manu nae kaukau ki he ene fetafoki-fokiaki i he belebela.