A BITA 3:1-18 TON1884 - Bible AI

¹1 Oku ne fakaha totonu ae haele mai a Kalaisi ki he fakamāu, telia ae kau manuki oku fakakikihi ai: 8 oku ne voloki‘i ae kau lotu, ke nau fakatomala ke vave, he oku kataki fuoloa ae Otua. 10 Oku ne fakaha hono uhiga oe fakaauha o mamani: 11 o eginaki ke nau maonioni, he oku nau amanaki ki ai: 15 bea ke nau ilo koe kataki ae Otua koe mea ke nau moui ai, o hage koe tohi a Baula i he ene gaahi toki. E KAIGA, oku ou tohi eni a hono ua oe tohi ni kiate kimoutolu, aia oku ou fai i ai ke lagaki hake ho mou loto maa ki he fakamanatu:

²Koeuhi ke mou manatu ki he gaahi lea nae lea aki i mu‘a e he kau balofita maonioni, bea moe fekau a mautolu koe kau abosetolo oe Eiki moe Fakamoui:

³O tomua ilo eni, e ha‘u ae kau manuki i he gaahi aho ki mui, o aeva i he e nau gaahi holi kovi a nautolu,

⁴O nau behe, Kofaa koa ae talaofa ki he ene ha‘u? he kuo talu ae mohe ae gaahi tamai, moe behe ai be ae mea kotoabe o hage be i hono uluaki fakatubu.

⁵He ko ho nau loto ke nau vale i he mea ni, koe mea i he folofola ae Otua, nae i mu‘a ae gaahi lagi, bea tuu mei he vai bea i he vai a mamani:

⁶Aia nae lofia ai ae mama koia aki ae vai, bea auha ia:

⁷Ka koe gaahi lagi moe fonua oku tuu ni, kuo fokotuu ia aki a ene folofola be koia, o fakatologa ki he afi i he aho fakamāu moe fakaauha oe kakai agahala.

⁸Ka koeni, e kaiga, ke oua te mou taeilo ki he mea ni e taha, koeuhi koe aho e taha oku tatau ki he Eiki moe ta‘u e afe, bea koe ta‘u e afe oku tatau moe aho be taha.

⁹Oku ikai fakatuotuai e he Eiki ki he ene talaofa, o hage koe lau ae niihi koe tuotuai; ka oku kataki fuoloa kiate kitautolu, o ikai finagalo ke auha ha toko taha, ka koeuhi ke hoko o fakatomala kotoabe.

¹⁰Ka e hoko ae aho oe Eiki o hage ha kaihaa i he bo; aia e mole ai ae gaahi lagi i he logoaa lahi, bea e vela o auha ae gaahi tefito‘i mea, bea koe fonua foki moe gaahi gaue oku i ai e vela o oji ia.

¹¹Koia i he ene bau be ke auha ae gaahi mea ni kotoabe, koeha ae aga oku tāu mo kimoutolu i he ulugaaga maonioni moe aga faka‐Otua;

¹²O amanaki mo holi atu ki he hoko mai oe aho oe Otua, aia e vela o auha ai ae gaahi lagi, bea e vai i he vela lahi ae gaahi tefito‘i mea?

¹³Ka oku tau amanaki ki he gaahi lagi foou moe fonua foou, aia oku nofo ai ae maonioni, o fakatatau ki he ene talaofa.

¹⁴Koia, e kaiga, koe mea i hoo mou amanaki ki he gaahi mea behe, mou hagahaga fai be koeuhi ke ilo eia akimoutolu oku mou melino tae ha ila, mo taehalaia.

¹⁵Bea lau ae kataki fuoloa a ho tau Eiki koe fakamoui; o hage koe tohi kiate kimoutolu foki e ho tau kaiga ofeina ko Baula, o fakatatau ki he boto kuo foaki kiate ia;

¹⁶Bea oku behe foki a ene lea ai ki he gaahi mea ni i he ene tohi kotoabe; aia oku i ai ae mea niihi oku ilogataa, aia oku fai e he kau taeboto mo lotolotoua ke fakauhiga kehe, o hage foki koe gaahi tohi kehe, ka nau malaia ai.

¹⁷Koia, e kaiga, koe mea i hoo mou jinaki ilo, vakai telia naa takiekina foki akimoutolu e he hē oe kakai fai kovi, bea mou higa mei hoo mou tuu mau a moutolu.

¹⁸Kae tubulekina i he ofa, bea moe ilo ki ho tau Eiki moe Fakamoui ko Jisu Kalaisi. Ke iate ia ni ae ogoogo lelei bea taegata. Emeni.