A JONE 2:1-29 TON1884 - Bible AI

¹1 Oku ne fakafiemalie‘i akinautolu i he e nau gaahi vaivai. 3 Koe ilo mooni oe Otua koe fai ki he ene gaahi fekau, 9 ke ofa ki he kaiga, 15 bea ke oua naa tau ofa ki mamani. 18 Ke tau vakai ki he kau fakahala: 20 oku hao ae kakai maonioni mei he e nau gaahi kākā, koe mea i he e nau fakakukafi i he tui, moe moui maonioni. A EKU fānau ofeina, oku ou tohi ae gaahi mea ni kiate kimoutolu, ke oua naa mou agahala. Bea kabau e agahala ha taha, oku ai ho tau fakalelei ki he Tamai, ko Jisu Kalaisi koe maonioni:

²Bea koe feilaulau totogi ia i he e tau gaahi agahala: bea ikai a tautolu be, ka koeuhi ko mamani kotoabe.

³Bea ko eni oku tau ilo ai oku tau ilo ia, o kabau oku tau fai ene gaahi fekau.

⁴Ko ia oku ne behe, Oku ou ilo ia, ka oku ikai fai ene gaahi fekau, koe loi ia, bea oku ikai iate ia ae mooni.

⁵Ka ko ia oku ne fai ki he ene folofola, kuo fakahaohaoa mooni iate ia ae ofa ae Otua: ko eni ia oku tau ilo ai oku tau iate ia.

⁶Ko ia ia oku ne behe, oku nofo ia kiate ia, oku totonu ke ne eveeva foki o hage ko ene eveeva aana.

⁷E kaiga, oku ikai teu tohi ha fekau foou kiate kimoutolu, ka koe fekau motua, naa mou ma‘u mei he kamataaga. Koe fekau motua koe folofola ia, aia kuo mou ogo‘i mei he kamataaga.

⁸Koeni foki, oku ou tohi ae fekau foou kiate kimoutolu, ae mea koia oku mooni kiate ia mo kimoutolu: he kuo mole atu ae fakabouli, bea oku ulo ni ae māma mooni.

⁹Ko ia oku ne behe, oku i he māma ia, ka oku fehia ki hono tokoua, oku kei i he bouli ia.

¹⁰Ko ia oku ofa ki hono tokoua, oku nofo ia i he māma, bea oku ikai iate ia ha tūkiaaga.

¹¹Ka ko ia oku fehia ki hono tokoua, oku i he bouli ia, bea oku eveeva i he bouli, o ikai ilo be oku ne alu kife, he kuo fakakui hono mata e he bouli.

¹²Oku ou tohi kiate kimoutolu, ae fānau ofeina, koeuhi kuo fakamolemolea hoo mou agahala koeuhi ko hono huafa.

¹³Oku ou tohi kiate kimoutolu, ae gaahi tamai, koeuhi kuo mou ilo‘i ia oku mei he kamataaga. Oku ou tohi kiate kimoutolu, ae kau talavou, koeuhi kuo mou ikuna ae toko taha agakovi. Oku ou tohi kiate kimoutolu, ae fānau jii, koeuhi kuo mou ilo‘i ae Tamai.

¹⁴Kuou tohi kiate kimoutolu, ae gaahi tamai, koeuhi kuo mou ilo‘i ia oku mei he kamataaga. Kuou tohi kiate kimoutolu, ae kau talavou, koeuhi oku mou malohi, bea oku nofoia akimoutolu e he folofola ae Otua, bea kuo mou iku‘i ae toko taha agakovi.

¹⁵Oua naa ofa ki mamani, be ki he gaahi mea i he mamani. Kabau oku ofa ha taha ki mamani, oku ikai iate ia ae ofa ae Tamai.

¹⁶He koe mea kotoabe oku i he mamani, koe holi oe kakano, bea moe holi oe mata, moe laukau oe moui, oku ikai oe Tamai, ka oku oe mamani ia.

¹⁷Bea oku moleage a mamani, bea moe holi o ia: ka ko ia oku ne fai ae finagalo oe Otua, oku nofo mau ia o taegata.

¹⁸Ae fānau jii, koe kuoga fakamui eni: bea hage ko hoo mou fanogo e ha‘u ae Fili o Kalaisi, oku ai ni ae gaahi fili toko lahi o Kalaisi: koia oku tau ilo ai koe kuoga fakamui eni.

¹⁹Naa nau alu atu meiate kitautolu, ka nae ikai ke nau o tautolu; he ka ne o tautolu akinautolu, behe, kuo nau nofo mau mo kitautolu: ka koe mea ia ke ha ai nae ikai o tautolu akinautolu kotoabe.

²⁰Ka kuo mou ma‘u ae bani mei he Toko Taha Maonioni, bea oku mou ilo‘i ae mea kotoabe.

²¹Kuo ikai teu tohi kiate kimoutolu, koeuhi oku ikai te mou ilo‘i ae mooni, ka koeuhi oku mou ilo‘i ia, bea oku ikai ha loi e tubu i he mooni.

²²Kohai ia oku loi, ka ko ia oku ne fakafijiga oku ikai koe Kalaisi a Jisu? Koe fili o Kalaisi ia, aia oku ne fakafijiga i he Tamai moe Alo.

²³Ko ia kotoabe oku ne fakafijiga i he Alo, oku ikai iate ia ae Tamai.

²⁴Koia, tuku ke nofo mau iate kimoutolu aia kuo mou fanogo mei he kamataaga. Kabau e nofoia akimoutolu e he mea kuo mou ogo‘i mei he kamataaga, behe e nofo mau foki akimoutolu i he Alo, bea moe Tamai.

²⁵Bea ko eni ae talaofa, aia kuo ne talaofa ai kiate kitautolu, koe moui taegata.

²⁶Koe gaahi mea eni kuou tohi kiate kimoutolu, koeuhi ko kinautolu oku kākā‘i akimoutolu.

²⁷Ka oku nofoia akimoutolu e he bani oku mou ma‘u meiate ia, bea oku ikai aoga ke akonaki‘i akimoutolu e ha taha: kae hage oku akonaki‘i akimoutolu e he bani koia i he mea kotoabe, bea oku mooni ia, bea oku ikai koe loi, io, o hage ko ene akonekina akimoutolu, ke mou nofo behe kiate ia.

²⁸Bea koeni, e fānau ofeina, mou nofo be kiate ia; koeuhi, oka ha mai ia, ke tau ma‘u ai ae malohi, bea ikai ma i hono ao, i he ene haele mai.

²⁹Kabau oku mou ilo oku maonioni ia, oku mou ilo foki, ko ia kotoabe oku ne fai maonioni, kuo fanau‘i ia iate ia.