EKESOTOSI 26:1-37 TON1884 - Bible AI

¹1 Koe buibui e hogofulu oe fale fehikitaki. 7 Koe buibui fulufulu‘i koji e hogofulu ma taha. 14 Koe uufi aki ae kili‘i sibi tagata. 15 Koe gaahi laubaba oe fale fehikitaki mo ho nau gaahi tuuga, moe gaahi akau. 34 Koe buibui ki he buha. 36 Koe buibui ki he mataba. BEA te ke gaohi foki ae fale fehikitaki moe buibui e hogofulu aki ae tubenu tuovalevale, moe lanu moana, moe bauhiuhi, moe kulaahoaho: moe jelubimi kuo gaohi fakabotoboto.

²Ko hono loloa oe buibui e taha, koe haga e nimagofulu ma ono, mo hono maukubu oe buibui be taha koe haga e valu: bea e fuofua tatau be ae gaahi buibui kotoabe.

³Bea koe buibui e nima e fakahoko ae taha ki he taha; bea koe buibui kehe e nima e fakahoko ae taha ki he taha.

⁴Bea te ke gaohi ae gaahi kavei lanumoana ki he kaba oe buibui e taha mei he kaba i he hokoaga; bea ke fai behe be, i he kaba oe buibui e taha, i he hokoaga o hono ua.

⁵Ke ke gaohi ae kavei e nimagofulu ki he buibui e taha, bea moe kavei e nimagofulu ki he kaba oe buibui oku i he hokoaga o hono ua: koeuhi ke fehokotaki ia.

⁶Bea ke gaohi ae fakamau koula e nimagofulu, ke fakahoko aki ae buibui: bea e hoko ia koe fale fehikitaki be taha

⁷Bea te ke gaohi ae gaahi buibui mei he fulufulu i koji ke fakabuloga aki ae fale fehikitaki: ke ke gaohi ae buibui e hogofulu ma taha.

⁸Ko hono loloa oe buibui e taha koe haga e onogofulu, mo hono maukubu o ia, koe haga e valu: bea e fua tatau be ae buibui e hogofulu ma taha.

⁹Bea ke hokohoko ae buibui e nima ke taha be, moe buibui e ono ke fakataha, bea ke beluki hono ono oe buibui i he ao oe mata fale fehikitaki.

¹⁰Bea te ke gaohi ae kavei e nimagofulu i he kaba oe buibui e taha aia oku itua i he hokoaga, moe kavei e nimagofulu i he kaba oe buibui oku hokohoko ki hono ua.

¹¹Bea te ke gaohi ae fakamau balasa e nimagofulu, bea ai ae fakamau ki he gaahi kavei, o hokohoko aki ae fakabuloga, ke hoko o taha be ia.

¹²Bea ko hono koga oku toe i he buibui oe fale fehikitaki, koe vaeua oe buibui oku toe e tautau be ia itua i he tuafale.

¹³Bea koe haga e ua i he faahi e taha, moe haga e ua i he faahi e taha o ia, oku koe i hono loloa oe gaahi buibui oe fale fehikitaki, e taube ia ki hono faahi e ua oe fale i he botu ni, moe botu na ke ufiufi ia.

¹⁴Bea te ke gaohi ae mea fakabuloga ki he fale fehikitaki aki ae gaahi kili oe sibi tagata kuo tuku kula, moe mea fakabuloga e taha ki tua i he gaahi kili‘i baja.

¹⁵Bea te ke gaohi ae gaahi laubaba ki he fale fehikitaki mei he akau koe sitimi ke tuu tonu.

¹⁶Ko hono loloa oe laubaba koe haga e uofulu, moe haga e tolu a hono maukubu oe laubaba be taha.

¹⁷Ke ua hono hokoaga i he laubaba be taha, ke tuu hagatonu atu be ae taha ki he taha: bea ke fai behe be ki he laubaba kotoabe oe fale fehikitaki.

¹⁸Bea te ke gaohi ae gaahi laubaba ki he fale fehikitaki, koe laubaba e uofulu ki he feituu toga ke haga ki toga.

¹⁹Bea ke gaohi ae tuuga siliva e fagofulu ki lalo i he laubaba e uofulu: koe tuuga e ua ki lalo i he laubaba e taha, ki hono mui botu e ua, moe tuuga e ua i lalo i he laubaba e taha ki hono mui botu e ua.

²⁰Bea ki hono botu fakatokelau oe fale fehikitaki e ai ae laubaba e uofulu.

²¹Mo ho nau tuuga siliva e fagofulu; koe tuuga e ua i lalo i he laubaba e taha, moe tuuga e ua i lalo i he laubaba e taha.

²²Bea ke gaohi ae laubaba e ono ki he botu fale fehikitaki ki he toaga laa.

²³Bea te ke gaohi ae laubaba e ua ki he tuliki oe fale fehikitaki i hono faahi e ua.

²⁴Bea e hokohoko ia i lalo, bea e hokohoko ia i oluga i he ulu o ia ki hono kavei e taha: e fai behe ki ai fakatouoji: koe ogo tuliki ia.

²⁵Bea koe laubaba e valu ia, mo ho nau gaahi tuuga siliva, koe tuuga e hogofulu ma ono; koe tuuga e ua i lalo i he laubaba e taha, moe tuuga e ua i lalo i he laubaba e taha.

²⁶Bea te ke gaohi ae gaahi akau fakalava mei he akau koe sitimi; koe nima ki he gaahi laubaba i he botu e taha oe fale fehikitaki,

²⁷Bea koe akau fakalava e nima ki he gaahi laubaba i he botu e taha oe fale fehikitaki, bea koe akau fakalava e nima ki he gaahi laubaba oe botu oe fale fehikitaki, ki he botu e ua ki he toaga laa.

²⁸Bea koe akau fakalava i loto i he gaahi laubaba, e tau ia i he botu e taha o a‘u ki he botu e taha.

²⁹Bea te ke aofi ae gaahi laubaba aki ae koula, bea gaohi aki ae koula ho nau gaahi kavei, ke ai ki ai ae akau fakalava: bea ke aofi ae gaahi akau fakalava aki ae koula.

³⁰Bea te ke fokotuu hake ae fale fehikitaki o fakatatau ki he fakatātā koia aia nae fakaha kiate koe i he mouga.

³¹Bea te ke gaohi ae buibui aki ae lanumoana, moe bauhiuhi, moe kulaahoaho, moe tubenu tuovalevale, i he gaue fakabotoboto: bea e gaohi ki ai ae jelubimi:

³²Bea ke tautau ia ki he bou e fa oe akau koe sitimi kuo aofi aki ae koula; koe koula be ho nau gaahi tautauaga, ki ho nau tuuga siliva e fa.

³³Bea te ke tautau ae buibui i lalo i he gaahi fakamau, koeuhi ke ke omi ki ai ki he loto buibui ae buha oe fuakava: bea e vahe‘i kiate kimoutolu e he buibui ae Botu Tabu mei he Botu Tobutabu aubito.

³⁴Bea te ke hili ae nofoaga aloofa ki he fuga buha oe fuakava i he Botu Tobutabu aubito.

³⁵Bea te ke tuku ae balebale i tua i he buibui, moe tuuga māma ke tuu o haga tonu atu ki he balebale i he faahi oe fale fehikitaki oku haga ki toga: bea te ke tuku ae balebale i he botu tokelau.

³⁶Bea te ke gaohi ae mea tautau ki he mataba oe fale fehikitaki, oe lanumoana, moe bauhiuhi, moe kulaahoaho, moe tubenu tuovalevale, kuo gaohi aki ae tuitui boto.

³⁷Bea te ke gaohi ki he mea tautau ae bou akau sitimi e nima, o aofi ia aki ae koula, bea e koula mo ho nau tautauaga: bea te ke haka ki ai ae tuuga balasa e nima.