EKESOTOSI 35:1-35 TON1884 - Bible AI

¹1 Koe sabate. 4 Koe gaahi mea ofa ki he fale fehikitaki. 20 Koe atu loto lelei be ae kakai. 30 Oku ui a Besalili mo Aholiabi ki he gaue. BEA nae tanaki e Mosese ae kakai kotoabe oe fānau a Isileli ke nau fakataha, o ne behe kiate kinautolu, Ko eni ae gaahi lea aia kuo fekau e Jihova, koeuhi ke mou fai ia.

²E fai ae gaue i he aho e ono, ka i hono fitu oe aho e ai kiate kimoutolu ae aho tabu, koe sabate oe mālō. ō kia Jihova: koia fulibe oku fai ha gaue i ai e tamate‘i ia.

³Oua naa mou tutu ha afi i he aho sabate i ha nofoaga e taha iate kimoutolu.

⁴Bea nae lea a Mosese ki he fakataha kotoabe oe fānau a Isileli, o behe, Koeni ae mea aia nae fekau ai e Jihova, o behe.

⁵Mou too meiate kimoutolu ae mea ofa kia Jihova: koia oku loto lelei ki ai, tuku ke omi ia, koe mea ofa kia Jihova; koe koula, moe siliva, moe balasa.

⁶Moe lanumoana, moe bauhiuhi, moe kulaahoaho, moe tubenu tuovalevale, moe fulufulu‘i koji.

⁷Moe gaahi kili‘i sibi tagata kuo tukukula, moe gaahi kili‘i bajia, moe akau koe sitimi,

⁸Moe lolo ki he māma, moe gaahi akau nanamu ki he lolo tākai, bea ki he mea namu kakala,

⁹Moe gaahi maka oniki, moe gaahi maka ke fonofono aki ae efoti, bea ki he jifafatafata.

¹⁰Bea ke ha‘u ae loto boto kotoabe oku iate kimoutolu o gaohi aia kotoabe kuo fekau e Jihova.

¹¹Koe fale fehikitaki, mo hono buibui, mo hono fakabuloga, mo hono gaahi fakamau, mo hono gaahi laubaba, mo hono gaahi akau, mo hono gaahi bou, mo hono gaahi tuuga,

¹²Koe buha mo hono akau haamo, moe nofoaga aloofa, moe buibui oe fakabuloga,

¹³Koe balebale, mo hono haamo, mo hono gaahi nāunāu, moe ma oe ao,

¹⁴Koe tuuga māma foki ki he māma, mo hono nāunāu, mo hono gaahi foi māma, moe lolo ki he māma,

¹⁵Moe feilaulauaga oe mea namu kakala, mo hono haamo, moe lolo tākai. moe mea namu kakala, moe buibui ke tautau i he mataba i he huaga oe fale fehikitaki.

¹⁶Koe feilaulauaga oe feilaulau tutu, mo hono mea vagavaga balasa mo hono haamo, mo hono gaahi nāunāu kotoabe, koe sene mo hono tuuga,

¹⁷Koe gaahi buibui tautau oe lotoa, ko hono gaahi bou, mo ho nau gaahi tuuga, moe gaahi buibui tautau ki he mataba oe lotoa,

¹⁸Koe gaahi fa‘o oe fale fehikitaki, moe gaahi fa‘o oe lotoa, mo ho nau gaahi afo,

¹⁹Koe gaahi kofu ki he gaue, ke fai aki ae gaue i he botu tabu, koe gaahi kofu tabu kia Elone koe taulaeiki, moe gaahi kofu ki hono gaahi foha ke gaue aki i he gaue fakataulaeiki.

²⁰Bea nae alu ae kakai kotoabe oe fānau a Isileli mei he ao o Mosese.

²¹Bea naa nau ha‘u, aia kotoabe nae laga‘i ia e hono loto, mo ia kotoabe kuo fakaloto lelei ia e hono laumalie, o nau omi ae mea ofa kia Jihova ki he gaue oe fale fakatahaaga oe kakai, bea ki hono gaue kotoabe, bea ki he gaahi kofu tabu.

²²Bea naa nau ha‘u, ae tagata moe fefine, akinautolu kotoabe nae loto lelei, o omi ae gaahi vesa, moe gaahi hau, moe gaahi mama, moe gaahi noo, koe teuga koula kotoabe: bea koe tagata kotoabe nae omi mea nae atu ae koula kia Jihova.

²³Bea koe tagata kotoabe, aia nae i ai ae lanumoana, moe bauhiuhi, moe kulaahoaho, moe tubenu tuovalevale, moe fulufulu‘i koji, moe kili‘i sibi tagata kulokula, moe gaahi kili‘i bajia, naa nau omi ia.

²⁴Koia kotoabe nae atu ha mea ofa i he siliva moe balasa nae omi eia ae mea ofa kia Jihova; bea koe tagata kotoabe, nae iate ia ae akau koe sitimi ki ha gaue e taha i he gaue, nae omi ia.

²⁵Bea koe kau fefine kotoabe nae loto boto naa nau lalaga aki ho nau nima, o nau omi aia kuo nau lalaga, koe lanumoana moe bauhiuhi, moe kulaahoaho, moe tubenu tuovalevale.

²⁶Bea moe kau fefine kotoabe aia nae laga‘i akinautolu e ho nau loto i he boto, naa nau fi ae fulufulu‘i koji.

²⁷Bea nae omi e he kau bule ae gaahi maka oniki, moe gaahi maka ke fonofono aki, ki he efoti, bea ki he jifafatafata;

²⁸Moe akau nanamu, moe lolo ki he māma, bea ki he lolo tākai, bea ki he mea namu kakala.

²⁹Nae omi loto lelei be e he fānau a Isileli ae mea ofa kia Jihova, ae tagata moe fefine kotoabe, aia kuo fakafiemalie‘i ia e hono loto ke fetuku ki he gaahi gaue kehekehe kotoabe, aia nae fekau e Jihova ke gaohi e he nima o Mosese.

³⁰Bea nae behe e Mosese ki he fānau a Isileli, Vakai, kuo ui e Jihova i hono higoa a Besalili, koe foha o Uli, koe foha o Hua, oe faahiga o Juta.

³¹Bea kuo ne fakafonu ia i he laumalie oe Otua, i he boto moe lotomatala, moe faa ilo, i he gaahi gaue fakatufuga kotoabe.

³²Bea ke fakatubu ae gaahi gaue fakabotoboto, ke gaue i he koula, moe siliva, bea i he balasa,

³³Bea i he ta ae gaahi maka ke fono aki, bea i he tātā ae akau, ke fai aki ae gaue fakabotoboto.

³⁴Bea kuo ne ai ki hono loto koeuhi ke ne akonaki‘i aia mo Aholiabi, koe foha o Ehisamaki, oe faahiga o Tani.

³⁵Ko kinaua kuo ne fakafonu aki ae boto oe loto, ke fai ae gaahi gaue kotoabe ae tufuga togitogi mea, moe gaue ae tufuga fakabotoboto, bea moe gaahi teuga, i he lanumoana, bea i he bauhiuhi, moe kulaahoaho, bea i he tubenu tuovalevale, bea i he lalaga, o hage ko kinautolu oku fai ha gaue, mo kinautolu oku fakatubu ha gaue fakabotoboto.