EKESOTOSI 36:1-38 TON1884 - Bible AI

¹1 Oku atu ae gaahi mea ofa ke gaohi e he kau tufuga. 5 Oku taofi ae faa foaki ae kakai. 8 Koe gaahi buibui oe jelubimi. 14 Koe gaahi buibui oe fulufulu‘i koji. 19 Koe fakabuloga kili‘i manu. 20 Koe gaahi laubaba mo ho nau tuuga. 31 Koe gaahi akau. 33 Koe buibui. 37 Koe gaahi buibui tautau ki he mataba. BEA nae toki gaue a Besalili mo Aholiabi, moe tagata loto boto kotoabe, aia nae ai ki ai e Jihova ae boto moe iloaga, ke nau ilo ke gaohi ae gaahi gaue kehekehe kotoabe ki he gaue oe fale tabu, o fakatatau ki he mea kotoabe nae fekau ki ai e Jihova.

²Bea nae ui e Mosese a Besalili, mo Aholiabi, moe tagata loto boto kotoabe, aia kuo tuku ki hono loto e Jihova ae boto, io, aia kotoabe kuo laga‘i ia e hono loto ke ha‘u ki he gaue ke fai ia:

³Bea naa nau ma‘u ia Mosese ae mea ofa kotoabe, aia nae omi e he fānau a Isileli ki he gaue oe fale tabu, mo hono gaohi. Bea naa nau kei omi kiate ia ae mea ofa i he bogibogi kotoabe.

⁴Bea nae ha‘u ae kau tagata kotoabe, nae fai ae gaahi gaue kotoabe oe fale tabu, o ha‘u taki taha ae tagata mei he gaue naa ne fai;

⁵Bea naa nau lea kia Mosese, o behe, Oku omi e he kakai ae mea oku lahi hake noabe ki he gaue oku fai ni, aia nae fekau e Jihova ke gaohi.

⁶Bea nae fekau e Mosese, bea naa nau fekau ke fanogonogo ki he botu kotoabe oe abitaga, o behe, Ke oua naa kei fai ha teuteu meaofa e ha tagata be ha fefine ki he fale tabu. Koia nae taofi ai ae kakai i he fetuku.

⁷He koe mea kuo nau ma‘u, nae lahi ia ki he gaue kotoabe ke gaohi, bea nae toe.

⁸Bea koe tagata loto boto kotoabe iate kinautolu naa nau fai ae gaue oe fale fehikitaki, naa nau gaohi ae buibui e hogofulu oe tubenu tuovalevale, moe lanumoana, moe bauhiuhi, moe kulaahoaho: naa ne gaohi aki ia ae gaahi jelubimi oe gaue fakabotoboto.

⁹Ko hono loloa oe buibui e taha koe haga e nimagofulu ma ono, bea ko hono laulahi oe buibui e taha koe haga e valu: bea nae fua tatau be ae buibui kotoabe.

¹⁰Bea ne fakamau ke fakataha ae buibui e nima: bea ko hono buibui e nima oku toe naa ne takamau ke fakataha.

¹¹Bea ne gaohi ae gaahi kavei lanumoana, i he kaba oe buibui e taha mei he hokoaga i he fakamauaga: bea nae fai behe i he kaba kitua oe buibui e taha, i he hokoaga o hono ua.

¹²Naa ne gaohi ae kavei e nimagofulu i he buibui e taha moe kavei e nimagofulu i he kaba oe buibui, aia nae i he hokoaga o hono ua: nae fakamau aki ae kavei ae buibui e taha ki he taha.

¹³Bea naa ne gaohi ae fakamau koula e nimagofulu, o ne fakahoko aki ae fakamau ae buibui e taha ki he taha: bea nae hoko ia koe fale fehikitaki be taha.

¹⁴Bea naa ne gaohi ae gaahi buibui fulufulu‘i koji ke aofi aki ae fale fehikitaki: naa ne gaohi ae buibui a hogofulu ma taha.

¹⁵Ko hono loloa oe buibui e taha koe haga e onogofulu, mo hono lau lahi oe buibui be taha koe haga e valu: nae fua tatau be ae buibui e hogofulu ma taha.

¹⁶Bea naa ne fakamau ae buibui e nima ke taha be, moe buibui e ono ke taha be.

¹⁷Bea ne gaohi ae kavei e nimagofulu ki he kaba i oluga oe buibui i he hokoaga, mo ne gaohi ae kavei e nimagofulu ki he kaba oe buibui aia oku ne hoko ki hono ua.

¹⁸Bea ne gaohi ae fakamau balasa e nimagofulu ke fakamau fakataha ae faletubenu ke taha be ia.

¹⁹Bea ne gaohi ae mea fakabuloga ki he fale fehikitaki aki ae gaahi kili oe sibi tagata tukukula, moe mea fakabuloga e taha i oluga i ai, koe kili oe bajia.

²⁰Bea ne gaohi ae gaahi laubaba ki he fale fehikitaki aki ae akau koe sitimi ke tuu tonu.

²¹Ko hono loloa oe laubaba e taha koe haga e uofulu, mo hono lau lahi oe laubaba e taha koe haga e tolu.

²²Nae ua hono mui ki he laubaba e taha, bea tatau be hono mamao oe taha ki he taha: bea naa ne fai behe be ki he gaahi laubaba kotoabe oe fale fehikitaki.

²³Bea naa ne gaohi ae gaahi laubaba ki he fale fehikitaki; koe laubaba e uofulu ki he faahi ki toga ke haga ki toga;

²⁴Bea ne gaohi ae tuuga siliva e fagofulu i lalo i he laubaba e uofulu; koe tuuga e ua i lalo i he laubaba e taha ki hono mui e ua, moe tuuga e ua i lalo he laubaba e taha ki hono mui e ua.

²⁵Bea ko hono faahi e taha oe fale fehikitaki, aia oku haga ki he tuliki fakatokelau, naa ne gaohi ki ai ae laubaba e uofulu,

²⁶Mo ho nau tuuga siliva e fagofulu koe tuuga e ua i lalo i he laubaba e taha, moe tuuga e ua i lalo i he laubaba e taha.

²⁷Bea ne gaohi ae laubaba e ono ki he botu luluga oe fale fehikitaki.

²⁸Bea ne gaohi ae laubaba e ua ki he tuliki oe fale fehikitaki i hono faahi e ua.

²⁹Bea nae fakamau ia ki lalo, bea fakamau ke fakataha ia i he ulu o ia, ki he kavei be taha: bea fai behe be eia ki ai i he tuliki e ua.

³⁰Bea nae i ai ae laubaba e valu; bea ko ho nau tuuga koe tuuga siliva e hogofulu ma ono, nae ua ae tuuga i lalo oe laubaba kotoabe.

³¹Bea naa ne gaohi ae gaahi akau fakamau oe sitimi; koe nima ki he gaahi laubaba i he faahi e taha oe fale fehikitaki,

³²Moe akau fakamau e nima ki he gaahi laubaba oe faahi e taha oe fale fehikitaki, bea moe akau fakamau e nima ki he gaahi laubaba i he botu luluga oe fale fehikitaki.

³³Bea naa ne gaohi ae akau fakamau i loto ke velo i he laubaba kotoabe mei he botu e taha o a‘u atu ki he botu e taha.

³⁴Bea naa ne aofi aki ae koula ae gaahi laubaba kotoabe, o gaohi ho nau gaahi kave‘i koe koula, ke velo ai ae akau fakamau, bea ne aofi ae gaahi akau fakamau aki ae koula.

³⁵Bea naa ne gaohi ae buibui aki ae lanumoana, moe bauhiuhi, moe kulaahoaho, moe tubenu tuovalevale: bea nae ai ki ai ae gaahi jelubimi i he gaue fakabotoboto.

³⁶Bea naa ne gaohi ki ai ae bou e fa oe akau koe sitimi, o ne aofi ia aki ae koula: koe koula hono tautauaga; bea naa ne haka ki ai ae tuuga siliva e fa.

³⁷Bea naa ne gaohi ae mea tautau ki he mataba oe fale fehikitaki aki ae lanumoana, moe bauhiuhi, moe kulaahoaho, moe tubenu tuovalevale, oe gaue tuitui;

³⁸Mo hono bou e nima o ia, mo e gaahi tautauaga: bea naa ne aofi ho nau ulu‘i bou, mo ho nau gaahi takai aki ae koula: ka ko ho nau tuuga e nima koe balasa ia.