EKESOTOSI 37:1-29 TON1884 - Bible AI

¹1 Koe buha. 6 Koe nofoaga aloofa moe ogo felubimi. 10 Koe balebale mo hono nāunāu. 17 Koe tuuga māma mo hono gaaki foi māma mo hono nāunāu. 25 Koe feilaulauaga mea nanamu. 29 Koe lolo tākai moe mea namu kakala. BEA nae gaohi e Besalili ae buha aki ae akau koe sitimi: koe haga e nima hono loloa, moe haga e tolu hono maukubu, moe haga e tolu a hono maoluga:

²Bea naa ne aofi aki ia ae koula haohaoa i loto mo tua, o ne gaohi ae tatā koula ki ai ke takatakai ia.

³Bea naa ne haka ae kavei koula e fa ki ai, ki ai o ofi ki hono tuliki e fa: io, ae kavei e ua i hono faahi e taha, moe kavei e ua ki hono faahi e taha.

⁴Bea naa ne gaohi ae akau e ua aki ae akau koe sitimi, o ne aofi aki ia ae koula.

⁵Bea ne ai ae ogo akau ki he kavei i he ogo faahi oe buha, ke haamo aki.

⁶Bea naa ne gaohi ae nofoaga aloofa aki ae koula haohaoa: koe haga e nima a hono loloa, moe haga e tolu a hono maukubu o ia.

⁷Bea naa ne gaohi ae ogo jelubimi koula, o ne tuki akinaua mei he koga koula be taha, i hono botu e ua oe nofoaga aloofa.

⁸Koe jelubi e taha i he botu i he faahi ni, moe jelubi e taha i hono botu e taha i he faahi e taha: naa ne gaohi ae ogo jelubimi i he nofoaga aloofa: i hono botu e ua o ia.

⁹Bea nae mafola hake ki oluga hona kabakau e he ogo jelubimi, o na malu‘i aki hona kabakau ae nofoaga aloofa, bea nae fehagaki hona mata; io, nae haga ki he nofoaga aloofa ae mata oe ogo jelubimi.

¹⁰Bea naa ne gaohi ae balebale aki ae akau koe sitimi: koe haga e fa a hono loloa, moe haga e ua hono maukubu o ia, moe haga e tolu a hono maoluga:

¹¹Bea ne aofi aki ia ae koula haohaoa, o ne gaohi ae tatā koula ke takatakai ia.

¹²Bea naa ne gaohi foki ki ai ae taba ke takatakai ia koe nima e taha hono laulahi: o ne gaohi ae tatā koula ki he taba o ia ke takatakai.

¹³Bea ne haka ae kavei koula e fa ki ai, o ai ae kavei ki hono tuliki e f aia nae i hono va‘e e fa.

¹⁴Nae tuku tonu ki he taba ae gaahi kavei, koe aiaga oe ogo akau ke haamo aki ae balebale.

¹⁵Bea ne gaohi ae ogo akau aki ae sitimi, bea nae aofi aki ia ae koula, ke haamo aki ae balebale.

¹⁶Bea naa ne gaohi ae gaahi ibu i he balebale, ae gaahi ibu kai, moe gaahi ohu, mo hono gaahi ibu luoluo, moe gaahi mea ufiufi, ke ufiufi aki, aki ae koula haohaoa.

¹⁷Bea naa ne gaohi ae tuuga māma aki ae koula haohaoa: o ne gaohi ae tuuga māma aki ae gaue tuki: a hono kau, mo hono basaga, mo hono gaahi ibu jii, mo hono gaahi teuga botoboto, mo hono gaahi fiji, nae i he mea be koia.

¹⁸Moe basaga e ono nae tuu i hono botu e ua: koe basaga e tolu oe tuuga māma mei hono botu e taha, moe basaga e tolu oe tuuga māma mei hono botu e taha:

¹⁹Koe ibu jii e tolu i he basaga e taha kuo gaohi o hage koe fua‘itelie, koe teuga botoboto moe fiji; bea koe ibu jii e tolu kuo gaohi o hage koe fua‘itelie i he basaga e taha, koe teuga botoboto moe fiji; bea ke behe be i he basaga e ono oku tuu i he tuuga māma.

²⁰Bea nae i he tuuga māma ae ibu jii e fa kuo gaohi o hage koe fua‘itelie, ko hono gaahi teuga botoboto mo hono gaahi fiji:

²¹Koe teuga botoboto e taha i lalo oe basaga e ua, moe teuga botoboto e taha i lalo i he basaga e ua, moe teuga botoboto e taha i lalo i he basaga e ua, o fakatatau ki he basaga e ono oku tuu i ai.

²²Ko ho nau gaahi teuga botoboto mo ho nau gaahi basaga nae i he mea be koia: koe koga koula tuki be taha aia kotoabe.

²³Bea naa ne gaohi hono foi māma e fitu, mo hono gaahi helekojimāma, mo hono aiaga helekoji, aki ae koula haohaoa.

²⁴Koe taleneti koula be taha naa ne gaohi aki ia, mo hono gaahi ibu kotoabe.

²⁵Bea naa ne gaohi ae feilaulauaga mea namu kakala aki ae akau koe sitimi: ko hono loloa koe haga e ua, mo hono maukubu koe haga e ua; nae botubotu tatau be: bea koe haga e fa a hono maoluga; bea ko hono gaahi nifo nae i he mea be koia.

²⁶Bea naa ne aofi aki ia ae koula haohaoa, i hono fuga oia, mo hono gaahi botu o takatakai, mo hono gaahi nifo: bea naa ne gaohi foki ki ai ae tatā koula ke takatakai.

²⁷Bea naa ne gaohi hono kavei koula e ua i lalo i he tatā oia, o ofi ki hono tuliki e ua, ki hono botu e ua, ke velo ai ae ogo akau ke haamo aki.

²⁸Bea naa ne gaohi ae ogo haamo aki ae akau koe sitimi, bea nae aofi ia aki ae koula.

²⁹Bea naa ne gaohi ae lolo tākai tabu, moe mea namu lelei, aki ae gaahi akau nanamu, o tāu moe gaue ae tagata fua vai.