FAKAHA 10:1-11 TON1884 - Bible AI

¹1 Oku ha mai ha agelo malohi mo lahi oku i hono nima ae tohi kuo folahi. 6 Oku ne fuakava iate ia oku moui o taegata bea taegata, e ikai kei taofia. 9 Oku fekau kia Jone he ne too mo kai ae tohi. BEA neu mamata ki ha agelo malohi e toko taha oku alu hifo mei he lagi, kuo kofu aki ae ao: bea nae i hono ulu ae umata, bea nae tatau hono mata moe laa, bea ko hono va‘e nae tatau moe bou afi:

²Bea nae i hono nima ae tohi jii kuo folahi: bea naa ne ai hono va‘e toomatau ki he tahi, bea moe toohema ki he fonua,

³Bea kalaga le‘o lahi ia, o hage koe gugulu oe laione: bea hili ene tagi, nae fakaogo ho nau le‘o e he mana e fitu.

⁴Bea kuo fakaogo e he mana e fitu ho nau le‘o, beau teu ke tohi: bea neu fanogo ki he le‘o mei he lagi oku behe mai kiate au, Fakamau ke mau ae gaahi mea kuo fakaogo mai e he mana e fitu, bea oua naa tohi ia.

⁵Bea koe agelo aia neu mamata nae tuu ki he tahi moe fonua, naa ne hiki hono nima ki he lagi,

⁶Bea ne fuakava iate ia oku moui o taegata bea taegata, aia naa ne fakatubu ae lagi, moe gaahi mea oku i ai, moe fonua, moe gaahi mea oku i ai, moe tahi, moe gaahi mea oku i ai, E ikai kei taofia:

⁷Ka i he gaahi aho oe le‘o o hono fitu oe agelo, i he lolotoga o ene fakaogo, e fakakakato ae gaue fufu ae Otua, o hage ko ene fakaha ki he ene kau tamaioeiki koe kau balofita.

⁸Bea koe le‘o aia neu fanogo mei he lagi, ne toe lea mai ia kiate au, o behe, Alu, mo ke too ae tohi jii kuo folahi i he nima oe agelo aia oku tuu ki he tahi moe fonua.

⁹Bea neu alu ki he agelo, o behe kiate ia, Tuku mai kiate au ae tohi jii. Bea behe eia kiate au, Ave, bea ke kai ke oji ia; bea e fakakona‘i eia a ho kete, ka e melie ia i ho gutu o hage ha mea hua melie.

¹⁰Bea neu too ae tohi jii mei he nima oe agelo, bea neu kai ia o oji; bea nae melie ia i hoku gutu o hage ha mea hua melie: bea kuou kai leva ia, bea kona a hoku kete.

¹¹Bea behe eia kiate au, Te ke toe kikite i he ao oe gaahi kakai lahi, moe gaahi buleaga, moe kakai lea kehekehe, moe gaahi tu‘i.