FAKAHA 11:1-19 TON1884 - Bible AI

¹3 Oku kikite ae ogo fakamooni e toko ua. 6 Oku ne bule ke tabuni ae lagi, ke oua naa uha. 7 E tau‘i akinaua e he manu fekai, o tamate‘i akinaua. 8 Oku tuku taetanu ho na jino, 11 bea hili ae aho e tolu moe koga aho oku na toe tuu. 14 Kuo hiliage hono ua oe malaia. 15 Oku ifi hono fitu oe mea lea. BEA nae omi kiate au ae vaa kaho o hage ha tokotoko: bea tuu ae agelo, o behe mai, Tuu, o fuofua ae fale tabu oe Otua, moe ejifeilaulau, mo kinautolu oku lotu i ai.

²Kae tuku be ae lotoa oku itua i he faletabu, oua e fuofua ia; he kuo tuku ia ki he kakai Jenitaile: bea te nau malaki hifo ae kolo tabu i he mahina e fagofulu ma ua.

³Bea teu foaki ki hoku ogo fakamooni, ke na kikite i he aho e taha afe ma uageau ma onogofulu, kuo kofu aki ae tauagaa.

⁴Ko eni ia ae ogo akau olive, moe ogo tuuga māma, oku tutuu i he ao oe Otua o mamani.

⁵Bea ka loto ke tautea akinaua e ha taha, oku alu atu ae afi mei ho na gutu, o fakaauha ho na gaahi fili: bea ka loto e ha taha ke tautea akinaua, e tamate‘i behe ni ia.

⁶Oku ma‘u ekinaua ni ae malohi ke tabuni ae lagi, ke oua naa uha i he gaahi aho oe na kikite: bea oku na ma‘u ae malohi ki he gaahi vai, ke liliu ia koe toto, bea ke ta‘i aki a mamani ae gaahi mea mamahi, o na faiteliha be liuga fiha ia.

⁷Bea ka fakaoji ekinaua e na fakamooni, koe manu fekai oku alu hake mei he luo tae hano takele, te ne tau‘i akinaua, bea te ne ikuna akinaua, o tamate‘i akinaua.

⁸Bea ko ho na jino mate e tuku i he hala oe kolo lahi, aia oku ui fakalaumalie ko Sotoma mo Ijibite, aia nae tutuki ai ki he akau a ho tau Eiki.

⁹Bea ko kinautolu oe gaahi kakai, moe gaahi faahiga, moe gaahi lea, moe gaahi buleaga, te nau mamata ki ho na jino mate i he aho e tolu moe koga aho, bea e ikai tuku ke tanu ho na jino mate.

¹⁰Bea ko kinautolu oku nofo i mamani te nau fiefia kiate kinaua, o fakafiefia‘i, bea feaveaki e nau gaahi mea ofa; koeuhi nae fakamamahi e he ogo balofita ni akinautolu nae nofo i mamani.

¹¹Bea hili ae aho e tolu moe koga aho, nae hu kiate kinaua ae laumalie oe moui mei he Otua, bea naa na tuu i ho na va‘e; bea nae to ae manavahe lahi kiate kinautolu nae mamata kiate kinaua.

¹²Bea naa nau fanogo ki he le‘o lahi mei he lagi, oku behe kiate kinaua, Alu hake ki heni. Bea ne na alu hake ki he lagi i he ao; bea nae mamata kiate kinaua a ho na gaahi fili.

¹³Bea i he feituulaa be koia nae ai ae mofuike lahi, bea holo hono hogofulu oe vahe oe kolo, bea nae mate i he mofuike ae kakai e toko fitu afe: bea nae ilifia hono toe, o nau fakamalo ki he Otua oe lagi.

¹⁴Kuo hili hono ua oe malaia; vakai, oku ha‘u tootoo hono tolu oe malaia.

¹⁵Bea nae ifi e hono fitu oe agelo; bea nae ai ae gaahi le‘o malohi i he lagi, nae behe, Koe gaahi buleaga oe mama kuo o ho tau Eiki, mo hono Kalaisi; bea e bule ia o taegata bea taegata.

¹⁶Bea koe mātua e toko uofulu ma toko fa, aia nae nofo i ho nau gaahi nofoa i he ao oe Otua, naa nau foohifo o hu ki he Otua,

¹⁷O behe, Oku mau fakafetai kiate koe, e Eiki koe Otua Mafimafi, oku ke i ai ni, bea naa ke i ai, bea te ke i ai; koeuhi kuo ke too kiate koe a hoo malohi lahi, bea kuo ke bule.

¹⁸Bea nae ita ae gaahi buleaga, bea kuo hoko mai ho houhau, moe kuoga oe bekia, koeuhi ke fakamāua akinautolu, bea koeuhi ke ke totogi ai ki hoo kau tamaioeiki koe kau balofita, moe kakai maonioni, mo kinautolu oku manavahe ki ho huafa, ae iki moe lalahi; bea ke fakaauha akinautolu oku nau fakaauha ae mama.

¹⁹Bea nae fakaava ae fale tabu oe Otua i he lagi, bea nae ha mai i hono fale tabu ae buha o ene fuakava: bea nae ai ae gaahi uhila, moe gaahi le‘o, moe gaahi mana, moe mofuike, moe uha maka lahi.