FAKAHA 5:1-14 TON1884 - Bible AI

¹1 Koe tohi nae fakamau aki ae mea fakamau e fitu: 6 aia oku ikai ke tāu mo ha taha ke too, ka koe Lami be nae tamate‘i. 12 Koia oku fakafetai ai kiate ia e he kau mātua, 9 bea nau fakaha naa ne huhui akinautolu aki hono taataa. BEA neu mamata i he nima toomatau o ia nae nofo i he nofoa fakaeieiki ae tohi kuo tohi i loto mo tua, bea fakamau aki ae mea fakamau e fitu.

²Bea neu mamata ki ha agelo malohi, oku kalaga aki ae le‘o lahi, Kohai oku tāu ke too ae tohi, mo vete hono gaahi mea fakamau o ia?

³Bea nae ikai ha toko taha i he lagi, be i mamani, be i lalo i mamani, oku faa fai ke too ae tohi, be ke mamata ki ai.

⁴Bea neu tagi lahi, koeuhi nae ikai ke ilo‘i ha taha oku tāu ke ne too mo lau ae tohi, be ke mamata ki ai.

⁵Bea behe e ha toko taha oe kau mātua kiate au, Oua e tagi: vakai, koe Laione oe faahiga o Juta, koe Aka o Tevita, kuo ne lava‘i ke ne too ae tohi, bea ke vete a hono mea fakamau e fitu.

⁶Bea neu mamata, bea vakai, i he haohaoga oe nofoa fakaeieiki moe mea moui e fa, bea i he haohaoga oe kau mātua, nae tuu ae Lami o hage kuo tamate‘i, kuo fitu ae nifo i hono ulu, moe mata e fitu, aia koe Laumalie e Fitu oe Otua oku fekau atu ki mamani kotoabe.

⁷Bea nae ha‘u ia, o ne too ae tohi mei he nima toomatau o ia nae nofo i he nofoa fakaeieiki.

⁸Bea i he ene too ae tohi, nae fakafoohifo i he ao oe Lami ae mea moui e fa moe kau mātua e toko uofulu ma toko fa, naa nau taki taha ae haabe, moe hina koula kuo bito i he mea namu kakala, aia koe gaahi lotu oe kakai maonioni.

⁹Bea naa nau hiva aki ae hiva foou, o behe, Oku tāu mo koe ke too ae tohi, bea ke vete hono gaahi mea fakamau o ia: he nae tamate‘i koe, bea kuo ke huhui ae kakai aki ho taataa ki he Otua, mei he faahiga, moe lea, moe kakai, moe buleaga kotoabe.

¹⁰Bea kuo ke gaohi akinautolu koe gaahi tu‘i moe kau taulaeiki ki ho mau Otua: bea te nau bule i he mama.

¹¹Bea neu vakai, beau fanogo ki he le‘o oe kau agelo toko lahi nae tuu takatakai i he nofoa fakaeieiki moe gaahi mea moui moe kau mātua: bea ko ho nau lau koe gaahi toko mano lau‘i gaahi mano, moe gaahi toko afe lau‘i gaahi toko afe;

¹²Oku nau behe, aki ae le‘o lahi, Oku tāu moe Lami nae tamate‘i ke tuku kiate ia ae mafimafi, moe koloa, moe boto, moe malohi, moe fakaabaaba, moe ogoogo lelei, moe fakafetai.

¹³Bea neu fanogo ki he gaahi mea kotoabe aia oku i he lagi, bea i he mamani, bea i lalo i mamani, bea mo ia oku i he tahi, bea mo kinautolu kotoabe oku i ai, naa nau behe, Ke iate ia oku nofo i he nofoa fakaeieiki, bea ki he Lami, ae fakafetai, moe fakaabaaba, moe ogoogo lelei, moe mafimafi, o taegata bea taegata.

¹⁴Bea nae behe e he mea moui e fa, Emeni. Bea nae fakafoohifo ae mātua e toko uofulu ma toko fa, o hu kiate ia oku moui o taegata bea taegata.