FAKAHA 8:1-13 TON1884 - Bible AI

¹1 I he vete a hono fitu oe mea fakamau, 2 nae atu ae mea lea e fitu ki he agelo e toko fitu. 6 Oku ifi e ho nau toko fa a ho nau gaahi mea lea, bea hoko ae gaahi malaia. 3 Oku ai e he agelo e taha ae akau namu kakala ki he ejifeilaulau koula ke alu hake fakataha moe gaahi lotu ae kakai maonioni. BEA kuo vete eia a hono fitu oe mea fakamau, nae ai ae fakalogobe i he lagi i he vaeua malieaga oe feituulaa e taha.

²Bea neu mamata ki he agelo e toko fitu nae tutuu i he ao oe Otua; bea nae atu kiate kinautolu ae mea lea e fitu.

³Bea nae ha‘u ae agelo e taha, o tuu i he ejifeilaulau, kuo iate ia ae aiaga afi koula; bea nae atu o lahi ae akau namu kakala kiate ia, koeuhi ke ne atu ia fakataha moe gaahi lotu oe kakai maonioni kotoabe, i he ejifeilaulau koula, aia nae tuu i he mu‘a nofoa fakaeieiki.

⁴Bea nae alu hake ki he ao oe Otua mei he nima oe agelo ae kohu oe akau namu kakala, bea moe gaahi lotu oe kakai maonioni.

⁵Bea nae ave e he agelo ae aiaga afi, bea ne fakabito ia aki ae afi mei he ejifeilaulau, o ne li ia ki he fonua: bea nae ai ae gaahi le‘o, moe mana, moe uhila, moe mofuike.

⁶Bea koe agelo e toko fitu nae i ai ae mea lea e fitu, naa nau teuteu ke ifi.

⁷Nae ifi e he uluaki agelo, bea nae hoko ai ae uha maka moe afi oku afu aki ae toto, bea nae li ia ki he fonua: bea nae vela o oji a hono tolu oe vahe oe gaahi akau, bea nae vela o oji ae mohuku mata kotoabe.

⁸Bea ifi e hono ua oe agelo, bea hage nae li ai ki tahi ha fuu mouga oku vela i he afi: bea nae liliu o toto a hono tolu oe vahe oe tahi;

⁹Bea ko hono tolu oe vahe oe gaahi mea nae moui i he tahi, nae mate ia; bea nae maumau hono tolu oe vahe oe gaahi vaka.

¹⁰Bea ifi e hono tolu oe agelo, bea nae to hifo ae fetuu lahi mei he lagi, oku ulo o hage ha tūhulu, bea nae to ia ki hono tolu oe vahe oe gaahi vaitafe, bea ki he gaahi matavai;

¹¹Bea koe higoa oe fetuu nae ui ko Kona‐i‐i: bea nae fakakona ai hono tolu oe vahe oe gaahi vai; bea nae mate ae kakai toko lahi i he gaahi vai, koeuhi nae fakakona ia.

¹²Bea nae ifi e hono fa oe agelo, bea ta hono tolu oe vahe oe laa, mo hono tolu oe vahe oe mahina, mo hono tolu oe vahe oe gaahi fetuu; koia ne fakabouli ai hono tolu oe vahe o kinautolu, bea nae ikai māma ae aho i hono tolu o hono vahe, bea nae behe be moe bo foki.

¹³Bea neu vakai, beau ogo‘i oku buna ae agelo e taha i he loto lagi, o ne behe aki ae le‘o lahi, Malaia, malaia, malaia, ki he kakai oku nofo i he mama, koeuhi i hono toe oe le‘o oe mea lea oe agelo e toko tolu, oku teeki ai ifi!