FILIBAI 1:1-30 TON1884 - Bible AI

¹1 Oku fakaha e Baula ene fakafetai ki he Otua, mo ene ofa ki he kau lotu i Filibai, koeuhi koe gaahi fua lelei oe nau tui, moe nau kau ki he ene gaahi mamahi, 9 bea ne hufia akinautolu ki he Otua i he aho kotoabe ke nau tubulekina i he ofa: 12 oku ne fakaha ae tubulekina oe gaue a Kalaisi mei he ene gaahi mamahi aana i Loma, 21 mo ene fie fakaogoogolelei a Kalaisi i he ene moui mo ene mate, 27 bea ne eginaki ke nau uouaga taha, 28 mo nau loto toa i he hoko oe fakataga. KO BAULA mo Timote, koe ogo tamaioeiki a Jisu Kalaisi, ki he kaiga maonioni kotoabe ia Kalaisi Jisu, oku i Filibai, moe kau tauhi moe kau akonaki:

²Ke iate kimoutolu ae aloofa, moe monuia, mei he Otua koe tau Tamai, bea moe Eiki ko Jisu Kalaisi.

³Oku ou fakafetai ki hoku Otua i he eku manatu kotoabe kiate kimoutolu,

⁴O hufekina fiefia mau ai be akimoutolu kotoabe i he eku lotu kotoabe,

⁵Koeuhi ko hoo mou kau fakataha i he ogoogolelei talu mei he uluaki aho o a‘u ki heni;

⁶Oku ou ilo bau ae mea ko eni, koeuhi ko ia kuo ne kamata ae gaue lelei iate kimoutolu, te ne fakahaohaoa ia o a‘u ki he aho o Jisu Kalaisi:

⁷O hage oku tāu mo au ke behe eku amanaki kiate kimoutolu kotoabe, koeuhi oku mou i hoku loto; bea i hoku gaahi ha‘i, mo eku lagomaki mo eku fakamooni ki he ogoogolelei, oku mou kau fakataha kotoabe i hoku lelei.

⁸He ko hoku fakamooni ae Otua, ki he lahi aubito o eku holi kiate kimoutolu kotoabe i he manāva o Jisu Kalaisi.

⁹Bea ko eku lotu eni, ke tubulekina hoo mou ofa o lahi, bea lahi hake i he ilo moe agafakabotoboto kotoabe;

¹⁰Koeuhi ke mou ahiahi‘i ae gaahi mea oku fai kehekehe; ka mou aga-totonu mo taehalaia o a‘u ki he aho o Kalaisi;

¹¹Ke fakafonu aki akimoutolu ae gaahi fua oe maonioni, aia oku ia Jisu Kalaisi, ke ogoogo lelei ai mo fakafetai ai ki he Otua.

¹²Bea ko hoku loto ke mou ilo, e kaiga, koe gaahi mea nae to kiate au kuo iku ia i he fakatubulekina be oe ogoogolelei;

¹³Koia kuo ilo ai i he fale kotoa oe tu‘i, moe gaahi botu kehekehe kotoabe, a hoku gaahi ha‘i koeuhi ko Kalaisi:

¹⁴Bea koe kaiga toko lahi i he Eiki, kuo nau loto malohi koe mea i hoku gaahi ha‘i, bea ajili ai ho nau loto toa ke lea aki ae folofola o taemanavahe.

¹⁵Koe mooni oku malaga aki a Kalaisi e he niihi i he meheka moe fakakikihi; bea fai loto lelei be e he niihi:

¹⁶Koe niihi oku malaga aki a Kalaisi i he kikihi, kae ikai i he loto maa, o nau amanaki ke fakalahi aki ae mamahi ki hoku gaahi ha‘i.

¹⁷Ka koe niihi i he ofa, o ilo kuo fokotuu au koe lagomekina oe ogoogolelei.

¹⁸Bea fefe ai? ko eni, i he mea kotoabe, i he kākā, be i he mooni, oku malaga aki a Kalaisi; bea koia oku ou fiefia ai, io, bea teu fiefia.

¹⁹He oku ou ilo e kau eni ki hoku fakamoui i hoo mou lotu, moe foaki oe Laumalie o Jisu Kalaisi,

²⁰O fakatatau ki he eku holi lahi moe amanaki lelei, ke oua naa ai ha mea teu ma ai, ka i he fai malohi lahi, ke hage koia i mu‘a, ke behe eni foki, ae fakaogolelei a Kalaisi i hoku jino, i he moui, be i he mate.

²¹He koe moui kiate au ko Kalaisi ia, ka e aoga lahi ae mate.

²²Bea kabau teu moui i he jino, ko hono fua eni o eku gaue: ka oku ikai teu iloa aia teu fili ki ai.

²³He oku efihia au i he mea e ua, oku ou holi ke alu, keu ia Kalaisi; aia oku lelei lahi aubito:

²⁴Ka koe nofo i he jino oku aoga lahi ia kiate kimoutolu.

²⁵Bea i he eku ilo eni, oku ou ilo teu moui o nonofo mo kimoutolu kotoabe, ka e tubulekina ai hoo mou tui moe fiefia;

²⁶Bea ke tubulekina aubito ai hoo mou fiefia ia Jisu Kalaisi koeuhi ko au, i he eku toe alu atu kiate kimoutolu.

²⁷Kae kehe, ke tāu hoo mou ulugaaga moe ogoogolelei a Kalaisi: koeuhi ka ai haaku alu atu o vakai kiate kimoutolu, be teu mamao, teu fanogo be ki hoo mou gaue, oku mou tuu mau i he loto be taha, o uouaga taha be, o feiga fakataha i he tui ki he ogoogolelei;

²⁸Bea oua naa ilifia i ha mea mei ho mou gaahi fili: he koe fakailoga ia kiate kinautolu oe malaia, ka oe fakamoui kiate kimoutolu, bea oku mei he Otua ia.

²⁹He kuo tuku kiate kimoutolu koeuhi ko Kalaisi, ke oua naa gata i he tui be kiate ia, ka ke mou mamahi foki koeuhi ko ia;

³⁰I he tau‘i akimoutolu, o hage koia naa mou mamata ai iate au, bea fanogo eni oku iate au.