FILIBAI 3:1-21 TON1884 - Bible AI

¹1 Oku valoki e Baula ke nau vakai ki he kau ako kākā oe kamu, 4 o ne fakaha kuo iate ia o lahi aubito ae mea ke ne falala ai ki he maonioni oku mei he fono i he mea oku iate kinautolu: 7 ka ne lau ia kotoabe koe mea kovi be moe mea ke liaki, ka ne lava‘i a Kalaisi mo ene maonioni aana, 12 bea ne fakaha oku kei taehaohaoa ia i ai. 15 Oku ne eginaki ke nau loto taha be mo ia, 17 o faifaitaki kiate ia. 18 bea oua naa nau faifaitaki ki he kakai oku lotu kae aga fakakakano. KO hono fakaoji e hoku kaiga, ke mou fiefia i he Eiki. Ko eku tohi ae gaahi mea be koia kiate kimoutolu, oku ikai jii ko ha fakafiu kiate au, bea oku aoga kiate kimoutolu.

²Vakai telia ae faga kuli, vakai telia ae kau gaue kovi, vakai telia ae kau tuuji.

³He koe kamu akitautolu, oku tauhi ki he Otua i he laumalie, mo fiefia ia Kalaisi Jisu, bea oku ikai ke tau falala ki he kakano.

⁴Ka teu faa ma‘u nai eau ha fala-laaga i he kakano. Kabau oku mahalo e ha taha oku ai ha mea i he kakano e aoga ene falala ki ai, oku lahi kiate au:

⁵Nae kamu au i hono valu oe aho, mei he hako o Isileli, mei he faahiga o Benijimani, koe Hebelu oe kau Hebelu; bea i he mea ae fono koe Falesi;

⁶Bea i he fai feiga, neu fakataga ae jiaji; bea i he maonioni oku mei he fono, neu taehala ai.

⁷Ka koe gaahi mea koia nae aoga kiate au, naaku lau ia koe mea ke jiaki koeuhi ko Kalaisi.

⁸Io, koe mooni, bea oku ou lau ae gaahi mea kotoabe koe mea ke jiaki koeuhi ko hono lelei lahi aubito oe ilo o Kalaisi Jisu ko hoku Eiki: aia kuou kataki ai hono liaki oe gaahi mea kotoabe, bea oku ou lau ia koe kinohaa, kae kehe keu ma‘u a Kalaisi,

⁹Bea ke ilo au iate ia, o ikai i he eku fakatonuhia aaku, aia oku mei he fono ka koia oku i he tui kia Kalaisi, koe fakatonuhia aia oku mei he Otua i he tui:

¹⁰Koeuhi keu ilo‘i ia, moe malohi o ene toetuu, beau kau i he ene gaahi mamahi, i he fakatatau au ki he ene bekia;

¹¹Kabau teu faa lava‘i i he mea kotoabe ae toetuu mei he mate.

¹²Kae ikai hage kuou ma‘u, be teu haohaoa eni: ka oku ou tuli atu, koeuhi keu lava‘i aia kuo lava‘i ai au foki e Kalaisi Jisu.

¹³E kaiga, oku ikai teu behe kuou lava‘i: ka ko eni be taha, oku ou faka-galo‘i ae gaahi mea ki mui, kau mafao atu ki he gaahi mea ki mu‘a,

¹⁴Oku ou mafao atu ki he fakailoga, koe koloa oe ui maoluga ae Otua ia Kalaisi Jisu.

¹⁵Koia ke loto behe akitautolu kuo haohaoa: bea kabau oku ai ha mea oku mou loto taetatau ai, e fakaha foki eni e he Otua kiate kimoutolu.

¹⁶Ka koia kuo tau lava‘i, ke tau aeva i he mea fua be koia, ke tau tokaga ki he mea koia.

¹⁷E kaiga, ke mou kauga faifaitaki kiate au, bea vakai kiate kinautolu oku aeva o tāu moe mau faifaitakiaga kiate kimoutolu.

¹⁸(He oku aeva ae toko lahi, akinautolu kuo liuga lahi eku lea ai kiate kimoutolu, bea oku ou toe lea ai eni mo tagi, koe kau fili akinautolu ki he akau o Kalaisi:

¹⁹Ko ho nau gataaga koe auha, oku nau otua aki ho nau kete, o vikiviki i he mea fakama, o nau moua ki he mea fakamama.)

²⁰He oku i he lagi ho tau kolo; aia oku tau amanaki mei ai foki ae Fakamoui, koe Eiki ko Jisu Kalaisi:

²¹Aia te ne fakafoou ho tau jino kovi ni, o fakatatau ia ki he jino o hono nāunāu, i he malohi koia aia oku ne mafai ai ke fakamoulaloa‘i ae gaahi mea kotoabe kiate ia.