FILIMONE 1:1-25 TON1884 - Bible AI

¹4 Oku fiefia a Baula i he ene fanogo ki he tui moe ofa a Filimone. 9 bea ne kole lahi ki ai ke ne faka-molemolea ene tamaioeiki ko Onesimo, bea ke ne toe ma‘u ia i he ofa. KO AU BAULA, koe bobula a Kalaisi Jisu, mo Timote, koe kaiga, kia Filimone, ko ho tau ofeina, moe kauga gaue,

²Bea kia Afia koe ofeina, mo Akibo, ko ho tau kauga tau, bea ki he jiaji i ho fale:

³Ke iate kimoutolu ae ofa, moe monuia, mei he Otua koe tau Tamai, moe Eiki ko Jisu Kalaisi.

⁴Oku ou fakafetai ki hoku Otua, o hua aki mau ai be akoe i he eku gaahi lotu,

⁵I he eku fanogo ki hoo ofa moe tui oku iate koe, ki he Eiki ko Jisu, bea ki he kaiga maonioni kotoabe;

⁶Koeuhi ke malohi hono hoko atu o hoo tui, i he ilo oe gaahi mea lelei kotoabe oku iate kitautolu ia Kalaisi Jisu.

⁷He oku ai haa mau fiefia moe fiemalie lahi i hoo ofa, koeuhi kuo fakafiemalie iate koe, e kaiga, ae loto oe kaiga maoni ni.

⁸Koia, ne ogo oku iate au ae malohi lahi mei a Kalaisi ke fekau koe ke fai aia oku totonu,

⁹Ka koeuhi koe ofa, oku ou faka-kolekole mu‘a, io, ko au Baula koe motua, bea koe bobula foki eni a Jisu Kalaisi.

¹⁰Oku ou kole kiate koe, koeuhi ko hoku foha ooku ko Onesimosi, aia kuou fakatubu i hoku ha‘i:

¹¹Aia nae taeaoga kiate koe i mu‘a ka oku aoga eni kiate koe, bea mo au:

¹²Aia kuou toe fekau atu: koia ke ke ma‘u ia, aia ko hoku fatu ooku:

¹³He naaku fie taofi ia kiate au, koeuhi ke ne totogi koe i he tauhi kiate au i he gaahi ha‘i oe ogoogolelei;

¹⁴Ka e ikai teu fai ha mea tae te ke loto ki ai: koeuhi ke oua naa hage koe faka-hoholoto hoo tokoni, kae loto lelei be.

¹⁵He koia nai ne alu ai ia i ha feitu-ulaa, koeuhi ke ke ma‘u ia ke taegata;

¹⁶Ka e ikai kei hage ha tamaioeiki, ka ke maoluga i he tamaioeiki, koe tokoua ofeina, o lahi kiate au, kae fefe hono lahi kiate koe, i he jino, bea moe Eiki?

¹⁷Koia kabau oku ke lau au koe kaumea, ke ke ma‘u ia o hage ko au.

¹⁸Kabau kuo fai kovi ia kiate koe, bea totonu ene totogi ha mea kiate koe, lau ia kiate au;

¹⁹Ko au Baula, kuou tohi aki hoku nima, teu totogi ia: ka oku ikai teu tala atu kiate koe hono totonu oka ne ke totogi aki mai akoe foki kiate au.

²⁰Io, kaiga, tuku keu ma‘u ae fiefia iate koe i he Eiki: fakafiemalie ki hoku loto i he Eiki.

²¹I he eku amanaki lelei ki hoo tala-gofua kuou tohi ai kiate koe, bea oku ou ilo te ke fai o lahi hake i he mea oku ou tala.

²²Bea mo eni foki, ke ke teuteu haaku nofoaga: he oku ou amanaki koe mea i hoo mou gaahi lotu e foaki au kiate kimoutolu.

²³Oku ofa atu kiate koe a Ebafasi, ko hoku kauga nofo fale fakabobula ia Kalaisi Jisu;

²⁴Mo Maake, mo Alisitako, mo Te-masi, mo Luke, ko hoku kauga gaue.

²⁵Koe ofa a ho tau Eiki ko Jisu Kalaisi ke i ho laumalie. Emeni.