HEBELU 1:1-14 TON1884 - Bible AI

¹1 Kuo haele mai a Kalaisi mei he Tamai kiate kitautolu i he kuoga ki mui ni, 4 oku mu‘a ia i he kau agelo, i he aga moe gaue. KOE Otua, aia nae folofola i mu‘a i he gaahi kuoga kehekehe moe gaahi aga kehekehe ki he gaahi tamai i he kau balofita,

²Kuo ne folofola i he gaahi aho ki mui ni kiate kitautolu i hono Alo, aia kuo ne tuutuuni ke aana ae gaahi mea kotoabe, aia ne ne gaohi ai foki ae gaahi mama;

³Koe malama ia o hono nāunāu, moe tatau aubito o ene afio, bea oku ne boubou hake ae mea kotoabe aki ene folofola malohi, bea kuo hili ene fai eia ae totogi i he e tau gaahi agahala, bea nofo hifo ia i he nima toomatau oe Fugani Maoluga;

⁴Bea kuo maoluga lahi auhito ia i he kau agelo, koe mea i he ene ma‘u totonu ae huafa lelei lahi iate kinautolu.

⁵He nae behe eia anefe ki ha agelo fe, Ko hoku Alo koe, kuou fakatubu koe i he aho ni? Bea toe behe, Teu hoko au koe Tamai kiate ia, bea e hoko ia koe Alo kiate au?

⁶Bea i he omi eia ae uluaki fakatubu ki mamani, nae toe behe eia, Ke hu kiate ia ae kau agelo kotoabe ae Otua.

⁷Bea ki he kau agelo oku behe eia, Oku ne gaohi ene kau agelo ke hage koe matagi, mo ene kau tauhi ke hage koe ulo afi.

⁸Ka ki he Alo, oku ne behe, E Otua, ko ho nofoaga oku lauikuoga bea taegata: koe tokotoko o ho buleaga koe tokotoko maonioni ia.

⁹Kuo ke ofa ki he maonioni, bea fehia ki he agahala; koia koe Otua, ko ho Otua, kuo ne tākai aki koe ae lolo oe fiefia o lahi hake i ho kaiga.

¹⁰Bea, Ko koe, e Eiki, naa ke ai i he kamataaga ae tuuga o mamani; bea koe gaahi lagi koe gaue ia a ho nima:

¹¹E auha ia; ka e behe ai be akoe; e fakaaau ia kotoabe ke motua o hage koe kofu;

¹²Bea hage koe bulubulu te ke takatakai ia, bea e fakakehe ia: ka e behe ai be akoe, bea e ikai gata a ho gaahi ta‘u.

¹³Ka nae behe eia anefe ki ha agelo fe, Nofo koe i hoku nima toomatau, kae oua keu gaohi ho gaahi fili ko ho tuuga va‘e?

¹⁴Ikai koe kau laumalie tauhi be akinautolu kotoabe, oku fekaua ke tauhi‘i akinautolu e ma‘u ae fakamoui;