1
2He koia nae ma‘u ai e he mātua ae ogoogo lelei
3Koe tui oku tau ilo ai nae fakatubu ae gaahi mama e he folofola ae Otua, koia koe gaahi mea oku ilo ni nae ikai ke fakatubu aki ae gaahi mea nae ha mai.
4Koe tui nae atu ai e Ebeli ki he Otua ae feilaulau lelei hake ia Keini, koia naa ne ma‘u ai ae fakamooni kuo fakatonuhia ia, koe fakamooni e he Otua ki he ene gaahi foaki: bea oku ne kei lea aki ia ka kuo mate ia.
5Koe tui nae hiki ai a Inoke, ke oua naa hoko kiate ia ae mate; bea nae ikai ilo ia, koeuhi kuo hiki ia e he Otua: he nae teeki fai hono hiki, kuo ne ma’u ae fakamooni ki he ene fakafiemalie‘i ae Otua.
6Ka i he taema‘u ae tui oku ikai mafai hono fakafiemalie‘i: he ko ia oku ha‘u ki he Otua, oku totonu ke ne tui oku ai ia, bea oku ne totogi kiate kinautolu oku kumi lahi kiate ia.
7Koe tui a Noa, kuo hili hono valoki‘i e he Otua ki he gaahi mea teeki ha mai, nae manavahe ai ia, bea ne fa‘u ae vaka ke fakamoui ai hono fale; koia naa ne fakaha ai hono kovi oe mama koia, bea ne lava‘i ai ae fakatonuhia aia oku i he tui.
8Koe tui nae talagofua ai a Ebalahame, i hono ui ia ke alu atu ki ha botu te ne ma‘u amui koe nofoaga; bea naa ne fonoga atu, o ikai te ne ilo be ko ene alu kife.
9Koe tui naa ne annofo ai i he fonua oe talaofa, o hage ha fonua taekau ia ki ai, o nau nonofo i he gaahi fale fehikitaki fakataha mo Aisake mo Jekobe, o nau kau fakataha i he talaofa be koia:
10He nae amanaki eia ki ha kolo kuo ai hono gaahi tuuga, aia nae laga mo gaohi e he Otua.
11Koe tui nae ma‘u ai e Sela ae malohi ke tuituia ai ia, bea fanau’i eia ae tama ka kuo lahi ene motua, he naa ne behe, oku mooni ia aia kuo fakailo.
12Koia nae tubu ai mei he toko taha, bea hage ia ko ha mate, ae toko lahi ke tatau moe gaahi fetuu oe lagi, bea hage koe oneone i he matātahi oku taefaalaua.
13Nae mate akinautolu ni kotoabe i he tui, o ikai ke nau lava‘i ae gaahi talaofa, ka naa nau mamata mamao atu, mo ilo bau ki ai, o faufua ia, o nau fakaha koe kau muli moe kau aunofo akinautolu i he mamani.
14He ko kinautolu oku lea behe, oku nau fakaha totonu, oku nau kumi ha fonua.
15Bea koe mooni, ka ne nau tokaga ki he fonua koia naa nau ha‘u mei ai, behe, ne faigofua be e nau toe foki atu.
16Ka ko eni oku nau holi ki he fonua lelei lahi, aia oku i he lagi: koia kuo ikai ma ae Otua i hono ui ia ko ho nau Otua: he kuo ne tenteu ae kolo moo nautolu.
17Koe tui nae feilaulau aki ai e Ebalahame a Aisake, i hono ahiahi‘i io, ko ia ne ne ma‘u ae gaahi talaofa, naa ne feilaulau aki hono foha be taha nae fakatubu,
18Aia nae behe ki ai, Ko Aisake e mei ai ho hako:
19O ne ilo, oku faa fai e he Otua hono fokotuu mei he mate; bea naa ne m‘au ia mei ai foki i he fakatātā.
20Koe tui ne tabuaki ai e Aisake a Jekobe mo Isoa i he gaahi mea e hoko mai.
21Koe tui a Jekobe, i he ene teu ke mate, naa ne hu mo tabuaki ai ae ogo foha o Josefa, i he ene faaki ki hono tokotoko.
22Koe tui a Josela, i he ene teu ke mate, naa ne lea ai ki he alu ae fānau a Isileli; o ne tuku ae fekau koeuhi ko hono gashi hui oona.
23Koe tui nae fufu ai a Mosese e he ene mātua, i he mahina e tolu, koeuhi naa nau ilo koe tamajii fakaofoofa ia; bea nae ikai te na manavahe ki he fekau ae tu‘i.
24Koe tui a Mosese naa ne liaki ai, i he ene lahi, hono ui ia koe tama ae ofefine o Felo;
25O ne fili mu‘a ke ne kataki ae mamahi fakataha moe kakai ae Otua, i he ene ma‘u ae fiefia oe agahala o fuoloa jii;
26O ne lau ae manuki koeuhi ko Kalaisi koe koloa lahi hake ia i he koloa o Ijibite: he nae jio fakamamau ia ki he totogi.
27Koe tui naa ne liaki ai a Ijibite, o ikai manavahe ki he houhau ae tu‘i: he naa ne fakakukafi, o hage oku ne mamata kiate ia oku tae ha mai.
28Koe tui naa ne fai ai ae feitaulau oe Lakaatu, moe luluku oe toto, telia naa ala kiate kinautolu aia naa ne fakaauha ae uluaki fanau.
29Koe tui naa nau alu ai i he Tahi kulokula o bage i he momoa: aia nae ahiahi ke fai e he kakai Ijibite, bea lomaki ai akinautolu
30Koe tui nae holo ai ae gaahi a o Jeliko, i he hili hono takatakai i he aho e fitu.
31Koe tui nae ikai auha ai a Lehabi, koe fefine feauaki, fakataha mo kinautolu nae ikai tui, ko ene tali lelei be ae kau mataki.
32Bea koeha mo eku lea e fai? koeuhi e tuai auhito o kau ka lau kia Kitione, mo Belaki, mo Samisone, mo Jefita; mo Tevita foki, mo Samuela, moe kau balofita:
33Akinautolu nae fakavaivai ae gaahi buleaga i he tui, mo fai maonioni, mo lava‘i ae gaahi talaofa, mo tabuni ae gutu oe faga laione,
34O fuifui ae kakaha oe afi, bea hao i he mata oe heleta, bea fakamalohi‘i i he e nau vaivai, naa nau loto toa i he tau, bea nau tulia ae gaahi matatau oe kakai muli.
35Nae ma‘u e he kau fefine e nau mate kuo fokotuu moui: bea nae fakamamahi ae niihi, o ikai te nau tali ae fakahaofia: kae kehe ke nau lava‘i ae toetuu lelei hake:
36Bea nae to ki he niihi ae ahiahi oe gaahi manuki moe kauimaea, io, oe gaahi ha‘i moe nofo fale fakabobula:
37Nae tologaki aki ae maka akinautolu, nae kiliji o fahi ua akinautolu, nae ahiahi‘i nae tamate‘i aki ae heleta: naa nau alu fano i he kili‘i sibi moe kili‘i koji; kuo majiva, kuo mamahi, kuo gaohi kovi‘i;
38(Akinautolu nae ikai tāu mo mamani ke ma‘u:) naa nau alu fano i he gaahi toafa, moe gaahi mouga, bea i he gaahi ana moe luo oe kelekele.
39Bea koe tui nae ma‘u ai ekinautolu ni kotoabe ae ogoogo lelei, ka nae ikai lava‘i ae talaofa:
40Koe mea i he teuteu e he Otua ae mea lelei hake moo tautolu, ke oua naa fakahaohaoa akinautolu tae kau ai akitautolu.