HEBELU 3:1-19 TON1884 - Bible AI

¹1 Oku lelei bea lahi a Kalaisi kia Mosese, 7 koia kabau e ikai te tau tui kiate ia, e totonu ke lahi hake ho tau taulea i he tautea nae koko ki Isilels loto fefeka. KOIA, e kaiga maonioni, oku kau i he ui mei he lagi, tokaga lahi ki he abosetolo moe fugani taulaeiki oe tau lotu, ko Kalaisi Jisu;

²Aia nae agatonu kiate ia ne fakanofo ia, o hage foki ko Mosese i hono fale kotoabe.

³He nae totonu ke ne ma‘u eia ae ogoogo lelei lahi ia Mosese, o hage oku ma‘u eia oku laga ae fale ae ogoogo lelei lahi i he fale.

⁴He kuo laga kotoabe ae fale e ha taha; ka ko ia kuo ne laga ae gaahi mea kotoabe koe Otua.

⁵Bea nae agatonu mooni a Mosese i hono fale kotoabe, o hage koe tamaioeiki, koe fakamooni oe gaahi mea koia e lea aki;

⁶Ka ko Kalaisi koe Alo ia i hono fale oona; bea ko hono fale akitautolu, o kabau te tau kuku mau ae tui moe fiefia oe amanaki lelei o a‘u ki he ikuaga.

⁷Koia (o hage koe lea ae Laumalie Maonioni, Koe aho ni, o kabau te mou fanogo ki hono le‘o,

⁸Oua naa mou fakafefeka ho mou loto, o hage koia i he fakahouhau i he aho oe ahiahi i he toafa:

⁹Aia nae ahiahi‘i au e hoo mou gaahi tamai, bea nau ahiahi kiate au, o nau mamata ki he eku gaahi gaue i he ta‘u e fagofulu.

¹⁰Koia neu fehia ai ki he toutagata koia, beau behe, Oku nau he mau ai be i ho nau loto: bea oku ikai te nau ilo hoku gaahi hala.

¹¹Koia neu fuakava ai i he eku houhau, E ikai te nau hu ki hoku mālōlōaga.)

¹²Tokaga, e kaiga, telia naa ai i ha mou toko taha ha loto kovi o taetui, he mavahe mei he Otua moui.

¹³Ka ke feakonakiaki akimoutolu i he aho kotoabe, oku lolotoga hono ui, Koe aho ni; telia naa mataila ha mou toko taha i he fakakākā‘i e he agahala.

¹⁴He kuo ma‘u ekitautolu a Kalaisi, o kabau te tau kuku mau ae tau fuofua tui o a‘u ki he ikuaga;

¹⁵Bea lolotoga oku behe, Koe aho ni, o kabau te mou fanogo ki hono le‘o, oua naa fakafefeka ho mou loto, o hage koia i he fakahouhau.

¹⁶He kohai nae fakahouhau i he hili e nau fanogo? ikai ko kinautolu kotoabe nae ha‘u mei Ijibite ia Mosese?

¹⁷Ka kohai ne houhau ai ia i he ta‘u e fagofulu? ikai ko kinautolu nae agahala, bea to ho nau agaaga i he toafa?

¹⁸Bea nae fuakava ia ki ahai e ikai te nau hu ki hono mālōlōaga, ka kiate kinautolu be nae taetui?

¹⁹Koia oku tau ilo, nae ikai faa hu atu akinautolu koe mea i he taetui.