HEBELU 5:1-14 TON1884 - Bible AI

¹1 Koe lahi moe ogo lelei oe gaue fakataulaeiki a ho tau Fakamoui. 11 Oku ne valoki‘i ae taeilo lahi ki ai. KOENI, koe taulaeiki lahi kotoabe kuo fili mei he kakai, kuo fakanofo ia ma ae kakai i he gaahi mea ae Otua, koeuhi ke ne atu ae gaahi mea foaki moe gaahi feilaulau koeuhi koe agahala:

²Aia oku ne faa ofa mamahi ki he vale, bea moe hehē; koeuhi kuo takatakai foki ia e he vaivai.

³Bea koe mea ia oku totonu ke ne fai tatau ai ae feilaulau ma ae kakai, bea maana foki, koeuhi koe agahala.

⁴Bea oku ikai to‘o e ha tagata ae gaue tabu ni kiate ia, ka ko ia kuo ui e he Otua, o hage ko Elone.

⁵Bea behe, nae ikai fakaogoogolelei eia ia e Kalaisi, ke ne hoko ai koe fugani taulaeiki; ka ko ia ne ne behe kiate ia, Ko hoku Alo koe, kuou fakatubu koe he aho ni.

⁶O hage ko ene lea foki e taha, Koe taulaeiki koe o taegata, i he lakaga o Melikiseteke.

⁷Aia i he gaahi aho o hono jino, kuo ne o hake ae hu moe kole tāumau, fakataha moe tagi malohi moe loimata, kiate ia nae faa fai ke fakamoui ia mei he mate, bea nae ogo‘i ia i he mea nae manavahe ai ia;

⁸Ne ogo koe Alo ia, ka nae akonekina ia ke talagofua e he gaahi mea naa ne kataki;

⁹Bea kuo fakahaohaoa ia, bea ne hoko koe tubuaga oe moui taegata kiate kinautolu kotoabe oku talagofua kiate ia;

¹⁰Kuo ui e he Otua koe fugani taulaeiki i he lakaga o Melikiseteke.

¹¹Aia oku i ai ae gaahi mea lahi iate ki mautolu ke lea aki, bea faigataa hono fakamatala, koe mea i hoo mou taeogogofua.

¹²He koe mea i he fuoloa kuo tāu mo kimoutolu ke akonaki, ka oku aoga ke toe akonekina akimoutolu be koeha hono uluaki tefito oe gaahi folofola ae Otua; bea kuo mou toe tatau moia oku aoga ki ai ae hua huhu, kae ikai ha mea kai malohi.

¹³He ko ia kotoabe oku fakahuhu i he hua huhu, oku taeboto ia i he folofola oe maonioni: he kow valevale ia.

¹⁴Ka koe mea kai malohi, oku a nautolu oku matuotua, akinautolu koe mea i he maheni ai, i he faa gaue aki ae gaahi aga o ho nau loto, oku nau ilo ai ae lelei moe kovi.