1
2Aia ne atu ki ai foki e Ebalahame hono hogofulu oe vahe oe mea kotoabe; koe uluaki uhiga o hono higoa koe Tu‘i oe maonioni, bea koe Tu‘i o Salema, aia, koe Tu‘i oe fiemalie;
3Tae haane tamai, tae haane fa‘e, tae hano hohoko, kuo ikai ha kamataaga o hono gaahi aho, be ha gataaga o ene moui; ka kuo tatau moe Alo oe Otua; bea nofo koe taulaeiki o lauikuoga.
4Ko eni, ke tokaga ki hono lahi oe tagata ni, aia nae atu ki ai e he muaki tamai ko Ebalahame hono hogofulu oe vahe oe koloa i he vete.
5Bea koe mooni ko kinautolu i he gaahi foha o Livai, oku ma‘u ae gaue fakataulaeiki, oku iate kinautolu ae fekau o fakatatau ki he fono ke to‘o hono hogofulu oe vahe oe mea mei he kakai, io, mei ho nau kaiga, ne ogo koe tubu foki akinautolu mei he jino o Ebalahame:
6Ka ko ia oku ikai lau hono hohoko meiate kinautolu, ne ma‘u eia hono hogofulu oe vahe oe mea mei a Ebalahame, mo ne tabuaki ia aia nae aana ae gaahi talaofa.
7Bea koe mooni tae ha kikihi ki ai, oku tabuaki‘i e he lahi hake ae jii hifo.
8Bea oku ma‘u i heni e he kau tagata oku hokohoko mate be hono hogofulu oe vahe oe mea; kae i hena eia oku fakamooni ki ai oku moui ai be.
9Bea hage ka behe eku lea, ko Livai foki, aia oku ne ma‘u hono hogofulu oe vahe oe mea, nae atu eia hono hogofulu oe vahe ia Ebalahame:
10He nae kei i he jino o ene tamai ia, i he e na fetaulaki mo Melikiseteke.
11Koia ka ne ai ha haohaoa i he kau taulaeiki oe faahiga o Livai, (he na‘e ma‘u ai e he kakai ae fono,) koeha hono aoga oe fokotuu moe taulaeiki e taha i he lakaga o Melikiseteke, kae ikai ui i he lakaga o Elone?
12He koe mea i he fetogi ae kau taulaeiki, oku totonu ai foki ke fetogi moe fono.
13He ko ia oku lea aki ki ai ae gaahi mea ni, oku i he faahiga e taha, bea nae ikai ha taha mei ai e gaue i he ejifeilaulau.
14He kuo ha mooni nae tubu a ho tau Eiki mei a Juta; ae faahiga koia nae ikai aubito ke lea ki ai a Mosese ki he gaue fakataulaeiki.
15Kae mu‘a hake eni foki: koeuhi kuo fokotuu ae taulaeiki e taha o fakatatau mo Melikiseteke,
16Aia oku fakanofo, kae ikai hage koe tuutuuni oe fekau fakakakano, kae fakatatau ki he malohi oe mo i taegata.
17He oku ne fakabatonu mai, Koe taulaeiki koe o lauikuoga i he lakaga o Melikiseteke.
18He oku ai mooni hono fakagata oe fekau nae muomua, koeuhi ko hono vaivai mo hono taeaoga.
19He nae ikai fakahaohaoa e he fono ha mea e taha, ka koe fakahoko be oe amanaki lelei; aia oku tau unuunu atu ai ki he Otua.
20Bea koeuhi nae ikai behe ia ka i he fuakava:
21(He nae gaohi akinautolu koe kau taulaeiki tae ha fuakava; ka ko ia i he fuakava iate ia naa ne behe ki ai, Kuo fuakava e he Eiki, bea e ikai te ne liliu, Koe taulaeiki koe o lauikuoga i he lakaga o Melikiseteke:)
22Kuo behe hono lelei lahi hake oe fakababau oe hoko a Jisu koe fakalaloa.
23Bea koe mooni, naa nau toko lahi ae kau taulaeiki, he nae ikai ke tuku fuoloa akinautolu koe mea i he mate:
24Ka koe tagata ni, koe mea i he ene tologa o taegata, kuo ma‘u eia ae gaue faktaulaeiki oku taeliliu.
25Koia foki oku ne faa fai ai ke fakamoui haohaoa akinautolu oku ha‘u ki he Otua iate ia, koe mea i he ene moui mau ai be ke hufaki‘i akinautolu.
26He nae tāu mo kitautolu ae fugani taulaeiki behe, oku maonioni, tae haane kovi, bea taeuli, bea mavahe mei he kau agahala, bea fakamaoluga hake i he gaahi lagi;
27Aia nae ikai ke ne hage koe kau taulaeiki lahi koia, ke ne tomua feilaulau i he aho kotoabe koeuhi ko ene agahala aana, bea toki fai koeuhi koe kakai: he nae fai ia eia o tuo taha be, i he ene o hake eia ia.
28He oku gaohi e he fono ke taulaeiki lahi ae kau tagata oku vaivai; ka oku fakanofo ae Alo, aia kuo fakahaohaoa o taegata e he lea oe fuakava nae ki mui i he fono.