II KOE GAAHI TU‘I 16:1-20 TON1884 - Bible AI

¹1 Koe bule kovi a Ahasi. 6 Oku kau taha a Ahasi mo Tekilati‐bilesa i he tali tau kia Lisini mo Beka. 10 Koe talanoa ki ke fakatātā oe feilaulauaga balasa aia nae ave mei Tamasikusi kia Ulija, moe ma‘u e Ahasi ae feilaulauaga balasa ke fai ai ene lotu aana. 17 Oku he maumau‘i ae fale lotu. 19 Oku hoko moia a Hesekaia. I HONO hogofulu ma fitu oe ta‘u o Beka koe foha o Limalia nae kamata bule a Ahasi koe foha o Jotami koe tu‘i o Juta.

²Nae uofulu ta‘u ae motua a Ahasi i he ene kamata bule, bea naa ne bule i he ta‘u e hogofulu ma ono i Jelusalema, bea nae ikai te ne fai totonu i he ao o Jihova ko hono Otua, ke hage ko Tevita ko ene tamai.

³Ka naa ne eveeva i he hala oe gaahi tu‘i o Isileli, io, naa ne bule‘i ke alu atu a hono foha i he lotolotoga oe afi, o fakatatau moe gaahi gaue fakalielia ae kakai hiteni, akinautolu nae kabuji atu e Jihova mei he ao oe fānau a Isileli.

⁴Bea naa ne fai feilaulau mo tutu ae mea namu kakala i he gaahi botu maoluga, bea i he gaahi tafugofuga, bea i he lolo akau mata kotoabe.

⁵Bea nae toki hoko hake ki Jelusalema a Lisini koe tu‘i o Silia mo Beka koe foha o Limalia koe tu‘i o Isileli, ke na tau‘i ia: bea naa na kabui a Ahasi aki ae tau, ka nae ikai te na mafai a hono fakavaivai‘i.

⁶Bea i he kuoga koia nae toe ma‘u e Lisini koe tu‘i o Silia, a Elati ke toka ki Silia, bea naa ne kabuji ae kakai Jiu mei Elati: bea nae hoko mai ae kakai Silia ki Elati, o nau nofo ai o a‘u mai ki he aho ni.

⁷Koia nae fekau atu ai ae kau talafekau mei a Ahasi kia Tekilati‐bilesa koe tu‘i o Asilia, o behe, Ko hoo tamaioeiki bea ko ho foha au; ka ke mea mai, mo fakamoui au mei he nima oe tu‘i o Silia, bea mei he nima oe tu‘i o Isileli, aia kuo tuu hake ke tau‘i au.

⁸Bea nae too mai e Ahasi ae siliva moe koula aia nae ilo i he fale o Jihova, bea i he gaahi tukuga koloa i he fale oe tu‘i, mo ne ave ia koe mea ofa ki he tu‘i o Asilia.

⁹Bea nae tui kiate ia e he tu‘i o Asilia: he nae alu hake ae tu‘i o Asilia ke tau‘i a Tamasikusi, bea naa ne lava‘i ia, mo ne ave bobula ae kakai mei ai ki Kili, bea naa ne tamate‘i a Lisini.

¹⁰Bea nae alu ae tu‘i ko Ahasi ki Tamasikusi ke feiloaki mo Tekilati‐bilesa koe tu‘i o Asilia, bea naa ne mamata ki ha feilaulauaga aia nae i Tamasikusi: bea nae fekau atu e he tu‘i ko Ahasi kia Ulija koe taulaeiki a hono fakatātā oe feilaulauaga, bea mo hono fuofua oia, o fakatatau mo hono teuga kotoabe.

¹¹Bea nae laga e Ulija koe taulaeiki ha feilaulauaga nae tatau aubito moia nae fakaha mai e Ahasi mei Tamasikusi: koia nae gaohi ia e Ulija koe taulaeiki ke ne tali aki ae toe liliu mai ae tu‘i ko Ahasi mei Tamasikusi.

¹²Bea i he ene liliu mai ae tu‘i mei Tamasikusi, nae mamata e he tu‘i ki he feilaulauaga: bea nae unuunu mai ae tu‘i ki he feilaulauaga bea naa ne fai feilaulau i ai.

¹³Bea naa ne tutu a ene feilaulau tutu mo ene feilaulau meakai, mo ne liligi a ene feilaulau inu, bea naa ne luluku ae toto o ene gaahi feilaulau fakamelino, ki he feilaulauaga.

¹⁴Bea naa ne omi foki ae feilaulauaga balasa, aia nae tuu i he ao o Jihova, mei he mata fale, mei he vahaa oe feilaulauaga bea moe fale o Jihova, bea naa ne fokotuu ia ki he botu fakatokelau oe feilaulauaga.

¹⁵Bea nae fekau e he tu‘i ko Ahasi kia Ulija koe taulaeiki, o behe, Te ke tutu ki he feilaulauaga lahi ae feilaulau tutu oe bogibogi, moe feilaulau meakai oe efiafi, moe feilaulau tutu ae tu‘i, bea mo ene feilaulau meakai, fakataha moe feilaulau tutu ae kakai kotoabe oe fonua, moe nau feilaulau meakai, moe nau gaahi feilaulau inu; bea luluku ki ai ae toto kotoabe oe feilaulau tutu, moe toto oe mea feilaulau kotoabe: ka e tuku ae feilaulauaga balasa keu lotu ai au.

¹⁶Nae fai behe e Ulija koe taulaeiki, o hage koia kotoabe nae fekau e he tu‘i ko Ahasi.

¹⁷Bea nae tuuji e he tu‘i ko Ahasi ae taba oe gaahi tuuga, mo ne hiki mei ai ae aiaga vai; bea naa ne hiki ki lalo ae fuu aiaga vai mei he fuga oe gaahi bulu balasa aia nae tuu ki lalo i ai, bea naa ne ai ia ki he botu nae faliki aki ae gaahi maka.

¹⁸Bea koe fale fakamalumalu ma ae aho tabu aia naa nau laga i he fale, bea moe hala oe tu‘i mei tua, naa ne hiki atu mei he fale o Jihova koeuhi koe tu‘i o Asilia.

¹⁹Bea koeni, ko hono toe oe gaahi gaue a Ahasi aia naa ne fai, ikai kuo tohi ia i he tohi fakamatala ki he gaahi tu‘i o Juta?

²⁰Bea nae mohe a Ahasi mo ene gaahi tamai, bea nae tanu ia fakataha mo ene gaahi tamai i he kolo o Tevita: bea nae fetogi ia i he bule e Hesekaia ko hono foha.