II KOE GAAHI TU‘I 7:1-20 TON1884 - Bible AI

¹1 Oku fakaha e Ilaisa e ai ha mahu lahi i Samelia. 3 Koe alu atu ae kau kilia e toko fa ki he kau tau o Silia moe nau ilo ai kuo nau hola. 12 Koe toki veteki ae nofoaga oe kau tau o Silia. 17 Koe eiki e toko taha nae ikai tui ki he kihite, oku malamalaki ia i he huaga mataba naa ne leohi, o ne mate ai. 0BEA nae toki behe e Ilaisa Mou fanogo ki he folofola a Jihova; oku behe e Jihova, Feouga nai moe feituulaa ni abogibogi e fakatau ae fuaaga mahoaa lelei e taha ki he sikeli e taha, moe fuaaga e ua oe baale ki he sikeli e taha, i he matani kolo o Samelia.

²Bea koe eiki koia nae faaki ai ae tu‘i ki hono nima nae tali o beheage ki he tagata oe Otua, Vakai, ka ne gaohi e Jihova ha gaahi katuba i he lagi, e faa fai koa ae mea ni? Bea nae behe eia, Vakai te ke mamata ki ai aki ho mata oou, ka e ikai te ke kai mei ai.

³Bea nae nofo ae kau tagata kilia e toko fa i he huaga mataba oe kolo bea naa nau febeheaki, Koeha oku tau nofo ai be i heni ke tau mate ai?

⁴Kabau te tau behe, Ke tau hu atu ki loto kolo, oku i he kolo ae hoge, bea te tau mate ai; bea kabau te tau nofo ai be i heni, te tau mate foki. Koia ke tau o mo hokoage ki he kau tau mei Silia: kabau te nau fakamoui akitautolu, behe te tau moui; bea kabau te nau tamate‘i akitautolu, te tau mate be.

⁵Koia naa nau tuu hake i he kei fakaboubouli ke alu ki he abitaga oe kakai Silia; bea i he e nau hokoage ki he gataaga aubito oe abitaga oe kakai Silia, vakai nae ikai ha toko taha i ai.

⁶He nae mea e Jihova ke fanogo e he kakai Silia ki he batū oe gaahi jaliote, moe logoaa oe gaahi faga hose, io ki he batū mai oe fuu kau tau toko lahi: bea naa nau febeheaki, Vakai kuo biutau e he tu‘i o Isileli mei he gaahi tu‘i oe kakai Heti, moe gaahi tu‘i o Ijibite ke ha‘u o tau‘i akitautolu.

⁷Bea koia naa nau tutuu hake ai o hola i he ene kei fakaboubouli, mo nau jiaki ho nau gaahi fale fehikitaki, moe nau faga hose, moe nau faga asi, io ae abitaga kotoa moia nae i ai, ka nau hola ke nau moui.

⁸Bea i he hoko atu ae kau kilia ni ki he gataaga aubito oe abitaga, naa nau hu atu ki he fale fehikitaki e taha, o nau kai mo inu, mo nau ave mei ai ae siliva, moe koula, moe gaahi kofu, mo nau alu o fufu ia; mo nau toe ha‘u o hu ki he fale fehikitaki e taha, o fetuku foki mei ai, mo nau alu o fufu ia.

⁹Hili ia naa nau febeheaki, Oku ikai lelei ae mea oku tau fai: koe aho eni koe aho oe ogoogolelei, ka oku tau fakalogo be: kabau te tau tatali kae oua ke aho, e hoko ha kovi kiate kitautolu: koia mou omi, koeuhi ke tau alu o fakaha eni ki he kaugafale oe tu‘i.

¹⁰Koia naa nau ha‘u mo nau ui ki he tagata leo oe kolo: bea naa nau tala kiate kinautolu o behe, Naa mau hokoage ki he abitaga oe kakai Silia, bea vakai, nae ikai ha toko taha i ai, bea nae ikai ogo ai ae le‘o o ha tagata, ka nae nootaki ae faga hose, moe faga asi nae nootaki, moe gaahi fale fehikitaki o hage be koe nau tuu.

¹¹Bea naa ne ui eia ki he kau leo; bea naa nau fakaha ia ki he kaugafale oe tu‘i i loto fale.

¹²Bea nae tuu hake ae tu‘i i he kei bouli, o ne behe ki he ene kau tamaioeiki, Teu fakaha eni kiate kimoutolu ae mea kuo fai e he kakai Silia kiate kitautolu. Oku nau ilo e tau fiekaia; koia kuo nau alu atu mei he abitaga ke malumu i he vao, o behe, Oka nau ka hu mai mei he kolo, te tau buke moui akinautolu, mo hu atu ai ki he kolo.

¹³Bea nae beheage e ha toko taha o ene kau tamaioeiki, Oku ou kole ke ke tuku ke too e ha niihi ae faga hose e nima oku toe, aia oku kei toe i he kolo, (vakai, oku nau tatau be moe toko lahi o Isileli aia oku kei toe i ai: vakai, oku nau hage be koe toko lahi o Isileli aia kuo fakaauaujino:) bea ke tau fekau atu o mamata.

¹⁴Koia naa nau too ai ae ogo hose toho jaliote e ua; bea nae fekau atu e he tu‘i ki he kau tau o Silia, o ne behe, Alu o vakai.

¹⁵Bea naa nau muimui kiate kinautolu o a‘u atu ki Joatani: bea vakai, nae felefele‘i i he hala ae gaahi kofu moe gaahi ibu, aia nae liaki e he kakai Silia i he e nau hola fakavavevave. Bea nae liliu mai ae kau talafekau, mo nau fakaha ia ki he tu‘i.

¹⁶Bea nae alu atu ae kakai, mo nau veteki ae gaahi fale fehikitaki oe kakai Silia. Bea behe, nae fakatau ae fuaaga e taha oe mahoaa lelei aki ae sikeli e taha, moe fuaaga baale e ua aki ae sikeli e taha, o hage koe folofola a Jihova.

¹⁷Bea nae fekau e he tu‘i ki he eiki aia naa ne faaki ki hono nima ke aana ae leohi oe mataba: bea nae malamalaki ia e he kakai i he mataba, bea naa ne mate, o hage koia nae fakaha e he tagata oe Otua, aia nae lea kiate ia i he ene alu hifo ae tu‘i ki ai.

¹⁸Bea nae hoko ia o hage koia nae lea aki e he tagata oe Otua ki he tu‘i, o behe, Koe fuaaga e ua oe baale ki he sikeli e taha, moe fuaaga e taha oe mahoaa lelei ki he sikeli e taha, e fakatau abogibogi o feouga nai moe feituulaa ni i he mataba o Samelia:

¹⁹Bea nae beheage e he eiki koia ki he tagata oe Otua, Vakai mai, kabau e gaohi e Jihova ha gaahi katuba i he lagi, e mafai ai ha mea behe? Bea naa ne behe eia, Vakai, te ke jio ki ai aki ho mata, ka e ikai te ke kai mei ai.

²⁰Bea nae behe be ae mea nae hoko kiate ia: he nae malamalaki ia e he kakai i he mataba, bea naa ne mate.