II KOE GAAHI TU‘I 8:1-29 TON1884 - Bible AI

¹1 Koe alu ae fefine Sunemi mei hono fonua i ke ta‘u e fitu koeuhi koe hoge, ka koeuhi koe fai mea mana e Ilaisa oku toe tuku a hono fonua kiate ia. 7 Koe laba oku fai e Hasaeli mo ene hoko ai ki he bule. 16 Koe bule kovi a Jiholami i Juta. 20 Koe agatuu a Itomi bea mo Libina. 23 Oku hoko a Ahasia kia Jiholami i he bule. 25 Ko ene bule kovi aubito. 28 Oku lavea a Jiholami bea oku aahi kiate a Ahasia i Jesilili. BEA nae toki lea a Ilaisa ki he fefine, aia naa ne fokotuu moui ki ai a ene tama, o ne behe, Tuu hake, bea alu akoe mo ho kau nofoaga, bea āunofo i ha botu be te ke faa āunofo ki ai: he kuo bau be mei a Jihova ke ai ha hoge; bea e hoko foki ia ki he fonua i he ta‘u e fitu.

²Bea nae tuu hake ae fefine, o ne fai o hage koia nae lea ki ai ae tagata oe Otua: bea naa ne alu fakataha mo hono kaugaabi, mo ne nofo i he fonua oe kakai Filisitia i he ta‘u e fitu.

³Bea i he ene hiliage ae ta‘u e fitu, nae toe liliu mai ae fefine mei he fonua oe kakai Filisitia: bea naa ne alu atu ke tagi ki he tu‘i ke toe ma‘u a hono fale bea mo hono fonua.

⁴Bea nae alea ae tu‘i mo Kehesi aia nae tamaioeiki ki he tagata ae Otua, o behe, Oku ou kole ke ke fakaha mai ae gaahi mea lahi kotoabe aia kuo fai e Ilaisa.

⁵Bea iloage, lolotoga a ene fakaha ki he tu‘i, a ene toe fakamoui ae jino mate, vakai, nae tagi mai ki he tu‘i ae fefine aia nae fakamoui ki ai a ene tama, ke ne toe ma‘u mai a hono fale bea mo hono fonua. Bea nae behe e Kehesi, E hoku eiki koe tu‘i, koe fefine eni, bea ko ene tama eni, aia nae fakamoui e Ilaisa.

⁶Bea i he ene eke atu e he tu‘i ki he fefine, naa ne fakamatala ia kiate ia. Koia nae fekau ai e he tu‘i ki ha matābule e toko taha, o behe, Toe atu kiate ia ae mea kotoabe nae aana, bea moe tubu kotoabe o ene goue talu mei he aho naa ne alu ai mei he fonua, o a‘u mai ki he aho ni.

⁷Bea nae hoko mai a Ilaisa ki Tamasikusi; bea nae mahakiia a Benihatati koe tu‘i o Silia; bea nae tala kiate ia, o behe. Kuo ha‘u ki heni ae tagata oe Otua.

⁸Bea nae behe e he tu‘i kia Hasaeli, Too ha mea ofa i ho nima, bea ke alu o fakafetaulaki moe ta ata oe Otua, bea ke fehui kia Jihova te ia, o behe, Be teu toe moui hake mei he mahaki ni?

⁹Koia nae alu ai a Hasaeli ke fetaulaki moia, o ne ave ae mea ofa i hono nima, io mei he mea lelei kotoabe i Tamasikusi, koe gaahi kavega nae fua e he faga kameli e fagofulu, bea naa ne ha‘u o tuu i hono ao, mo ne behe, Kuo fekau‘i au e ho foha ko Benihatati koe tu‘i o Silia, ke behe, Teu toe moui hake mei he mahaki ni be ikai?

¹⁰Bea nae behe e Ilaisa kiate ia, Alu, o tala kiate ia, Oku ke faa moui hake mooni: ka kuo fakaha mai e Jihova koe mooni be te ne mate.

¹¹Bea nae jio fakamamau ia, bea naa ne ma ai: bea nae tagi ae tagata oe Otua.

¹²Bea nae behe e Hasaeli, Koeha oku tagi ai a hoku eiki? Bea nae beheage eia, Koeuhi oku ou ilo ae kovi kotoabe aia te ke fai ki he fānau a Isileli: te ke tutu a ho nau gaahi kolo tau, bea te ke tamate‘i ae nau kau talavou aki ae heleta, bea te ke laiki ae nau tamaiki, mo fahi‘i ae kau fefine oku feitama.

¹³Bea nae behe e Hasaeli, Ka koeha, koe kuli a hoo tamaioeiki ko au, keu fai ha mea behe fau? Bea nae beheage e Ilaisa, Kuo fakailo mai e Jihova ke ke tu‘i koe ki Silia.

¹⁴Koia naa ne alu ai mei a Ilaisa, mo ne ha‘u ki he ene eiki; aia nae behe kiate ia, Koeha ae lea a Ilaisa kiate koe? Bea naa ne beheage, Naa ne fakaha mai te ke moui hake mooni.

¹⁵Bea nae hoko o behe i he aho nae feholoi, nae too e Hasaeli ha koga holo matolu, mo ne unu ia i he vai, bea naa ne folahi ia ki hono mata, ke ne mate ai: bea nae fetogi ai ia i he bule e Hasaeli.

¹⁶Bea i hono nima oe ta‘u o Jolami koe foha o Ehabi koe tu‘i o Isileli, ka nae tu‘i a Jihosafate i he kuoga koia i Juta, nae kamata bule a Jiholami koe foha o Jihosafate koe tu‘i o Juta.

¹⁷Nae tolugofulu ma ua a ene ta‘u i he ene kamata bule; bea naa ne bule i he ta‘u e valu i Jelusalema.

¹⁸Bea naa ne alu i he hala oe gaahi tu‘i o Isileli, o hage koia nae fai e he fale o Ehabi: he naa ne unoho moe ofefine o Ehabi: bea naa ne fai ae kovi i he ao o Jihova.

¹⁹Ka nae ikai fie fakaauha a Juta e Jihova, koeuhi be ko Tevita ko ene tamaioeiki, aia naa ne talaofa ki ai ke foaki mau ai be kiate ia ha māma, bea ki hono hako.

²⁰I hono kuoga oona nae agatuu a Itomi ki he bule a Juta, bea naa nau fakanofo ha tu‘i ma anautolu be.

²¹Koia nae alu atu ai a Jolami ki Saili, bea nae alu moia ae gaahi jaliote kotoabe: bea naa ne tuu hake i he bouli, mo ne teia ae kakai Itomi nae nofo takatakai iate ia, bea moe gaahi eiki oe gaahi jaliote: bea nae feholaki ae kakai ki ho nau gaahi fale fehikitaki.

²²Ka kuo agatuu a Itomi ki he bule a Juta o a‘u mai ki he aho ni. Bea nae agatuu a Libina i he kuoga be koia.

²³Bea ko hono toe oe gaahi gaue a Jolami, moia kotoabe naa ne fai, ikai kuo tohi ia i he tohi fakamatala ki he gaahi tu‘i o Juta?

²⁴Bea nae mohe a Jolami ki he ene gaahi tamai, bea nae fai hono butu ki he botu a ene gaahi tamai i he kolo o Tevita: bea nae fetogi ia i he bule e hono foha ko Ahasia.

²⁵Bea i hono hogofulu ma ua oe ta‘u o Jolami koe foha o Ehabi koe tu‘i o Isileli nae kamata bule a Ahasia koe foha o Jiholami koe tu‘i o Juta.

²⁶Nae uofulu ma ua ae ta‘u oe motua a Ahasia i he ene kamata bule; bea naa ne bule i Jelusalema i he ta‘u e taha. Bea koe higoa o ene fa‘e ko Atalia, koe ofefine o Omili koe tu‘i o Isileli.

²⁷Bea naa ne eveeva i he hala oe fale o Ehabi, mo ne fai ae kovi i he ao o Jihova, o hage koia nae fai e he fale o Ehabi: he koe foha ia i he fono ki he fale o Ehabi.

²⁸Bea naa ne alu mo Jolami koe foha o Ehabi ki he tau nae fai kia Hasaeli koe tu‘i o Silia i Lemoti‐kiliati; bea nae lavea a Jolami i he kakai Silia.

²⁹Bea nae toe alu a Jolami ki Jesilili ke fakamoui a hono gaahi lavea aia nae lavea ai ia i he kakai Silia i Lama, i he ene tau‘i a Hasaeli koe tu‘i o Silia. Bea nae alu hifo a Ahasia koe foha o Jiholami koe tu‘i o Juta ke mamata kia Jolami koe foha o Ehabi i Jesilili, koe mea i hono lavea.