II KOE TOHI FAKAMATALA MEA HOKOHOKO 10:1-19 TON1884 - Bible AI

¹1 Koe fakataha ae kakai Isileli ki Sikemi ke fakanofo a Lehoboami ke tu‘i, moe nau kole kiate ia. 6 Koe liaki e Lehoboami ae fakakaukau lelei ae kau mātua mo ene tali malohi ae kakai. 16 Koe kau taha ae faahiga e hogofulu o nau tamate‘i a Atolami, bea moe hola ai a Lehoboami. BEA nae alu a Lehoboami ki Sikemi: he ne kuo alu a Isileli kotoabe ki Sikemi ke fakanofo ia koe tu‘i.

²Bea nae hoko o behe, i he ogo‘i ia e Jeloboami koe foha o Nibati, i Ijibite (he nae hola ia ki ai mei he ao o Solomone koe tu‘i,) bea nae toe ha‘u a Jeloboami mei Ijibite.

³Bea naa nau fekau o ui ia. Koia nae ha‘u ai a Jeloboami mo Isileli kotoabe o nau lea kia Lehoboami, o behe,

⁴Nae fakamamahi e mau kavega e hoo tamai: bea koeni ke ke fakamaamaa ae gaahi gaue mamahi a hoo tamai, mo ene haamoga mamafa aia naa ne ai kiate kimautolu, bea te mau tauhi koe.

⁵Bea nae behe eia kiate kinautolu, Mou toe ha‘u kiate au oka hili ae aho e tolu. Bea nae alu ai ae kakai.

⁶Bea nae fakakaukau ae tu‘i ko Lehoboami moe kau mātua nae tuu i he ao o Solomone ko ene tamai i he ene kei moui, o behe, Koeha hoo mou fakakaukau ki ha lea ke tali aki ae kakai ni?

⁷Bea naa nau lea kiate ia, o behe, Kabau te ke agaofa ki he kakai ni, bea ke fakafiemalie akinautolu, mo ke lea aki ae gaahi lea lelei kiate kinautolu, bea te nau hoko ko hoo kau tamaioeki o taegata.

⁸Ka nae liaki eia ae fakakaukau nae tuku kiate ia e he kau mātua, bea fakakaukau ia moe kau talavou nae toutagata mo kaumea mo ia, bea nau tuu i hono ao.

⁹Bea behe eia kiate kinautolu, Koeha ho mou loto omoutolu ki he tali e fai ki he kakai ni, aia kuo nau lea mai kiate au, o behe, Ke ke fakamaamaa jii ae haamoga aia nae ai e hoo tamai kiate kimautolu?

¹⁰Bea nae lea kiate ia ae kau talavou aia nae tubu hake mo kaumea mo ia, o behe, Ke ke tali behe ae kakai nae lea kiate koe, o behe, Nae fakamamafa e mau kavega e hoo tamai, ka ke fakamaamaa jii ia ekoe maa mautolu; te ke tala o behe kiate kinautolu, E lahi hoku louhi‘i nima jii i he kogaloto o eku tamai.

¹¹He koeuhi nae ai e he eku tamai ae haamoga mamafa kiate kimoutolu, teu fakalahi ki hoo mou haamoga: nae kiniji akimoutolu e he eku tamai aki ae mea kiniji, ka teu kiniji akimoutolu aki ae gaahi sikobio.

¹²Koia nae ha‘u a Jeloboami moe kakai kotoabe kia Lehoboami i hono aho tolu, o hage koe fekau ae tu‘i, o behe, Toe ha‘u kiate au i hono tolu oe aho.

¹³Bea nae lea malohi ae tu‘i kiate kinautolu; bea nae liaki e he tu‘i ko Lehoboami ae fakakaukau ae kau mātua,

¹⁴Bea ne talia akinautolu o fakatatau ki ke fakakaukau oe kau talavou, o behe, Nae fakamamafa hoo mou haamoga e he eku tamai, ka teu fakalahi ki ai: nae kiniji akimoutolu e he eku tamai aki ae gaahi mea kiniji, ka teu kiniji akimoutolu aki ae gaahi sikobio.

¹⁵Koia nae ikai tokaga ae tu‘i ki he kakai: he nae mei he Otua ae mea ni, koeuhi ke fakamooni e Jihova ene folofola, aia naa ne folofola aki ia Ahija koe tagata Sailo, kia Jeloboami koe foha o Nibati.

¹⁶Bea i he mamata a Isileli kotoabe oku ikai tokaga ae tu‘i kiate kinautolu, nae lea ae kakai ki he tu‘i, o behe, Koeha ha mau inaji ia Tevita? bea oku ikai ha mau tofia i he foha o Jese: E Isileli, ke taki taha alu ae tagata ki hono fale fehikitaki: bea koeni, e Tevita vakai ki ho fale oou. Koia nae alu ai a Isileli kotoabe ki ho nau gaahi fale fehikitaki.

¹⁷Ka koeuhi koe fānau a Isileli nae nofo i he gaahi kolo o Juta, nae bule a Lehoboami kiate kinautolu.

¹⁸Bea nae fekau e he tu‘i ko Lehoboami a Atolami aia nae bule ki he tukuhau; bea nae tologaki aki ia ae maka e he fānau a Isileli, bea bekia ai ia. Ka nae fakatootoo e Lehoboami ke heka ki he ene jaliote, ke hola ki Jelusalema.

¹⁹Bea kuo agatuu a Isileli ki he fale o Tevita o a‘u mai ki he aho ni.