II KOE TOHI FAKAMATALA MEA HOKOHOKO 15:1-19 TON1884 - Bible AI

¹1 Koe mea i he hoko loto ae akonaki a Asalia koe foha o Oteti oku fai ae fuakava moe Otua e Asa moe toko lahi o Isileli. 16 Oku ne liua a ene fa‘e ko Meaka i he ene lotu he. 18 Oku ne omi ae gaahi mea nae fakatabu‘i ki he fale oe Otua, bea oku ma‘u fiemalie eia ae melino fuoloa. BEA nae hoko mai ae Laumalie oe Otua kia Asalia koe foha o Oteti:

²Bea nae alu kitua ia ke fakafetaulaki kia Asa o ne behe kiate ia, E Asa, mo Juta kotoabe, mo Benijimani, mou fanogo kiate au. Oku iate kimoutolu a Jihova, lolotoga oku mou iate ia; bea kabau oku mou kumi kiate ia, te ne tuku ke mou ilo ia; bea kabau oku mou liaki ia, te ne liaki akimoutolu.

³Bea koeni, kuo nofo fuoloa a Isileli o majiva Otua mooni, bea majiva taulaeiki ke akonaki, bea majiva fono.

⁴Ka i he nau tafoki i he e nau mamahi kia Jihova koe Otua o Isileli, o nau kumi ia, nae ilo ia ekinautolu.

⁵Bea i he gaahi kuoga koia nae ikai ha fiemalie kiate ia nae alu kituaa, be kiate ia nae ha‘u ki loto, ka nae i he kakai kotoabe oe gaahi fonua ae gaahi mamahi lahi.

⁶Bea nae fakaauha ae buleaga e taha e he buleaga e taha, moe kolo ae kolo: he nae fakamamahi akinautolu e he Otua i he gaahi mea mamahi kotoabe.

⁷Koia ke mou malohi, bea oua naa tuku ke vaivai ho mou nima: he ko hoo mou gaue e totogi ia.

⁸Bea i he fanogo e Asa ki he gaahi lea ni, moe akonaki a Oteti koe balofita, naa ne fiemalie ai, bea tukuage leva eia ae gaahi otua loi moe kovi lahi, mei he fonua kotoabe o Juta mo Benijimani, bea mei he gaahi kolo naa ne toki ma‘u, bea mei he mouga ko Ifalemi, bea ne fakafoou ae feilaulauaga o Jihova, aia nae i he mata oe fale hala o Jihova.

⁹Bea ne fakataha a Juta kotoabe mo Benijimani, fakataha moe kau muli mei a Ifalemi mo Manase, bea mei a Simione: he nae ha‘u ae toko lahi kiate ia mei Isileli, i he e nau mamata oku iate ia a Jihova ko hono Otua.

¹⁰Koia naa nau fakakatoa ai akinautolu i Jelusalema, i hono tolu oe mahina, i hono hogofulu ma nima oe ta‘u oe bule a Asa.

¹¹Bea naa nau atu kia Jihova i he kuoga koia, i he vete naa nau fetuku, koe faga bulu e fitugeau moe faga sibi e fitu afe.

¹²Bea naa nau alea fakataha o fai ae fuakava ke nau kumi kia Jihova koe Otua oe nau gaahi tamai aki ho nau loto kotoa mo ho nau laumalie kotoa:

¹³O behe, ke iloga ia e ikai loto ke kumi kia Jihova koe Otua o Isileli ke tamate‘i ia, ko ha jii ia be koe lahi, koe tagata ia be koe fefine.

¹⁴Bea naa nau fuakava kia Jihova i he le‘o lahi, bea i he mavava, moe gaahi mealea, bea moe gaahi mea ifi.

¹⁵Bea nae fiefia a Juta kotoabe i he fuakava: he naa nau fuakava aki ho nau loto kotoa, mo nau kumi kiate ia i he e nau holi kotoa: bea nae ha mai ia kiate kinautolu: bea nae foaki e Jihova kiate kinautolu ae fiemalie mei he botu kotoabe.

¹⁶Bea koe mea kia Meaka koe fa‘e a Asa koe tu‘i, naa ne liua ia ke oua naa bule ia, koe mea i he ene gaohi ae otua loi i he vao tabu: bea nae ta hifo e Asa hono otua loi, bea nae laiki ia, bea tutu ia i he vee vaitafe ko Kitiloni.

¹⁷Ka nae ikai hiki ae gaahi botu maoluga mei Isileli: ka koe mooni nae agatotonu ae loto o Asa i hono gaahi aho kotoabe.

¹⁸Bea nae fetuku eia ki he fale oe Otua ae gaahi mea nae fakatabu‘i e he ene tamai, moe mea naa ne fakatabu‘i eia, ae siliva, moe koula, moe gaahi ibu.

¹⁹Bea nae ikai ha tau o a‘u ki he ta‘u e tolugofulu ma nima oe bule o Asa.