II KOE TOHI FAKAMATALA MEA HOKOHOKO 19:1-11 TON1884 - Bible AI

¹1 Oku valoki a Jihosafate e Jehu, bea oku aahi ia ki hono buleaga. 5 Oku ne akonaki ki he kau fakamāu. 8 Bea ki he kau taulaeiki moe kau Livai. BEA nae liliu atu a Jihosafate koe tu‘i o Juta, i he fiemalie ki hono fale ki Jelusalema.

²Bea nae alu kituaa a Jehu koe foha o Hanani koe tagata kikite ke fakafetaulaki kiate ia, o ne behe ki he tu‘i ko Jihosafate, He oku totonu kiate koe ke tokoni ki he taeaga fakaotua? bea ke ofa kiate kinautolu oku fehia kia Jihova? koia kuo hoko ai ha houhau mei a Jihova kiate koe.

³Ka koe mooni oku ai ae gaahi mea lelei jii oku ilo iate koe, koeuhi i hoo ave ae gaahi vao tabu mei he fonua, bea kuo ke teuteu ho loto ke kumi kia Jihova,

⁴Bea nae nofo a Jihosafate i Jelusalema: bea toe alu atu ia ki he kakai kotoabe mei Beasiba o a‘u ki he mouga ko Ifalemi, o ne liliu akinautolu kia Jihova koe Otua oe nau gaahi tamai.

⁵Bea nae fakanofo eia ae kau fakamāu i he fonua i he gaahi kolo tau kotoabe o Juta i he kolo taki taha kotoabe.

⁶Bea naa ne behe ki he kau fakamāu, Vakai ki he mea oku mou fai: he oku ikai te mou fakamāu ma ae tagata, ka kia Jihova, aia oku iate kimoutolu i he fakaāu.

⁷Koia tuku ke iate kimoutolu ae manavahe kia Jihova; bea vakai bea fai ia: he oku ikai ha agahia ia Jihova ko ho tau Otua, be ha filifili manako kakai, be ha ma‘u mea ofa.

⁸Bea nae fakanofo foki e Jihosafate i Jelusalema ae niihi oe kau Livai, bea moe kau taulaeiki, moe niihi i he tuu kimua oe kau mātua o Isileli, koeuhi ke fai ae fakamāu a Jihova, bea ki he gaahi fakakikihi, i he e nau liu mai ki Jelusalema.

⁹Bea nae fekau bau eia kiate kinautolu o behe, Ke mou fai behe be i he manavahe kia Jihova, o agatonu, bea i he loto haohaoa.

¹⁰Bea koe mea ia kotoabe e omi kiate kimoutolu i ho mou gaahi kaiga oku nofo i hoo nau gaahi kolo, i he fetamateaki, be i he fono moe fekau, moe gaahi tuutuuni, ke mou valoki akinautolu ke oua naa nau fai agahala kia Jihova, ke hoko ai ae houhau kiate kimoutolu, bea ki ho mou kaiga: mou fai ia, bea e ikai te mou fai hala.

¹¹Bea, vakai, ko Amalia koe taulaeiki lahi, oku bule ia kiate kimoutolu i he gaahi mea kotoabe ia Jihova; bea bule a Sebatia koe foha o Isimeli, koe bule oe fale o Juta, i he gaahi mea ae tu‘i: bea koe kau Livai foki koe gaahi matābule i ho mou ao. Mou fai loto malohi, bea e kau a Jihova moe agalelei.