II KOE TOHI FAKAMATALA MEA HOKOHOKO 2:1-18 TON1884 - Bible AI

¹1 Koe kau gaue a Solomone ke laga hake ae fale tabu, mo ene kole mei a Helami ae kau tufuga moe alaga fale. 11 Koe fai lelei kiate ia e Helami. BEA nae bau be ae loto o Solomone ke laga ha fale ki he huafa o Jihova, bea mo ha fale ma a hono buleaga.

²Bea nae vahe atu o lau e Solomone ae kau tagata e toko fitu mano ke fua ae gaahi kavega, moe toko valu mano ke fai taaga i he mouga, bea moe toko tolu afe moe onogeau ke eginaki‘i akinautolu.

³Bea nae fekau atu e Solomone kia Helami koe tu‘i o Taia, o behe, O hage ko hoo fai kia Tevita ko eku tamai, mo ke omi kiate ia ae gaahi sita ke laga aki moona ha fale ke nofo ai.

⁴Vakai, ko au foki oku ou laga ha fale ki he huafa o Jihova ko hoku Otua, ke fakatabu‘i ia kiate ia, bea ke tutu i hono ao ae mea namu kakala lelei, bea ke i ai mau ai be ae ma oe ao, bea ke fai ai ae feilaulau tutu i he bogibogi moe efiafi, bea i he aho tabu bea i he gaahi mahina foou, bea i he gaahi katoaga molumalu o Jihova ko ho mau Otua. Ke behe ni o taegata i Isileli.

⁵Bea oku lahi ae fale oku ou laga: he oku lahi hake a ho mau Otua i he gaahi otua kotoabe.

⁶Ka kohai oku faa laga ha fale kiate ia, kae vakai oku ikai faa hao ia i he lagi be i he loto lagi lahi aubito? bea koia, kohai au, keu laga ha fale moona, ka koeuhi be ke tutu ae feilaulau i hono ao?

⁷Koia foki ke ke tuku mai ni ha tagata tufuga boto i he gaohi oe koula, moe siliva, moe balasa, moe ukamea, bea i he kulokula moe kulaahoaho, moe lanumoana, bea ne boto ke fai ae togitogi fakataha moe kau tagata nima meaa oku nofo mo au i Juta mo Jelusalema, akinautolu nae fili e Tevita ko eku tamai.

⁸Tuku mai foki ae gaahi akau sita, moe gaahi baini, moe akau koe alimuku mei Lebanoni: he oku ou ilo oku boto a hoo kau tamaioeiki i he fai taaga i Lebanoni; bea vakai, e kau fakataha a eku kau tamaioeiki mo hoo kau tamaioeiki,

⁹Io, ke teuteu ae taaga akau ke lahi aubito: he koe fale oku ou teu ni ke laga e fakamanavahe a hono lahi.

¹⁰Bea vakai, teu foaki ki hoo kau tamaioeiki, ae kau tagata oku fai ae taaga, koe fuaaga uite kuo tuki e ua mano, moe fuaaga baale e ua mano, moe uaine koe kaloni e taha kilu, moe nima mano, moe kaloni e taha kilu moe nima mano oe lolo.

¹¹Bea nae toki fai e Helami koe tu‘i o Taia ae tohi ko hono tali, aia naa ne ave kia Solomone, Koe mea i he ofa a Jihova ki hono kakai kuo ne fakanofo koe koe tu‘i ke bule kiate kinautolu.

¹²Bea nae behe foki e Helami, Fakafetai kia Jihova koe Otua o Isileli, aia nae gaohi ae lagi bea mo mamani, bea kuo ne tuku kia Tevita koe tu‘i ha foha oku boto, bea oku fai fakabotoboto mo fakakaukau lelei, ke ne laga ha fale kia Jihova, bea moe fale ki hono buleaga.

¹³Bea kuou fekau atu eni kiate koe ha tagata boto, oku faa fakakaukau, aia nae ia Helami ko eku tamai,

¹⁴Koe tama oe fefine mei he gaahi ofefine o Tani, bea koe tagata Taia a ene tamai, oku boto ke gaue i he koula, moe siliva, moe balasa, moe ukamea moe maka, bea i he akau, moe kulokula, moe lanumoana, bea i he tubenu lelei, bea i he kulaahoaho; bea ke togi foki ae mea togitogi i he aga kehekehe, bea oku ne faa ilo ae aga oe mea kotoabe e tuku kiate ia ke fai, fakataha mo hoo kau tagata boto oou, bea moe kau tagata boto a eku eiki ko Tevita ko hoo tamai.

¹⁵Bea koeni, koe uite, moe baale, moe lolo, bea moe uaine, aia kuo lea ki ai a eku eiki, tuku ke ne omi ia ki he ene kau tamaioeiki:

¹⁶Bea te mau fai ae taaga akau i Lebanoni, o hage koia te ke loto ki ai; bea te mau oage ia kiate koe o taulani ia i tahi ki Joba: bea e aau a hono o hake ki Jelusalema.

¹⁷Bea nae lau hake e Solomone ae kakai muli kotoabe nae i he fonua o Isileli, o hage ko hono lau hake akinautolu e Tevita ko ene tamai; bea nae lau akinautolu koe toko taha kilu ma nima mano, moe tolu afe ma onogeau.

¹⁸Bea naa ne vahe‘i ae toko fitu mano iate kinautolu ke fua kavega, moe toko valu mano ke fai taaga i he mouga, moe kau eginaki e toko tolu afe moe onogeau ke tuku ha gaue ki he kakai.