II KOE TOHI FAKAMATALA MEA HOKOHOKO 24:1-27 TON1884 - Bible AI

¹1 Oku bule lelei a Joasi i he aho kotoabe o Jihoiata. 4 Nae fekaua ia he fakalelei ae fale tabu. 15 Koe bekia a Jihoiata mo hono butu lelei. 17 Nae liliu a Joasi o lotu he, bea tamate‘i eia a Sakalia koe foha o Jihoiaia. 23 Nae ikuna a Joasi e he kakai Silia, bea tamate‘i ia e Sabati mo Jihosabati. 27 Oku fetogi ia e Amasia. NAE fitu ta‘u ae motua o Joasi i he ene kamata ene bule, bea nae bule ia i he ta‘u e fagofulu i Jelusalema. Bea koe higoa o ene fa‘e ko Sibia mei Beasiba.

²Bea nae fai e Joasi aia nae lelei i he ao o Jihova i he gaahi aho kotoabe o Jihoiata koe taulaeiki.

³Bea nae omi moona e Jihoiata ae unoho e ua: bea nae tubu iate ia ae gaahi foha moe gaahi ofefine.

⁴Bea hili ae mea ni nae hoko o behe, nae loto a Joasi ke teuteu‘i foou ae fale o Jihova.

⁵Bea naa ne tanaki fakataha ae kau taulaeiki moe kau Livai, o ne behe kiate kinautolu, Alu kituaa ki he gaahi kolo kotoabe o Juta, bea tanaki ae baaga mei Isileli kotoabe ke gaohi o fakalelei ai ae fale o ho mou Otua i he ta‘u tuku fakaholo, bea vakai o fakavavevave ia. Ka nae ikai fakavavevave ia e he kau Livai.

⁶Bea nae fekau e he tu‘i‐ke‐ha‘u a Jihoiata koe tuu ki mua, o ne behe kiate ia, Koeha nae ikai te ke fekau ki he kau Livai ke fetuku mei Juta mo Jelusalema ae koloa tanaki, o fakatatau ki he fekau a Mosese koe tamaioeiki a Jihova, bea moe fakataha katoa o Isileli, ma ae fale nofoaga oe fakamooni?

⁷He koe gaahi tama ae fefine agakovi koia, ko Atalia, naa nau maumau‘i ae fale oe Otua; bea koe gaahi mea fakatabu‘i foki oe fale o Jihova naa nau foaki kia Beali.

⁸Bea i he fekau ae tu‘i naa nau gaohi ae buha, o nau tuku ia i tua i he mataba oe fale o Jihova.

⁹Bea naa nau fai ae fono ki Juta kotoabe mo Jelusalema, ke omi kia Jihova ae koloa tukuhau aia nae fekau e Mosese koe tamaioeiki ae Otua ki Isileli i he toafa:

¹⁰Bea nae fiefia ae houeiki kotoabe moe kakai kotoabe, o nau omi ki loto o ji ki he buha, o nau fai ai be ke oji.

¹¹Bea nae hoko o behe, iloga ae aho nae omi ai ae buha ki he fale oe tu‘i i he nima oe kau Livai, bea nau mamata oku lahi ae baaga, nae ha‘u ai ae tagata tohi ae tu‘i moe matābule oe taulaeiki lahi bea liligi ke maha ae buha, bea nae ave ia, o haamo ki hono botu. Nae behe e nau hokohoko fai i he aho kotoabe, bea nae tanaki ae baaga lahi aubito.

¹²Bea nae atu ia e he tu‘i mo Jihoiata kiate kinautolu nae fai ae gaue i he gaue ki he fale o Jihova, o nau totogi ki he kau tufuga maka, moe kau tufuga akau ke fakalelei ae fale o Jihova, bea moe niihi foki nae gaue i he ukamea moe balasa ke gaohi ke lelei ae fale o Jihova.

¹³Koia nae gaue ae kau tagata gaue, bea nae fakaoji lelei ae gaue ekinautolu, bea naa nau teu‘i ae fale oe Otua i hono aga oia, bea fakamalohi‘i ia.

¹⁴Bea hili a hono fakaoji, naa nau omi hono toe oe baaga ki he ao oe tu‘i mo Jihoiata, bea nae gaohi aki ia ae gaahi ibu ki he fale o Jihova, io oe gaahi ibu ke gaue aki, bea ke fai i ai ae atu mea, moe gaahi sibuni, moe gaahi ibu koula moe siliva. Bea naa nau atu ae gaahi feilaulau tutu mau ai be i he fale o Jihova i he gaahi aho kotoabe o Jihoiata.

¹⁵Ka nae fakaaau o motua a Jihoiata, bea nae lahi hono aho i he ene bekia: koe ta‘u e teau ma tolugofulu hono motua bea ne toki bekia.

¹⁶Bea naa nau tanu ia i he kolo o Tevita fakataha moe gaahi tu‘i, koe mea i he ene fai lelei i Isileli, ki he Otua, bea ki hono fale.

¹⁷Bea hili ae bekia a Jihoiata nae ha‘u ae houeiki o Juta, o nau fai ae hu ki he tu‘i. Bea nae tokaga ae tu‘i kiate kinautolu.

¹⁸Bea naa nau liaki ae fale o Jihova koe Otua oe nau gaahi tamai, ke tauhi ae gaahi vaotabu moe gaahi otua loi: bea nae hoko ai ae houhau ki Juta mo Jelusalema i he e nau agahala ni.

¹⁹Ka naa ne fekau ae kau balofita kiate kinautolu, ke toe omi akinautolu kia Jihova: bea naa nau lea valoki kiate kinautolu: ka nae ikai te nau loto ke tokaga ki ai.

²⁰Bea nae hoko ae Laumalie ae Otua kia Sakalia koe foha o Jihoiata koe taulaeiki, bea tuu ki oluga ia i he kakai, o ne behe kiate kinautolu, Oku behe mai e he Otua, Koe umaa hoo mou fai talagataa ki he gaahi fekau a Jihova, koia oku ikai ai te mou faa monuia? Koe mea i hoo mou liaki a Jihova, kuo ne liaki ai akimoutolu foki.

²¹Bea naa nau alea fakataha o tuu kiate ia o tologaki ia aki ae maka, i he fekau ae tu‘i, i he loto a oe fale o Jihova.

²²Koia nae ikai manatu‘i e he tu‘i ko Joasi ki he agalelei aia nae fai e Jihoiata kiate ia, ka naa ne tamate‘i hono foha. Bea i he ene bekia, nae behe eia, Ke afio ki ai a Jihova, bea totogi ki ai.

²³Bea i he gataaga oe ta‘u nae hoko o behe, nae ha‘u ae tau mei Silia ke tau‘i ia: bea naa nau omi ki Juta mo Jelusalema, o nau tamate‘i ae houeiki kotoabe mei he lotolotoga oe kakai, o nau foaki ae koloa vete kotoabe anautolu ki he tu‘i o Tamasikusi.

²⁴He nae ha‘u ae tau ae kakai Silia moe kau tagata tau toko jii, bea nae tuku e Jihova ae fuu tau lahi ki ho nau nima, koe mea i he e nau liaki a Jihova koe Otua oe nau gaahi tamai. Nae behe e nau fai ae tautea kia Joasi.

²⁵Bea i he e nau alu iate ia, (he naa nau tuku ia kuo ne mahaki lahi,) nae labaji ia e he ene kau tamaioeiki koeuhi koe toto oe gaahi foha o Jihoiata koe taulaeiki, o nau tamate‘i ia i hono mohega, bea nae bekia ia; bea naa nau tanu ia i he kolo a Tevita, ka nae ikai te nau tanu ia i he faitoka oe gaahi tu‘i.

²⁶Bea ko kinautolu eni, nae fai ae laba kiate ia; ko Sabati koe tama a Simiati koe fefine Amoni, mo Jihosabati koe tama a Similiti koe fefine Moabe.

²⁷Bea koe mea ki hono gaahi foha, mo hono lahi oe gaahi kavega nae hili kiate ia, mo hono fakalelei oe fale oe Otua, vakai, kuo tohi ia i he tohi fakamatala oe gaahi tu‘i. Bea nae fetogi ia i he bule e Amasia ko hono foha.