II KOE TOHI FAKAMATALA MEA HOKOHOKO 27:1-9 TON1884 - Bible AI

¹1 Oku bule lelei a Jotami bea monuia ia. 4 Oku ne iku‘i ae kakai Amoni. 7 Ko ene bule. 9 Oku fetogi ia e Ahasi. NAE uofulu ta‘u moe ta‘u e nima ae motua o Jotami i he ene kamata bule, bea nae bule ia i he ta‘u e hogofulu ma ono i Jelusalema. Bea koe higoa o ene fa‘e foki ko Jelusa, koe ofefine o Satoki.

²Bea nae fai lelei ia i he ao o Jihova, o fakatatau ki he mea kotoabe nae fai e he ene tamai ko Usaia: ka nae ikai hu ia ki he fale tabu o Jihova. Bea nae kei fai kovi e he kakai.

³Nae gaohi eia ae mataba maoluga oe fale o Jihova, bea naa ne laga hake aubito ki he a maka o Ofili.

⁴Bea naa ne laga foki ae gaahi kolo i he gaahi mouga o Juta, bea ne laga i he gaahi vao akau ae gaahi fale malohi moe fale maoluga.

⁵Bea nae tau ia moe ta‘i oe kakai Amoni, bea nae malohi ia kiate kinautolu. Bea nae atu kiate ia e he fānau a Amoni i he ta‘u be koia ae taleniti siliva e teau, moe buha fua oe uite e taha mano, moe taha mano oe baale. Nae atu ae mea lahi behe ni i hono ua oe ta‘u, mo hono tolu.

⁶Koia nae hoko o malohi lahi a Jotami, koe mea i he ene vakai ki hono gaahi hala i he ao o Jihova ko hono Otua.

⁷Bea ko hono toe oe gaue a Jotami, mo ene gaahi tau kotoabe, mo ene gaahi aga, vakai, kuo tohi ia i he tohi oe gaahi tu‘i o Isileli mo Juta.

⁸Nae uofulu ta‘u ia moe ta‘u e nima i he ene kamata bule, bea nae bule eia i he ta‘u e hogofulu ma ono i Jelusalema.

⁹Bea nae mohe a Jotami mo ene gaahi tamai, bea naa nau tanu ia i he kolo a Tevita: bea nae fetogi ia i he bule e hono foha ko Ahasi.