II KOE TOHI FAKAMATALA MEA HOKOHOKO 5:1-14 TON1884 - Bible AI

¹1 Koe koloa nae fakatabu‘i. 2 Koe ave fakaabaaba ae buha oe fuakava ki he folofolaaga. 11 Oku tuku e he Otua ae fakailoga o ene lelei ai. NAE behe a hono fakaoji ae gaue kotoabe nae fai e Solomone ma ae fale o Jihova: bea nae omi ki loto e Solomone ae gaahi mea nae fakatabu‘i e he ene tamai ko Tevita; bea moe siliva, moe koula, bea moe nāunāu kotoabe, naa ne ai fakataha moe gaahi koloa oe fale oe Otua.

²Bea nae toki fakataha e Solomone ki Jelusalema ae kau mātua o Isileli, bea moe eiki oe gaahi faahiga, koe kau tuu ki mua i he gaahi tamai oe fānau a Isileli, ke o hake ae buha oe fuakava a Jihova mei he kolo o Tevita, aia ko Saione.

³Koia nae fakataha mai ae kau tagata kotoabe o Isileli ki he tu‘i i he katoaga nae fai i hono fitu oe mahina.

⁴Bea nae ha‘u ae kau mātua kotoabe o Isileli; bea nae hiki hake ae buha oe fuakava e he kau Livai.

⁵Bea naa nau o hake ae buha oe fuakava, moe fale fehikitaki oe fakatahaaga, bea moe gaahi mea tabu nae i he fale fehikitaki, nae o hake ia e he kau taulaeiki bea moe kau Livai.

⁶Bea ko Solomone foki koe tu‘i, bea moe fakataha katoa o Isileli aia nae fakataha mai kiate ia i he ao oe buha oe fuakava, naa nau feilaulau aki ae faga sibi moe faga bulu, aia nae ikai faa lau‘i koe mea i he ene lahi aubito.

⁷Bea nae omi e he kau taulaeiki ae buha oe fuakava a Jihova ki hono botu, ki he folofolaaga i he fale, ki he botu tobutabu aubito, i he lolo kabakau oe ogo jelubi:

⁸He nae malofa atu e he ogo jelubi a ho na kabakau ki oluga i he botu oe buha oe fuakava, bea nae fakamalumalu ae buha oe fuakava mo hono kau haamo e he ogo jelubi mei oluga.

⁹Bea naa nau too mai ae kau haamo, koeuhi ke ha mai ae mui haamo mei he buha oe fuakava i he ao oe folofolaaga; ka nae ikai ha ia mei tua. Bea oku i ai be ia o a‘u ki he aho ni.

¹⁰Nae ikai ha mea i he buha oe fuakava, ka koe ogo maka lafalafa aia nae ai ki ai e Mosese i Holebi, koe botu nae fai ai e Jihova ha fuakava moe fānau a Isileli i he e nau ha‘u mei Ijibite.

¹¹Bea nae hoko o behe, i he ene hu mai ae kau taulaeiki mei he botu tobutabu: (he nae fakamaonioni‘i ae kau taulaeiki kotoabe nae i ai, bea nae ikai te nau tali fakalakaga:

¹²Moe kau Livai foki nae fai ae hiva, akinautolu kotoabe nae o Asafi, mo Hemani, mo Jitutuni, moe nau gaahi foha mo ho nau kaiga, nae kofu aki ae tubenu lelei mo hinehina, mo nau too ae gaahi mea bakihi, moe gaahi utete, moe gaahi haabe, naa nau tuu ki he botu fakahahake oe feilaulauaga, bea nae tuu fakataha mo kinautolu ae kau taulaeiki e toko teau ma uofulu nae ifi aki ae gaahi mealea:)

¹³Nae hoko o behe, i he ene kau taha ae kau ifi mealea moe kau hiva, ke nau le‘o taha be i he hiva moe fakafetai kia Jihova; bea i he e nau hiki hake ho nau le‘o i he mealea moe gaahi mea bakihi, moe gaahi mea faji hiva mo nau hiva kia Jihova, o behe, He koeuhi oku agalelei ia; bea oku tuu mau o taegata a ene aloofa: nae toki fakafonu ai ae fale aki ae ao, io ae fale o Jihova;

¹⁴Bea koia nae ikai faa tuu ai ae kau taulaeiki ke fai ae tauhi koeuhi koe ao: he koe nāunāu o Jihova nae fakafonu aki ae fale oe Otua.