II KOE TOHI FAKAMATALA MEA HOKOHOKO 9:1-31 TON1884 - Bible AI

¹1 Koe ofo ae tu‘i fefine o Siba i he boto a Solomone. 10 Koe koloa kehekehe a Solomone mo hono nāunāu. 23 Koe gaahi mea ofa nae omi kia Solomone. 25 Ko ene gaahi jaliote moe kau heka hose nae iate ia, moe tukuhau nae fai kiate ia. 29 Koe fuoloa o ene bule bea mo ene bekia. BEA i he fanogo ae tu‘i fefine o Siba ki he ogoogo o Solomone naa ne ha‘u ki Jelusalema ke ahiahi‘i a Solomone aki ae gaahi fehui ilogataa, koia moe fuu fonoga toko lahi, moe faga kameli nae fetuku ae gaahi mea namu kakala, moe koula lahi aubito, moe gaahi maka mahuiga: bea i he ene hoko mai kia Solomone, naa ne talanoa moia ki he mea kotoabe nae i hono loto.

²Bea nae tali e Solomone a ene gaahi lehui kotoabe: bea nae ikai fufu mei a Solomone ha mea ke ne taefakamatala ia kiate ia.

³Bea hili ae mamata e he tu‘i fefine o Siba ki he boto kotoabe a Solomone, bea moe fale aia naa ne laga,

⁴Moe meakai i hono keinagaaga, moe aga oe nofo a ene kau tamaioeiki, moe toutuu a ene kau tauhi, mo ho nau kofu; mo kinautolu foki nae tauhi a ene mea inu, mo ho nau kofu onautolu, bea moe hala aia naa ne alu hake ai ki he fale o Jihova; nae vaivai a hono loto iate ia.

⁵Bea nae behe eia ki he tu‘i, Ta koe lea mooni ia aia naaku fanogo ki ai i hoku fonua ooku, ki hoo gaahi gaue bea mo hoo boto.

⁶Ka nae ikai teu tui ki he e nau lea, kae oua keu ha‘u, bea mamata ki ai a hoku mata: bea vakai, nae ikai tala mai hono vaheua oe lahi o hoo boto: he oku ke lahi hake i he ogoogo koia naaku fanogo ki ai.

⁷Oku monuia a hoo kau tagata, oku monuia a hoo kau tamaioeiki koeni oku tutuu mau ai be i ho ao, o nau fanogo ki hoo boto.

⁸Fakafetai kia Jihova ko ho Otua, aia kuo lolofie lelei kiate koe ke fakanofo koe ki hono nofoa fakatu‘i, koe tu‘i ma a Jihova ko ho Otua: koeuhi nae ofa a ho Otua ki Isileli, ke fokotuu akinautolu ke taegata; koia naa ne fakanofo ai koe ke tu‘i kiate kinautolu, ke fai ae fakamāu moe fai totonu.

⁹Bea naa ne foaki ki he tu‘i ae taleniti koula e teau ma uofulu, moe gaahi mea namu kakala fuu lahi aubito, moe gaahi maka mahuiga: bea nae ikai ha gaahi mea kakala ke tatau moia nae foaki kia Solomone e he tu‘i fefine o Siba.

¹⁰Bea koe kau tamaioeiki foki a Helami moe kau tamaioeiki a Solomone, aia nae omi ae koula mei Ofeli, naa nau omi ae gaahi akau alikumi bea moe gaahi maka mahuiga.

¹¹Bea nae gaohi e he tu‘i aki ae gaahi akau alikumi, ae gaahi bou ki he fale o Jihova, bea ki he fale oe tu‘i, moe gaahi haabe moe gaahi mea hiva ma ae kau faji hiva: bea nae heeki ai ke mamata e he fonua o Juta ki he gaahi mea behe.

¹²Bea nae foaki e Solomone ki he tu‘i fefine o Siba a ene holi kotoabe, ae mea fulibe naa ne kole ki ai, koe fakalahi o ene tali ae koloa naa ne fetuku mai ki he tu‘i. Bea behe, naa ne liliu atu, o alu ki hono fonua oona, aia mo ene kau tamaioeiki.

¹³Bea koeni, ko hono mamafa oe koula nae omi kia Solomone i he ta‘u be taha, koe taleniti e onogeau moe onogofulu ma ono oe koula;

¹⁴Ka nae lau kehe aia nae fetuku mai e he kau tagata nae fai ae fefakatauaki. Bea nae omi ae koula moe siliva kia Solomone e he gaahi tu‘i kotoabe o Alebea, bea e he kau bule oe gaahi vahe fonua.

¹⁵Bea nae gaohi e Solomone koe tu‘i ae gaahi ba e uageau aki ae koula nae tuki: koe sikeli e onogeau oe koula nae i he ba be taha.

¹⁶Bea naa ne gaohi ae gaahi ba iki e tolugeau aki ae koula nae tuki; koe sikeli e tolugeau oe koula nae i he ba be taha. Bea nae tuku ia e he tu‘i ki he fale i he vao akau o Lebanoni.

¹⁷Nae gaohi foki e he tu‘i ha fuu nofoa fakatu‘i aki ae lei, bea naa ne aofi aki ia ae koula lelei lahi.

¹⁸Nae ai ae lakaaga e ono ke alu hake ai ki he nofoa fakatu‘i, moe tuuga va‘e koula, aia nae fakamau ki he nofoa fakatu‘i, moe aiaga nima i hono botu kaokao e ua oe hekaaga, moe laione e ua nae tuu ofi ki he aiaga nima:

¹⁹Bea nae tuu i hono botu e taha ae laione e hogofulu ma ua, bea i he botu kehe e taha i he lakaaga e ono. Nae ikai gaohi hano tatau i ha buleaga.

²⁰Bea nae gaohi aki ae koula ae gaahi ibu inu kotoabe oe tu‘i ko Solomone, bea nae oe koula lelei ae gaahi ibu kotoabe oe fale i he vao akau o Lebanoni: nae ikai ha taha oe siliva; he nae ikai lau ia koe mea mahuiga i he gaahi aho o Solomone.

²¹He nae alu ae folau ae tu‘i ki Tasisi fakataha moe kau tamaioeiki a Helami: nae ha‘u tuo taha i he ta‘u e tolu ae folau mei Tasisi, ke omi ae koula, moe siliva, moe lei, moe faga geli, bea moe faga bikoka.

²²Bea nae lahi hake ae ma‘u koloa moe boto a Solomone i he gaahi tu‘i kotoabe o mamani.

²³Bea nae holi ke ha‘u ki he ao o Solomone e he gaahi tu‘i kotoabe o mamani, ke fanogo ki he ene boto, aia nae tuku ki hono loto e he Otua.

²⁴Bea naa nau omi e he tagata taki taha a ene mea ofa, koe gaahi mea siliva, moe gaahi mea koula, moe gaahi kofu, moe gaahi mahafu tau, moe mea namu kakala, moe faga hose, moe faga miuli, koe tukuhau i he ta‘u kotoabe.

²⁵Bea nae ia Solomone ae botu fale tuuaga e fa afe ki he faga hose moe gaahi jaliote, bea moe kau heka hose e taha mano moe ua afe; aia naa ne vahevahe ke nofo i he gaahi kolo jaliote, bea ki he tu‘i i Jelusalema.

²⁶Bea naa ne bule ki he gaahi tu‘i kotoabe mei he vaitafe o a‘u atu ki he fonua oe kakai Filisitia, bea o a‘u ki he mata fonua o Ijibite.

²⁷Bea nae gaohi ae siliva e he tu‘i ke tatau i Jelusalema moe gaahi maka, bea koe gaahi akau sita nae hage ia koe gaahi akau sukamino aia nae i he gaahi botu tokalelei, i hono lahi aubito.

²⁸Bea naa nau omi kia Solomone ae faga hosi mei Ijibite, bea mei he gaahi fonua kotoabe.

²⁹Bea koeni ko hono toe oe gaahi gaue a Solomone, mei he uluaki ki he kimui, ikai kuo tohi ia i he tohi a Natani koe balofita, bea i he kikite o Ahija koe tagata Sailo, bea i he gaahi kikite o Ito koe tagata kikite nae valoki kia Jeloboami koe foha o Nibati?

³⁰Bea nae bule a Solomone i Jelusalema ki Isileli katoa i he ta‘u e fagofulu.

³¹Bea nae mohe a Solomone mo ene gaahi tamai bea nae fai hono butu i he kolo o Tevita ko ene tamai: bea nae fetogi ia i he bule e hono foha ko Lehoboami.