JEMESI 1:1-27 TON1884 - Bible AI

¹1 Ke tau fiefia i he hoko ae mamahi, 5 ke kole ae aa kataki mei he Otua, 13 bea i ho tau ahiahi‘i he oua naa tuku e tau vaivai, be koe tau agahala, ki he Otua, 19 kae fakafanogo mu‘a ki he folofola, ke fakalaulauloto ki ai, bea ke fai ki ai. 26 Kae ikai ke tau fai behe, ne ogo e tau matamata lotu, ka oku ikai mooni. KO AU JEMESI, koe tamaioeiki ae Otua, bea moe Eiki ko Jisu Kalaisi, ki he faahiga e hogofulu ma ua kuo fakahe mamao, ofa atu.

²E hoku kaiga, oka mou ka to ki he gaahi ahiahi kehekehe, ui ia kotoabe koe mea fakafiefia;

³O ilo, koe ahiahi‘i o hoo mou tui, oku ne fakatubu ae kataki.

⁴Kae tuku ae kataki ke gaue ki he haohaoa, koeuhi ke mou haohaoa mo maoboobo, o taemajiva i ha mea.

⁵Ka ai ha mou taha oku majiva i he boto, ke kole eia ki he Otua, aia oku ne foaki lahi ki he kakai kotoabe, bea oku ikai valoki‘i; bea e foaki ia kiate ia.

⁶Ka e lelei ene kole i he tui, o taefa-kataetaetui. He ko ia oku fakataetae-tui oku hage ia koe beau oe tahi oku fakateka mo feliliaki e he matagi.

⁷Ke oua naa mahalo e he tagata koia e ma‘u eia ha mea mei he Eiki.

⁸Koe tagata oku lotolotoua, oku tae-māu i he ene aga kotoabe.

⁹Ke fiefia ae tokoua oku majiva i hono hakeaki‘i:

¹⁰Ka koe ma‘umea, i hono fakaaga-vaivai‘i: koeuhi e mole atu ia o hage koe fiji oe mohuku.

¹¹He oku alu hake ae laa moe vela lahi, bea ne fakamae ae mohuku, bea gagana ai hono fiji oona, bea auha moe fakaofoofa o hono gaohi: e behe foki ae auha oe tagata koloaia mei hono hala.

¹²Oku monuia ae tagata oku ne kataki ae ahiahi: he oka ilo ia oku lelei, e ma‘u eia ae bale oe moui, aia kuo talaofa ki ai ae Eiki kiate kinautolu oku ofa kiate ia.

¹³Ke oua naa behe e ha taha oka ahiahi kovi‘i ia, Kuo ahiahi kovi‘i au e he Otua: he oku ikai faa ahiahi‘i ae Otua e he kovi, bea oku ikai ahiahi kovi‘i eia ha toko taha:

¹⁴Ka kuo ahiahi kovi‘i ae tagata, aia kuo takiekina, bea fakaoloolo, e he ene holi aana.

¹⁵Bea oka tuituia ae holi kovi, oku fanau‘i koe agahala: bea ka kakato ae agahala, oku fanau‘i ai ae mate.

¹⁶E hoku kaiga ofeina, oua naa mou he.

¹⁷Koe foaki lelei kotoabe moe foaki haohaoa kotoabe oku mei oluga, bea oku alu hifo ia mei he Tamai oe gaahi māma, aia oku ikai i ai ha fetooaki, be koe ata oe feliliuaki

¹⁸Bea ko hono finagalo be oona naa ne fakatubu ai akitautolu aki ae folofola oe mooni, koeuhi ke tau hoko koe uluaki fua i hono kakai.

¹⁹Koia, ko hoku kaiga ofeina, ke fakavave ae tagata kotoabe ki he fanogo, bea fakatuotuai ki he lea, o faka-totoka ki he ita:

²⁰He oku ikai ke fakatubu ae maonioni oe Otua e he ita ae tagata.

²¹Koia mou liaki ae uli kotoabe bea mo hono lahi fau oe agahala, bea tali i he agavaivai ae folofola kuo to, aia oku malohi ke fakamoui ho mou laumalie.

²²Ka ke fai ekimoutolu ki he folofola, bea oua naa gata i he fanogo, o mou kākā‘i akimoutolu.

²³He kabau oku fanogo e ha taha ki ne folofola, kae ikai fai, oku tatau ia mo ha taha oku ne fakajio ki he mata o hono jino i ha jioata:

²⁴He oku ne fakajio kiate ia, bea alu, bea galo leva iate ia be oku matamata fefe ia.

²⁵Ka ko ia oku jio fakamamau ki he fono haohaoa oe tauataina, bea fai mau ai be ki ai, bea oku ikai fanogo mo galo, ka oku fai eia ae gaue, e monuia ae tagata ni i he ene gaue.

²⁶Kabau oku ai ha taha iate kimoutolu oku ne mahalo koe lotu ia, kae ikai taofi hono elelo, kae kākā‘i hono loto oona, oku taeoga ae lotu ae tagata koia.

²⁷Koe lotu maonioni mo tae hano mele i he ao oe Otua koe Tamai, ko eni ia, Ke aahi ki he gaahi tamai mate moe kau fefine kuo mate ho nau unoho, i he e nau mamahi, bea ke fakaehiehi ia mei mamani ke tae hano mele.